ທາຍາດ ບຸກຄົນທີ່ມີສິດຈະໄດ້ຮັບຂອງປະທານທາງຮ່າງກາຍ ຫລື ວິນຍານ. ໃນພຣະຄຳພີ, ຄົນຊອບທຳໄດ້ຖືກສັນຍາວ່າ ເຂົາເຈົ້າຈະໄດ້ຮັບທຸກສິ່ງທຸກຢ່າງທີ່ພຣະເຈົ້າມີເປັນມູນມໍລະດົກ. ອັບຣາຮາມຢາກມີຜູ້ສືບມໍລະດົກ, ປຖກ 15:2–5. ໂລກນີ້ເປັນຂອງອັບຣາຮາມຍ້ອນສັດທາທີ່ຊອບທຳຂອງເພິ່ນ, ຣມ 4:13. ພວກເຮົາເປັນລູກຂອງພຣະເຈົ້າ, ແລະ ຖ້າເຮົາທັງຫລາຍເປັນລູກ, ແລ້ວເຮົາກໍເປັນຜູ້ຮັບມໍລະດົກຈາກພຣະເຈົ້າ, ແລະ ເປັນຜູ້ຮ່ວມຮັບມໍລະດົກກັບພຣະຄຣິດ, ຣມ 8:16–17 (ຄພ 84:38). ເຈົ້າເປັນບຸດ, ເປັນທາຍາດຂອງພຣະເຈົ້າຜ່ານພຣະຄຣິດ, ຄລຕ 4:7. ພຣະເຈົ້າໄດ້ຕັ້ງພຣະບຸດຂອງພຣະອົງໃຫ້ເປັນຜູ້ຮັບສັບພະທຸກສິ່ງທັງປວງເປັນມໍລະດົກ, ຮຣ 1:2. ຜູ້ທີ່ລໍຖ້າການໄຖ່ບາບຂອງພວກເຂົາເປັນທາຍາດຂອງອານາຈັກຂອງພຣະເຈົ້າ, ມຊຢ 15:11. ຜູ້ຄົນໄດ້ກາຍເປັນລູກຂອງພຣະຄຣິດ ແລະ ທາຍາດຂອງອານາຈັກຂອງພຣະເຈົ້າ, 4 ນຟ 1:17. ຄົນທີ່ໄດ້ຕາຍປາດສະຈາກຄວາມຮູ້ເລື່ອງພຣະກິດຕິຄຸນ ອາດກາຍເປັນທາຍາດແຫ່ງອານາຈັກຊັ້ນສູງ, ຄພ 137:7–8. ຄົນຕາຍຜູ້ທີ່ກັບໃຈເປັນທາຍາດແຫ່ງຄວາມລອດ, ຄພ 138:58–59. ອັບຣາຮາມໄດ້ກາຍເປັນຜູ້ຮັບມູນມໍລະດົກທີ່ຖືກຕ້ອງເພາະຄວາມຊອບທຳຂອງເພິ່ນ, ອຣຮ 1:2.