ເອໂນດ, ລູກຊາຍຂອງຢາໂຄບ
ສາດສະດານີໄຟ ແລະ ຜູ້ຮັກສາບັນທຶກໃນພຣະຄຳພີມໍມອນ ທີ່ໄດ້ອະທິຖານ ແລະ ໄດ້ຮັບການປົດຈາກບາບຂອງເພິ່ນ ຜ່ານສັດທາຂອງເພິ່ນໃນພຣະຄຣິດ (ອນ 1:1–8). ພຣະຜູ້ເປັນເຈົ້າໄດ້ເຮັດພັນທະສັນຍາກັບເອໂນດເພື່ອນຳພຣະຄຳພີມໍມອນມາໃຫ້ຊາວເລມັນ (ອນ 1:15–17).
ໜັງສືເອໂນດ
ໜັງສືໃນພຣະຄຳພີມໍມອນທີ່ບອກກ່ຽວກັບການອະທິຖານຂອງເອໂນດຫາພຣະຜູ້ເປັນເຈົ້າ ທູນຂໍການອະໄພໂທດເພື່ອຕົນເອງ, ເພື່ອຜູ້ຄົນຂອງເພິ່ນ, ແລະ ເພື່ອຄົນອື່ນໆ. ພຣະຜູ້ເປັນເຈົ້າໄດ້ສັນຍາກັບເພິ່ນວ່າ ພຣະຄຳພີມໍມອນຈະຖືກຮັກສາໄວ້ ແລະ ມີໃຫ້ແກ່ຊາວເລມັນໃນອະນາຄົດ. ເຖິງແມ່ນວ່າໜັງສືນີ້ຈະມີພຽງແຕ່ບົດດຽວເທົ່ານັ້ນ, ແຕ່ມັນກໍບັນທຶກເລື່ອງລາວທີ່ມີພະລັງກ່ຽວກັບຊາຍຄົນໜຶ່ງຜູ້ໄດ້ສະແຫວງຫາພຣະເຈົ້າໃນການອະທິຖານ, ໄດ້ດຳລົງຊີວິດຕາມພຣະບັນຊາຂອງພຣະເຈົ້າ, ແລະ ກ່ອນການຕາຍຂອງເພິ່ນ, ເພິ່ນໄດ້ຊື່ນຊົມກັບຄວາມຮູ້ເລື່ອງພຣະຜູ້ໄຖ່.