ເນເຫມີຢາ
ຊາຍຜູ້ມີກຽດຊາວອິດສະຣາເອນໃນບາບີໂລນ ຢູ່ໃນພຣະຄຳພີເດີມ (ອາດເປັນຊາວເລວີ ຫລື ເຜົ່າຂອງຢູດາ) ຜູ້ມີຕຳແໜ່ງເປັນຜູ້ລໍຮັບໃຊ້ ຢູ່ໃນວັງຂອງອາກຕາເຊເຊັດ, ຊຶ່ງໂດຍການນີ້ ລາວຈຶ່ງໄດ້ຮັບອະນຸຍາດໃຫ້ສ້ອມແປງກຳແພງເມືອງເຢຣູຊາເລັມຄືນໃໝ່.
ພຣະທຳເນເຫມີຢາ
ໜັງສືເຫລັ້ມນີ້ບັນຈຸເລື່ອງລາວທີ່ຕໍ່ເນື່ອງຈາກພຣະທຳເອຊະຣາ. ມັນບັນຈຸເລື່ອງລາວກ່ຽວກັບຄວາມກ້າວໜ້າ ແລະ ຄວາມຫຍຸ້ງຍາກຂອງວຽກງານທີ່ເຢຣູຊາເລັມ ຫລັງຈາກທີ່ຊາວຢິວໄດ້ກັບມາຈາກການເປັນຊະເລີຍທີ່ບາບີໂລນ. ບົດທີ 1–7 ບອກເຖິງການຢ້ຽມຢາມເຢຣູຊາເລັມເທື່ອທຳອິດຂອງເນເຫມີຢາ ແລະ ການສ້ອມແປງກຳແພງຄືນໃໝ່, ເຖິງແມ່ນຈະປະເຊີນກັບການກີດກັນອັນໃຫຍ່ຫລວງກໍຕາມ. ບົດທີ 8–10 ບັນຍາຍກ່ຽວກັບການປະຕິຮູບທາງສາດສະໜາ ແລະ ທາງສັງຄົມ ທີ່ເນເຫມີຢາໄດ້ພະຍາຍາມດຳເນີນການ. ບົດທີ 11–13 ບອກລາຍຊື່ຂອງຄົນທີ່ມີຄ່າຄວນ ແລະ ໃຫ້ເລື່ອງລາວກ່ຽວກັບການອຸທິດກຳແພງ. ຂໍ້ 4–31 ຂອງ ບົດທີ 13 ບັນທຶກການຢ້ຽມຢາມເຢຣູຊາເລັມເທື່ອທີສອງເນເຫມີຢາ ຫລັງຈາກໄດ້ຈາກໄປເປັນເວລາສິບສອງປີ.