ພວກຜູ້ປົກຄອງ, ພຣະທຳ
ໜັງສືເຫລັ້ມໜຶ່ງໃນພຣະຄຳພີເດີມ. ພຣະທຳພວກຜູ້ປົກຄອງກ່ຽວຂ້ອງກັບຊາວອິດສະຣາເອນ ຈາກເວລາທີ່ໂຢຊວຍໄດ້ຕາຍໄປ ເຖິງການເກີດຂອງຊາມູເອນ.
ບົດທີ 1–3 ເປັນບົດຄຳນຳຂອງພຣະທຳພວກຜູ້ປົກຄອງທັງເຫລັ້ມ. ມັນອະທິບາຍວ່າ ເພາະຊາວອິດສະຣາເອນບໍ່ໄດ້ຂັບໄລ່ສັດຕູຂອງພວກເຂົາອອກໄປ (ຜປ 1:16–35), ຊາວອິດສະຣາເອນຈຶ່ງຕ້ອງຮັບທຸກທໍລະມານກັບຜົນທີ່ໄດ້ຮັບ: ການສູນເສຍສັດທາ, ການແຕ່ງງານກັບຄົນນອກສາດສະໜາ, ແລະ ການນັບຖືຮູບບູຊາ. ບົດທີ 4–5 ເລົ່າປະສົບການຂອງນາງເດໂບຣາ ແລະ ບາຣັກ, ຜູ້ໄດ້ປົດປ່ອຍຊາວອິດສະຣາເອນຈາກຊາວການາອານ. ບົດທີ 6–8 ເປັນປະສົບການທີ່ສົ່ງເສີມສັດທາຂອງກີເດໂອນ, ຜູ້ຊຶ່ງພຣະຜູ້ເປັນເຈົ້າ ອວຍພອນໃຫ້ປົດປ່ອຍອິດສະຣາເອນຈາກຊາວມີດີອານ. ໃນ ບົດທີ 9–12, ຜູ້ຊາຍຫລາຍຄົນທີ່ຮັບໃຊ້ເປັນຜູ້ຕັດສິນໃນອິດສະຣາເອນ ໃນໄລຍະເວລາທີ່ຊາວອິດສະຣາເອນສ່ວນຫລາຍປະຖິ້ມຄວາມເຊື່ອ ແລະ ໄດ້ຖືກປົກຄອງໂດຍຄົນຕ່າງຊາດ. ບົດທີ 13–16 ບອກເຖິງຄວາມກ້າວໜ້າ ແລະ ການຕົກຂອງຜູ້ຕັດສິນຄົນສຸດທ້າຍຊື່ ແຊມຊັນ. ບົດທີ, 17–21 ສຸດທ້າຍ, ສາມາດບັນຍາຍວ່າເປັນພາກຫ້ອຍທ້າຍ ທີ່ເປີດເຜີຍບາບອັນຮ້າຍແຮງຂອງອິດສະຣາເອນ.