ຢາໂກໂບ, ລູກຊາຍຂອງເສເບດາຍ
ຄົນໜຶ່ງໃນບັນດາອັກຄະສາວົກສິບສອງທີ່ພຣະເຢຊູໄດ້ເລືອກໃນໄລຍະການປະຕິບັດສາດສະໜາກິດ ໃນຊ່ວງມະຕະຂອງພຣະອົງ. ລາວເປັນອ້າຍຂອງໂຢຮັນ. ລາວເປັນຄົນໜຶ່ງໃນບັນດາອັກຄະສາວົກສາມຄົນທີ່ພຣະເຢຊູໄດ້ເລືອກ ໃນໂອກາດພິເສດໂດຍສະເພາະ: ການນຳລູກສາວຂອງຢາອີໂຣຄືນມາມີຊີວິດອີກ (ມຣກ 5:37), ຕອນປ່ຽນສະພາບ (ມທ 17:1; ມຣກ 9:2; ລກ 9:28), ແລະ ທີ່ສວນເຄັດເຊມາເນ (ມທ 26:37; ມຣກ 14:33). ພ້ອມດ້ວຍເປໂຕ ແລະ ໂຢຮັນ, ລາວໄດ້ຟື້ນຟູຖານະປະໂລຫິດແຫ່ງເມນຄີເສເດັກຄືນມາສູ່ແຜ່ນດິນໂລກ ໂດຍການແຕ່ງຕັ້ງໂຈເຊັບ ສະມິດ ແລະ ອໍລີເວີ ຄາວເດີຣີ (ຄພ 27:12; 128:20; ຈສ—ປ 1:72).