ຢາໂກໂບ, ນ້ອງຊາຍຂອງພຣະຜູ້ເປັນເຈົ້າ
ໃນພຣະຄຳພີໃໝ່, ນ້ອງຊາຍຂອງພຣະຜູ້ເປັນເຈົ້າ (ຄລຕ 1:19) ແລະ ເປັນອ້າຍຂອງໂຢເຊັບ, ຊີໂມນ, ຢູດາ ແລະ ນ້ອງສາວຫລາຍຄົນ (ມທ 13:55–56; ມຣກ 6:3; ຢູດາ 1:1). ລາວຍັງເປັນທີ່ຮູ້ຈັກອີກວ່າ ເປັນຢາໂກໂບຜູ້ທີ່ທ່ຽງທຳ ແລະ ມີຕຳແໜ່ງທີ່ສຳຄັນຢູ່ໃນສາດສະໜາຈັກ ໃນເຢຣູຊາເລັມ (ກຈກ 12:17; 15:13; 1 ກຣທ 15:7; ຄລຕ 2:9–12). ບາງທີລາວໄດ້ເປັນຜູ້ຂຽນສານຂອງຢາໂກໂບ.
ສານຂອງຢາໂກໂບ
ໜັງສືເຫລັ້ມໜຶ່ງໃນພຣະຄຳພີໃໝ່. ສະບັບຕົ້ນແມ່ນເປັນຈົດໝາຍທີ່ຂຽນເຖິງສິບສອງເຜົ່າຂອງອິດສະຣາເອນທີ່ໄດ້ກະຈັດກະຈາຍໄປທົ່ວ ແລະ ບາງທີອາດຖືກຂຽນຈາກເຢຣູຊາເລັມ. ສານນີ້ບັນຈຸຄວາມແຈ່ມແຈ້ງບາງຢ່າງກ່ຽວກັບການປະຕິບັດທາງສາດສະໜາ, ລວມທັງຄວາມສຳຄັນຂອງຄຳແນະນຳໃນ ບົດທີ 1 ທີ່ວ່າຖ້າຫາກຄົນໃດຂາດສະຕິປັນຍາ, ກໍໃຫ້ຄົນນັ້ນທູນຖາມພຣະເຈົ້າເພື່ອຂໍຄວາມຊ່ວຍເຫລືອ (ຢກບ 1:5–6; ຈສ—ປ 1:9–20). ບົດທີ 2 ກ່ຽວຂ້ອງກັບສັດທາ ແລະ ວຽກງານ. ບົດທີ 3–4 ກ່າວເຖິງຄວາມສຳຄັນຂອງການບັງຄັບລີ້ນ ແລະ ຕັກເຕືອນໄພ່ພົນຂອງພຣະເຈົ້າບໍ່ໃຫ້ກ່າວຄຳບໍ່ດີຕໍ່ກັນ. ບົດທີ 5 ໄດ້ຊຸກຍູ້ໄພ່ພົນຂອງພຣະເຈົ້າໃຫ້ມີຄວາມອົດທົນ ແລະ ທີ່ຈະເອີ້ນແອວເດີເພື່ອໃຫ້ພອນແກ່ຄົນເຈັບປ່ວຍ; ມັນຍັງສິດສອນອີກເຖິງພອນເລື່ອງການຊ່ວຍປ່ຽນໃຈເຫລື້ອມໃສຄົນອື່ນໆ.