ຊາວໂກຣິນໂທ, ສານເຖິງ
ໜັງສືສອງເຫລັ້ມໃນພຣະຄຳພີໃໝ່. ມັນເປັນໜັງສືສະບັບຕົ້ນທີ່ໂປໂລໄດ້ຂຽນເຖິງໄພ່ພົນຂອງພຣະເຈົ້າ ໃນໂກຣິນໂທ ເພື່ອດັດແປງຄວາມບໍ່ເປັນລະບຽບໃນບັນດາພວກເຂົາ. ຊາວໂກຣິນໂທໄດ້ອາໄສໃນສັງຄົມທີ່ຊົ່ວຮ້າຍຫລາຍທາງສິນທຳ.
ໂກຣິນໂທສະບັບທີໜຶ່ງ
ບົດທີ 1 ບັນຈຸຄຳທັກທາຍຂອງໂປໂລ ແລະ ຄຳຕັກເຕືອນຂອງເພິ່ນຕໍ່ໄພ່ພົນຂອງພຣະເຈົ້າໃຫ້ເປັນນ້ຳໜຶ່ງໃຈດຽວກັນ. ບົດທີ 2–6 ຄຳຕັກເຕືອນຂອງໂປໂລຕໍ່ຄວາມຜິດຂອງໄພ່ພົນຂອງພຣະເຈົ້າຊາວໂກຣິນໂທ. ບົດທີ 7–12 ບັນຈຸຄຳຕອບຂອງໂປໂລຕໍ່ຄຳຖາມບາງຢ່າງ. ບົດທີ 13–15 ມີຄວາມເປັນຫ່ວງເປັນໃຍເລື່ອງຄວາມໃຈບຸນ, ຂອງປະທານທາງວິນຍານ, ແລະ ການຟື້ນຄືນຊີວິດ. ບົດທີ 16 ບັນຈຸຄຳແນະນຳຂອງໂປໂລ ເພື່ອໃຫ້ຍຶດໝັ້ນໃນສັດທາ.
ໂກຣິນໂທສະບັບທີສອງ
ບົດທີ 1 ບັນຈຸຄຳທັກທາຍຂອງໂປໂລ ແລະ ຄຳປອບໂຍນ. ບົດທີ 2 ບັນຈຸຄຳແນະນຳສ່ວນຕົວສຳລັບຕີໂຕ. ບົດທີ 3–7 ກ່ຽວກັບພະລັງຂອງພຣະກິດຕິຄຸນໃນຊີວິດຂອງໄພ່ພົນຂອງພຣະເຈົ້າ ແລະ ຜູ້ນຳຂອງເຂົາເຈົ້າ. ບົດທີ 8–9 ແນະນຳໄພ່ພົນຂອງພຣະເຈົ້າໃຫ້ເປັນຜູ້ມອບໃຫ້ແກ່ຄົນຍາກຈົນດ້ວຍຄວາມເບີກບານໃຈ. ບົດທີ 10–12 ເປັນການປະກາດຕຳແໜ່ງຂອງໂປໂລ ໃນຖານະເປັນອັກຄະສາວົກ. ບົດທີ 13 ເປັນຄຳແນະນຳໃຫ້ເປັນຄົນດີພ້ອມທຸກຢ່າງ.