ຮູ້ຈັກກັນອີກວ່າເປັນຫີບຂອງພຣະເຢໂຮວາ ແລະ ຫີບປະຈັກພະຍານ, ຫີບຄຳໝັ້ນສັນຍາເປັນຫີບສີ່ຫລ່ຽມຄືໜ້າປຶ້ມ ຫລື ເປັນກ່ອງທີ່ເຮັດດ້ວຍໄມ້ ແລະ ໂອບດ້ວຍຄຳ. ມັນເປັນເຄື່ອງໝາຍທາງສາດສະໜາທີ່ເກົ່າແກ່ ແລະ ສັກສິດທີ່ສຸດຂອງຊາວອິດສະຣາເອນ. ຝາອັດຫີບຖືກນັບຖືວ່າເປັນພຣະທີ່ນັ່ງຂອງພຣະເຢໂຮວາຢູ່ເທິງແຜ່ນດິນໂລກ (ອພຍ 25:22). ຫລັງຈາກສະຖານທີ່ນະມັດສະການໄດ້ຖືກສ້າງສຳເລັດແລ້ວ, ຫີບນັ້ນໄດ້ຖືກເກັບໄວ້ຢູ່ໃນບ່ອນສັກສິດທີ່ສຸດ (1 ກສ 8:1–8).