ຣູເບັນ
ໃນພຣະຄຳພີເດີມ, ລູກຊາຍກົກຂອງຢາໂຄບນຳນາງເລອາ (ປຖກ 29:32; 37:21–22, 29; 42:22, 37). ເຖິງແມ່ນວ່າຣູເບັນເປັນລູກກົກ, ແຕ່ລາວໄດ້ເສຍສິດທິຂອງອ້າຍກົກໄປ ເພາະການບາບ (ປຖກ 35:22; 49:3–4).
ເຜົ່າຂອງຣູເບັນ
ພອນຂອງຢາໂຄບທີ່ມອບໃຫ້ແກ່ຣູເບັນ ມີຢູ່ໃນ ປະຖົມມະການ 49:3 ແລະ ພຣະບັນຍັດສອງ 33:6. ຈຳນວນຄົນໃນເຜົ່ານັບມື້ນັບຫລຸດໜ້ອຍຖອຍລົງ, ແລະ ເຖິງແມ່ນເຜົ່ານີ້ຍັງມີຢູ່ຕໍ່ໄປ, ແຕ່ມັນກໍບໍ່ມີຄວາມສຳຄັນຫລາຍທາງການເມືອງ. ສິດທິຂອງອ້າຍກົກຂອງຣູເບັນໄດ້ຕົກຢູ່ທີ່ໂຢເຊັບ ແລະ ພວກລູກຊາຍຂອງລາວ ເພາະວ່າໂຢເຊັບໄດ້ເປັນລູກກົກຂອງຢາໂຄບນຳນາງຣາເຊັນເມຍຄົນທີສອງ (1 ຂຄ 5:1–2).