ອີລາຍ
ມີການໃຊ້ຊື່ ຫລື ຕຳແໜ່ງ ອີລາຍ ໃນຫລາຍຮູບແບບ ໃນພຣະຄຳພີ:
ເອລີຢາ
ອີລາຍຄື ພຣະຄຳພີໃໝ່ (ໃນພາສາກຣີກ) ເຖິງ ເອລີຢາ (ໃນພາສາເຮັບເຣີ), ເຊັ່ນໃນ ມທ 17:3–4, ລກ 4:25–26, ແລະ ຢກບ 5:17. ໃນກໍລະນີເຫລົ່ານີ້, ອີລາຍໄດ້ເປັນສາດສະດາໃນສະໄໝບູຮານ ຜູ້ຊຶ່ງການປະຕິບັດສາດສະໜາກິດຂອງເພິ່ນໄດ້ຖືກບັນທຶກໄວ້ໃນ 1 ແລະ 2 ກະສັດ.
ຜູ້ທີ່ມາກ່ອນ
ອີລາຍຍັງເປັນຕຳແໜ່ງໜຶ່ງອີກທີ່ໝາຍເຖິງການເປັນຜູ້ທີ່ມາກ່ອນ. ຍົກຕົວຢ່າງ, ໂຢຮັນບັບຕິສະໂຕຄື ອີລາຍ ເພາະເພິ່ນໄດ້ຖືກສົ່ງມາເພື່ອຕຽມທາງໄວ້ສຳລັບພຣະເຢຊູ (ມທ 17:12–13).
ຜູ້ຟື້ນຟູ
ຕຳແໜ່ງອີລາຍຍັງໝາຍເຖິງຄົນອື່ນໆອີກຜູ້ມີພາລະກິດສະເພາະ, ດັ່ງເຊັ່ນໂຢຮັນຜູ້ເປີດເຜີຍ (ຄພ 77:14) ແລະ ຄັບຣີເອນ (ລກ 1:11–20; ຄພ 27:6–7; 110:12).
ຊາຍຄົນໜຶ່ງໃນຍຸກສະໄໝຂອງອັບຣາຮາມ
ສາດສະດາທີ່ຖືກເອີ້ນວ່າ ເອຊາອັດ ຫລື ອີລາຍ ຜູ້ທີ່ໄດ້ມີຊີວິດຢູ່ໃນວັນເວລາຂອງອັບຣາຮາມ (ຄພ 84:11–13; 110:12).