ໂຢເຊັບ, ສາມີຂອງນາງມາຣີ
ສາມີຂອງນາງມາຣີ, ມານດາຂອງພຣະເຢຊູ. ໂຢເຊັບເປັນທາຍາດຂອງດາວິດ (ມທ 1:1–16; ລກ 3:23–38) ແລະ ໄດ້ອາໄສຢູ່ໃນນາຊາເຣັດ. ລາວໄດ້ເປັນຄູ່ໝັ້ນຂອງນາງມາຣີ. ບໍ່ດົນກ່ອນເຂົາເຈົ້າຈະແຕ່ງງານກັນ, ທູດຄັບຣີເອນໄດ້ມາຢ້ຽມຢາມນາງ, ຜູ້ໄດ້ປະກາດວ່າ ນາງມາຣີໄດ້ຖືກເລືອກໃຫ້ເປັນມານດາຂອງພຣະຜູ້ຊ່ວຍໃຫ້ລອດ (ລກ 1:26–35). ໂຢເຊັບກໍໄດ້ຮັບການເປີດເຜີຍກ່ຽວກັບການກຳເນີດແຫ່ງສະຫວັນນີ້ຄືກັນ (ມທ 1:20–25).
ນາງມາຣີເປັນບິດາມານດາຄົນດຽວເທົ່ານັ້ນຂອງພຣະເຢຊູຢູ່ໃນໂລກນີ້ ເພາະວ່າພຣະເຈົ້າເປັນພຣະບິດາຂອງພຣະເຢຊູ. ແຕ່ຊາວຢິວຄິດວ່າໂຢເຊັບເປັນບິດາຂອງພຣະເຢຊູ, ແລະ ພຣະເຢຊູກໍໄດ້ນັບຖືລາວເປັນບິດາຂອງພຣະອົງ (ລກ 2:48, 51). ໂດຍທີ່ໄດ້ຖືກເຕືອນດ້ວຍຄວາມຝັນຈາກສະຫວັນ, ໂຢເຊັບ ຈຶ່ງໄດ້ຮັກສາຊີວິດຂອງກຸມມານນ້ອຍເຢຊູ ໂດຍການໜີໄປປະເທດເອຢິບ (ມທ 2:13–14). ຫລັງຈາກເຮໂຣດໄດ້ຕາຍໄປ, ທູດໄດ້ແນະນຳໂຢເຊັບໃຫ້ພາພຣະຄຣິດກັບຄືນໄປອິດສະຣາເອນ (ມທ 2:19–23).