ບຸກຄົນທີ່ຖືກປ່ຽນສະພາບແລ້ວ ບຸກຄົນທີ່ຖືກປ່ຽນແປງ ເພື່ອວ່າເຂົາເຈົ້າຈະບໍ່ປະສົບກັບຄວາມເຈັບປວດ ຫລື ຄວາມຕາຍ ຈົນກວ່າເຂົາເຈົ້າໄດ້ຟື້ນຄືນຊີວິດ ສູ່ຄວາມເປັນອະມະຕະ. ເອນົກໄດ້ຕິດສະໜິດກັບພຣະເຈົ້າ: ແລະ ລາວກໍໄດ້ຫາຍຕົວໄປ; ເພາະພຣະເຈົ້າໄດ້ຮັບເອົາລາວໄປ, ປຖກ 5:24 (ຮຣ 11:5; ຄພ 107:48–49). ບໍ່ມີໃຜຮູ້ວ່າອຸບມຸງຂອງໂມເຊຢູ່ໃສ ຈົນເຖິງທຸກວັນນີ້, ພບຍ 34:5–6 (ແອວ 45:19). ລົມພະຍຸກໍພັດຫອບເອົາເອລີຢາຂຶ້ນສູ່ສະຫວັນ, 2 ກສ 2:11. ຖ້າເຮົາຢາກໃຫ້ລາວມີຊີວິດຢູ່ຈົນເຮົາກັບມາ, ຈະກ່ຽວຂ້ອງອັນໃດກັບເຈົ້າ, ຢຮ 21:22–23 (ຄພ 7:1–3). ເຈົ້າຈະບໍ່ຕ້ອງຊີມລົດຊາດຂອງຄວາມຕາຍເລີຍ, 3 ນຟ 28:7. ເພື່ອພວກເພິ່ນຈະບໍ່ໄດ້ຊີມລົດຊາດຂອງຄວາມຕາຍ ມັນຈຶ່ງມີການປ່ຽນແປງເກີດຂຶ້ນກັບຮ່າງກາຍຂອງພວກເພິ່ນ, 3 ນຟ 28:38 (4 ນຟ 1:14; ມມ 8:10–11). ໂຢຮັນຜູ້ເປັນທີ່ຮັກ ຈະມີຊີວິດຢູ່ຈົນກວ່າພຣະຜູ້ເປັນເຈົ້າສະເດັດມາ, ຄພ 7. ເຮົາໄດ້ເອົາເມືອງຊີໂອນຂອງເອນົກເຂົ້າມາໄວ້ໃນຊວງເອິກຂອງເຮົາເອງ, ຄພ 38:4 (ມຊ 7:21, 31, 69). ເອນົກ ແລະ ພີ່ນ້ອງຂອງເພິ່ນ ເປັນເມືອງທີ່ຖືກຮັກສາໄວ້ຈົນກວ່າວັນແຫ່ງຄວາມຊອບທຳຈະມາເຖິງ, ຄພ 45:11–12. ເອລີຢາໄດ້ຖືກຮັບຂຶ້ນໄປສະຫວັນໂດຍບໍ່ໄດ້ຊີມລົດຊາດຂອງຄວາມຕາຍ, ຄພ 110:13. ພຣະວິນຍານບໍລິສຸດໄດ້ລົງມາເທິງຫລາຍຄົນ, ແລະ ພວກເຂົາໄດ້ຖືກຮັບຂຶ້ນໄປຫາຊີໂອນ, ມຊ 7:27.