ໂຮເຊອາ
ສາດສະດາໃນພຣະຄຳພີເດີມຜູ້ໄດ້ທຳນາຍໃນອານາຈັກພາກເໜືອຂອງອິດສະຣາເອນ ໃນໄລຍະການປົກຄອງຕອນທ້າຍຂອງເຢໂຣໂບອາມ ອົງທີສອງ. ເພິ່ນໄດ້ມີຊີວິດຢູ່ໃນວັນເວລາທີ່ປະເທດຊາດກຳລັງຊຸດໂຊມ ແລະ ຫລົ້ມຈົມ, ເນື່ອງດ້ວຍບາບຂອງຊາວອິດສະຣາເອນ.
ພຣະທຳໂຮເຊອາ
ເນື້ອຄວາມຂອງໜັງສືເຫລັ້ມນີ້ແມ່ນກ່ຽວກັບຄວາມຮັກຂອງພຣະເຈົ້າທີ່ມີຕໍ່ຜູ້ຄົນຂອງພຣະອົງ. ການຕີສອນທັງໝົດຂອງພຣະອົງແມ່ນກະທຳໄປດ້ວຍຄວາມຮັກ, ແລະ ການນຳຊາວອິດສະຣາເອນກັບຄືນມາເພາະຄວາມຮັກຂອງພຣະອົງ (ຮສອ 2:19; 14:4). ກົງກັນຂ້າມ, ໂຮເຊອາໄດ້ສະແດງໃຫ້ເຫັນເຖິງເລ່ຫລ່ຽມ ແລະ ຄວາມບໍ່ຊື່ສັດຂອງຊາວອິດສະຣາເອນ. ເຖິງຢ່າງໃດກໍຕາມ ພຣະເຈົ້າຍັງລໍຄອຍການໄຖ່ອິດສະຣາເອນເທື່ອສຸດທ້າຍຢູ່ (ຮສອ 11:12–14:9).