ພຣະບັນຍັດ, ສິບປະການ
ກົດສິບຂໍ້ທີ່ພຣະເຈົ້າໄດ້ປະທານໃຫ້ຜ່ານທາງສາດສະດາໂມເຊ ເພື່ອຄວບຄຸມການປະພຶດທາງໂລກ.
ໃນພາສາເຮັບເຣີ ກົດເຫລົ່ານີ້ຖືກເອີ້ນວ່າ “ສິບຄຳ.” ມັນຍັງຖືກເອີ້ນວ່າ ພັນທະສັນຍາ ນຳອີກ (ພບຍ 9:9) ຫລື ປະຈັກພະຍານ (ອພຍ 25:21; 32:15). ພຣະບັນຍັດສິບປະການຂອງພຣະເຈົ້າທີ່ໄດ້ປະທານໃຫ້ໂມເຊ, ແລະ ຈາກເພິ່ນຕໍ່ໃຫ້ຊາວອິດສະຣາເອນ, ມີບັນຍາຍໄວ້ໃນ ອພຍ 19:9–20:23; 32:15–19; 34:1. ພຣະບັນຍັດໄດ້ຖືກສະຫລັກໄວ້ຢູ່ໃນຫີນສອງແຜ່ນ, ຊຶ່ງໄດ້ຖືກຮັກສາໄວ້ຢູ່ໃນຫີບຄຳໝັ້ນສັນຍາ; ສະນັ້ນແລ້ວ ຫີບຄຳໝັ້ນສັນຍາຈຶ່ງຖືກເອີ້ນວ່າຫີບພັນທະສັນຍາ (ຈບຊ 10:33). ພຣະຜູ້ເປັນເຈົ້າ, ຊຶ່ງອ້າງອີງຈາກ ພບຍ 6:4–5 ແລະ ລລວ 19:18, ໄດ້ສະຫລຸບພຣະບັນຍັດສິບປະການ ໃນ “ພຣະບັນຍັດທີ່ຍິ່ງໃຫຍ່ສອງຂໍ້” (ມທ 22:37–39).
ພຣະບັນຍັດສິບປະການໄດ້ຖືກກ່າວຍ້ຳອີກຢູ່ໃນການເປີດເຜີຍຍຸກສຸດທ້າຍ (ປຈສ, ອພຍ 34:1–2, 14 [ພາກຫ້ອຍທ້າຍ]; ມຊຢ 12:32–37; 13:12–24; ຄພ 42:18–28; 59:5–13).