ມະຕະ, ຄວາມເປັນມະຕະ ເບິ່ງ ການຕົກຂອງອາດາມ ແລະ ເອວາ; ຄວາມຕາຍທາງຮ່າງກາຍ; ໂລກ; ຮ່າງກາຍ ນຳອີກ ເວລາຈາກຕອນເກີດ ຈົນເຖິງເວລາຕາຍທາງຮ່າງກາຍ. ສິ່ງນີ້ບາງເທື່ອຖືກເອີ້ນວ່າ ສະພາວະທີສອງ. ຖ້າເຈົ້າຂືນກິນເມື່ອໃດ ເຈົ້າຈະຕາຍເມື່ອນັ້ນ, ປຖກ 2:16–17 (ມຊ 3:16–17). ຮ່າງກາຍຂອງພວກເຮົາຈະກັບເປັນຂີ້ຝຸ່ນດິນອີກ ແລະ ຈິດວິນຍານຂອງພວກເຮົາກໍຈະກັບຄືນໄປຫາພຣະເຈົ້າ, ປຍຈ 12:7 (ປຖກ 3:19; ມຊ 4:25). ຢ່າໃຫ້ຄວາມຜິດບາບໄດ້ປົກຄອງຮ່າງກາຍທີ່ຕ້ອງຕາຍຂອງພວກເຈົ້າອີກຕໍ່ໄປ, ຣມ 6:12. ສິ່ງທີ່ຕາຍເປັນຕ້ອງຖືກປ່ຽນແປງສູ່ສິ່ງທີ່ຕາຍບໍ່ເປັນ, 1 ກຣທ 15:53 (ອນ 1:27; ມຊຢ 16:10; ມມ 6:21). ສະພາບຂອງມະນຸດກາຍເປັນສະພາວະແຫ່ງການທົດລອງ, 2 ນຟ 2:21 (ແອວ 12:24; 42:10). ອາດາມຕົກເພື່ອມະນຸດຈະໄດ້ເປັນຢູ່, 2 ນຟ 2:25. ພວກທ່ານໄດ້ຄອຍຖ້າເບິ່ງຮ່າງກາຍທີ່ເປັນມະຕະນີ້ຖືກຍົກຂຶ້ນໄປຫາຄວາມເປັນອະມະຕະບໍ, ແອວ 5:15. ຊີວິດນີ້ເປັນເວລາທີ່ຈະຕຽມພ້ອມເພື່ອພົບກັບພຣະເຈົ້າ, ແອວ 34:32. ຢ່າສູ່ຢ້ານຄວາມຕາຍ, ເພາະຄວາມສຸກຂອງພວກເຈົ້າບໍ່ບໍລິບູນໃນໂລກນີ້, ຄພ 101:36. ຜູ້ທີ່ຮັກສາສະພາວະທີສອງຂອງເຂົາ ຈະມີລັດສະໝີພາບ, ອຣຮ 3:26.