ຟາຣີຊາຍ
ໃນພຣະຄຳພີໃໝ່, ກຸ່ມສາດສະໜາໃນບັນດາຊາວຢິວ ຊຶ່ງຊື່ນີ້ບອກເຖິງການຢູ່ຫ່າງ ຫລື ແຍກຕົວ. ພວກຟາຣີຊາຍພູມໃຈກັບຕົນເອງຫລາຍ ເລື່ອງການຮັກສາກົດຂອງໂມເຊຢ່າງເຄັ່ງຄັດ ແລະ ຫລີກເວັ້ນຈາກການສຳພັນກັບຄົນຕ່າງຊາດ. ພວກເຂົາເຊື່ອໃນຊີວິດຫລັງຈາກຄວາມຕາຍ, ການຟື້ນຄືນຊີວິດ, ແລະ ການເປັນຢູ່ຂອງເຫລົ່າທູດ ແລະ ວິນຍານ. ພວກເຂົາເຊື່ອວ່າ ກົດທາງວາຈາ ແລະ ຮີດຄອງປະເພນີກໍມີຄວາມສຳຄັນເທົ່າໆກັບກົດທີ່ມີຂຽນໄວ້. ຄຳສອນຂອງພວກເຂົາໄດ້ຜ່ອນຜັນສາດສະໜາລົງມາເປັນການຮັກສາກົດ ແລະ ຊຸກຍູ້ຄວາມຈອງຫອງທາງວິນຍານ. ພວກເຂົາເຮັດໃຫ້ຊາວຢິວຫລາຍຄົນເກີດຄວາມສົງໄສພຣະຄຣິດ ແລະ ພຣະກິດຕິຄຸນຂອງພຣະອົງ. ພຣະຜູ້ເປັນເຈົ້າໄດ້ປະນາມພວກຟາຣີຊາຍ ແລະ ວຽກງານຂອງພວກເຂົາ ໃນ ມັດທາຍ 23; ມາຣະໂກ 7:1–23; ແລະ ລູກາ 11:37–44.