ດົນໃຈ, ການດົນໃຈ ເບິ່ງ ເປີດເຜີຍ, ການເປີດເຜີຍ; ພຣະວິນຍານບໍລິສຸດ ນຳອີກ ພຣະເຈົ້າໄດ້ປະທານການນຳພາແຫ່ງສະຫວັນໃຫ້ແກ່ມະນຸດ. ການດົນໃຈມັກຈະມາເຖິງໂດຍທາງພຣະວິນຍານ ໃນຫລາຍວິທີທາງສູ່ຈິດໃຈ ຫລື ຫົວໃຈຂອງບຸກຄົນ. ຫລັງຈາກໄຟກໍມີສຽງກະຊິບເບົາໆດັງແວ່ວມາ, 1 ກສ 19:12. ພຣະວິນຍານບໍລິສຸດຈະສິດສອນພວກເຈົ້າທຸກສິ່ງ ແລະ ຈະເຕືອນໃຫ້ພວກເຈົ້າລະນຶກເຖິງທຸກສິ່ງ, ຢຮ 14:26. ພຣະວິນຍານແຫ່ງຄວາມຈິງຈະນຳເຈົ້າທັງຫລາຍໄປສູ່ຄວາມຈິງທັງໝົດ, ຢຮ 16:13. ພຣະວິນຍານໄດ້ນຳຂ້າພະເຈົ້າໄປ, ໂດຍບໍ່ຮູ້ລ່ວງໜ້າເຖິງສິ່ງທີ່ຂ້າພະເຈົ້າຄວນຈະເຮັດ, 1 ນຟ 4:6. ສຸລະສຽງຂອງພຣະຜູ້ເປັນເຈົ້າໄດ້ເຂົ້າມາສູ່ຈິດໃຈຂ້າພະເຈົ້າ, ອນ 1:10. ທຸກສິ່ງທີ່ເຊື້ອເຊີນ ແລະ ຊັກຈູງໃຫ້ມະນຸດເຮັດຄວາມດີ ແມ່ນມາຈາກການດົນໃຈຈາກພຣະເຈົ້າ, ມຣນ 7:13–16. ເຮົາບໍ່ໄດ້ກ່າວໃຫ້ຄວາມສະຫງົບແກ່ຈິດໃຈຂອງເຈົ້າບໍ, ຄພ 6:23. ເຮົາຈະບອກເຈົ້າໃນຈິດໃຈ ແລະ ໃນຫົວໃຈຂອງເຈົ້າ, ຄພ 8:2. ພຣະວິນຍານຂອງເຮົາຈະເຮັດໃຫ້ຈິດໃຈຂອງເຈົ້າແຈ້ງສະຫວ່າງ, ຊຶ່ງຈະເຮັດໃຫ້ຈິດວິນຍານຂອງເຈົ້າເຕັມໄປດ້ວຍຄວາມສຸກ, ຄພ 11:13. ມັນຈະຖືກມອບໃຫ້ເຈົ້າໃນເວລາທີ່ເຈົ້າຈະກ່າວ ຫລື ຂຽນ, ຄພ 24:6 (ຄພ 84:85). ສຽງອັນເບົາໆໄດ້ສື່ມຜ່ານ ແລະ ສຽບແທງທຸກສິ່ງທັງປວງ, ຄພ 85:6.