ຊີວິດກ່ອນເກີດ ເບິ່ງ ກອງປະຊຸມໃນສະຫວັນ; ສົງຄາມໃນສະຫວັນ; ຕອນຕົ້ນ; ມະນຸດ ນຳອີກ ຊີວິດກ່ອນຊີວິດຢູ່ເທິງແຜ່ນດິນໂລກ. ຊາຍ ແລະ ຍິງທຸກຄົນໄດ້ອາໄສຢູ່ກັບພຣະເຈົ້າ ໃນຖານະລູກທາງວິນຍານຂອງພຣະອົງ ກ່ອນມາສູ່ໂລກເປັນມະນຸດມະຕະ. ບາງເທື່ອ ສິ່ງນີ້ຖືກເອີ້ນວ່າ ສະພາວະທຳອິດ (ອຣຮ 3:26). ເມື່ອພຣະເຈົ້າສ້າງຈັກກະວານ, ພວກເທວະດາຂອງພຣະອົງກໍເປັ່ງສຽງໂຮຮ້ອງຍິນດີທັງນັ້ນ, ໂຢບ 38:4–7. ວິນຍານຂອງພວກເຮົາກໍຈະກັບຄືນໄປຫາພຣະເຈົ້າ ຜູ້ປະທານໃຫ້ນັ້ນ, ປຍຈ 12:7. ເຮົາໄດ້ໃຫ້ຊີວິດແກ່ເຈົ້າ ກ່ອນເຈົ້າໄດ້ເກີດມາ, ຢມຢ 1:4–5. ພວກເຮົາເປັນເຊື້ອສາຍຂອງພຣະອົງ, ກຈກ 17:28. ພຣະອົງໄດ້ເລືອກພວກເຮົາໄວ້ຕັ້ງແຕ່ກ່ອນການວາງຮາກຖານຂອງໂລກ, ອຟຊ 1:3–4. ພວກເຮົາຄວນຢູ່ໃຕ້ບັງຄັບຂອງພຣະບິດາແຫ່ງບັນດາວິນຍານຈິດ, ຮຣ 12:9. ບັນດາທູດທີ່ບໍ່ໄດ້ຮັກສາສະພາວະທຳອິດຂອງຕົນ, ຖືກລ່າມໂສ້ໄວ້ເປັນນິດ, ຢດ 1:6 (ອຣຮ 3:26). ມານ ແລະ ບໍລິວານຂອງມັນ ຖືກຊັດຖິ້ມລົງເສຍ, ພນມ 12:9. ເຂົາເຈົ້າໄດ້ຖືກເອີ້ນ ແລະ ຖືກຕຽມໄວ້ນັບຕັ້ງແຕ່ການວາງຮາກຖານຂອງໂລກ, ແອວ 13:3. ພຣະເຢຊູຄຣິດຫລຽວເບິ່ງຄວາມກວ້າງໃຫຍ່ໄພສານຂອງຊົ່ວນິລັນດອນ ແລະ ເຫລົ່າທູດສະຫວັນທັງໝົດ ກ່ອນໂລກໄດ້ຖືກສ້າງຂຶ້ນ, ຄພ 38:1. ມະນຸດກໍໄດ້ຢູ່ກັບພຣະເຈົ້າໃນຕອນຕົ້ນຄືກັນ, ຄພ 93:29 (ຮລມ 14:17; ຄພ 49:17). ວິນຍານທີ່ສູງສັກ ໄດ້ຖືກເລືອກໄວ້ແຕ່ຕອນຕົ້ນໃຫ້ເປັນຜູ້ປົກຄອງໃນສາດສະໜາຈັກ, ຄພ 138:53–55. ຫລາຍຄົນໄດ້ຮັບບົດຮຽນທຳອິດຂອງພວກເພິ່ນຢູ່ໃນໂລກວິນຍານ, ຄພ 138:56. ທຸກສິ່ງທັງປວງໄດ້ຖືກສ້າງທາງວິນຍານ ກ່ອນມັນຈະເປັນຢູ່ເທິງແຜ່ນດິນໂລກ, ມຊ 3:5. ເຮົາໄດ້ສ້າງໂລກ, ແລະ ມະນຸດກ່ອນພວກເຂົາເປັນຢູ່ໃນເນື້ອໜັງ, ມຊ 6:51. ອັບຣາຮາມໄດ້ເຫັນຜູ້ຄົນທີ່ມີຄວາມຮູ້ແຈ້ງ ຊຶ່ງຖືກຈັດໄວ້ກ່ອນໂລກເປັນມາ, ອຣຮ 3:21–24.