ຣຸດ
ໃນພຣະຄຳພີເດີມ, ລູກໄພ້ໄທໂມອາບຂອງນາງນາໂອມີ ແລະ ເອລີເມເຫລັກ, ຜູ້ເປັນຊາວອິດສະຣາເອນ. ຫລັງຈາກສາມີຂອງນາງໄດ້ເສຍຊີວິດໄປ, ນາງຣຸດໄດ້ແຕ່ງງານກັບພີ່ນ້ອງຂອງນາງນາໂອມີ ຊື່ ໂອບາດ. ລູກຊາຍຂອງເຂົາເຈົ້າຊື່ ໂອເບັດ ເປັນບັນພະບຸລຸດຂອງ ດາວິດ ແລະ ພຣະຄຣິດ. ເລື່ອງລາວກ່ຽວກັບນາງຣຸດ ໄດ້ສະແດງອອກຢ່າງງົດງາມ ເຖິງການປ່ຽນໃຈເຫລື້ອມໃສຂອງຄົນທີ່ບໍ່ໄດ້ເປັນຄົນອິດສະຣາເອນ ເຂົ້າໃນບັນດາຄົນອິດສະຣາເອນ. ນາງຣຸດໄດ້ປະຖິ້ມພຣະເຈົ້າອົງເກົ່າຂອງນາງ ແລະ ຊີວິດເກົ່າ ແລ້ວໄດ້ມາເຂົ້າຮ່ວມກັບຄອບຄົວແຫ່ງສັດທາ ໃນການຮັບໃຊ້ພຣະເຈົ້າຂອງອິດສະຣາເອນ (ນຣ 1:16).
ພຣະທຳນາງຣຸດ
ບົດທີ 1 ບັນຍາຍຊີວິດຂອງເອລີເມເຫລັກ ແລະ ຄອບຄົວຂອງລາວທີ່ໂມອາບ. ຫລັງຈາກສາມີຂອງພວກນາງໄດ້ເສຍຊີວິດໄປ, ນາງນາໂອມີ ກັບ ນາງຣຸດ ໄດ້ໄປເບັດເລເຮັມ. ບົດທີ 2 ອະທິບາຍວ່າ ນາງຣຸດໄດ້ເກັບຮວງເຂົ້າເຮ່ຍຢູ່ໃນທົ່ງຂອງໂບອາດ. ບົດທີ 3 ບອກເຖິງວິທີທີ່ນາງນາໂອມີໄດ້ແນະນຳນາງຣຸດ ໃຫ້ໄປຫາລານຟາດເຂົ້າ ແລະ ນອນຢູ່ໃຕ້ຕີນຂອງໂບອາດ. ບົດທີ 4 ແມ່ນເລື່ອງລາວກ່ຽວກັບການແຕ່ງງານຂອງນາງຣຸດກັບໂບອາດ. ເຂົາເຈົ້າມີລູກຊາຍຊື່, ໂອເບັດ, ຊຶ່ງດາວິດ ແລະ ພຣະຄຣິດ ໄດ້ເປັນທາຍາດ.