ອາຊາ
ໃນພຣະຄຳພີເດີມ, ກະສັດອົງທີສາມແຫ່ງຢູດາ. ພຣະຄຳພີບັນທຶກວ່າ “ເພິ່ນກໍຍັງຊື່ສັດຕໍ່ພຣະຜູ້ເປັນເຈົ້າຕະຫລອດຊົ່ວຊີວິດຂອງເພິ່ນ” (1 ກສ 15:14). ໃນສະໄໝການປົກຄອງຂອງເພິ່ນ, ເພິ່ນໄດ້ເຮັດໃຫ້ກອງທັບຂອງເພິ່ນມີພະລັງຫລາຍ, ໄດ້ໂຍນແອກຂອງຊາວເອທິໂອເປຍຖິ້ມ, ໄດ້ກຳຈັດຮູບບູຊາທັງໝົດຖິ້ມ, ແລະ ໄດ້ເຊື້ອເຊີນຜູ້ຄົນໃຫ້ເຮັດພັນທະສັນຍາທີ່ຈະສະແຫວງຫາພຣະເຢໂຮວາ (1 ກສ 15–16; 2 ຂຄ 14–16). ເຖິງຢ່າງໃດກໍຕາມ, ເມື່ອເພິ່ນເປັນພະຍາດທີ່ຕີນຂອງເພິ່ນ, ເພິ່ນບໍ່ໄດ້ສະແຫວງຫາຂໍໃຫ້ພຣະຜູ້ເປັນເຈົ້າຊ່ວຍເຫລືອເພິ່ນ ແລະ ໄດ້ຕາຍໄປ (1 ກສ 15:23–24; 2 ຂຄ 16:12–13).