ໂກໂລຊາຍ, ສານເຖິງ
ໜັງສືໃນພຣະຄຳພີໃໝ່. ມັນເປັນຈົດໝາຍຕົ້ນສະບັບທີ່ອັກຄະສາວົກໂປໂລໄດ້ຂຽນເຖິງຊາວໂກໂລຊາຍ ຫລັງຈາກເອປາຟາໄດ້ມາຢ້ຽມຢາມລາວ, ຜູ້ຊຶ່ງເປັນຜູ້ປະກາດຂ່າວຂອງສາດສະໜາຈັກຢູ່ໃນເມືອງໂກໂລຊາຍ (ກລຊ 1:7–8). ເອປາຟາໄດ້ບອກໂປໂລວ່າຊາວໂກໂລຊາຍພວມເຮັດຄວາມຜິດໜັກ—ພວກເຂົາຄິດວ່າພວກເຂົາດີກວ່າຄົນອື່ນໆ ເພາະວ່າພວກເຂົາໄດ້ຮັກສາພິທີການບາງຢ່າງດ້ວຍຄວາມລະມັດລະວັງ (ກລຊ 2:16), ບໍ່ຍອມເຮັດຕາມຄວາມຕ້ອງການທາງຮ່າງກາຍບາງຢ່າງ, ແລະ ນະມັດສະການທູດ (ກລຊ 2:18). ການປະຕິບັດດັ່ງກ່າວໄດ້ເຮັດໃຫ້ຊາວໂກໂລຊາຍຮູ້ສຶກວ່າ ພວກເຂົາກຳລັງໄດ້ຮັບການຊຳລະໃຫ້ບໍລິສຸດ. ພວກເຂົາຍັງຮູ້ສຶກອີກວ່າພວກເຂົາເຂົ້າໃຈຄວາມລຶກລັບຂອງຈັກກະວານຫລາຍກວ່າສະມາຊິກຂອງສາດສະໜາຈັກຄົນອື່ນໆ. ໃນສານຂອງລາວ, ໂປໂລໄດ້ຕິເຕືອນພວກເຂົາໂດຍການສິດສອນວ່າ ການໄຖ່ມາເຖິງຜ່ານທາງພຣະຄຣິດເທົ່ານັ້ນ ແລະ ວ່າເຮົາຕ້ອງສະຫລາດ ແລະ ຮັບໃຊ້ພຣະອົງ.
ບົດທີ 1 ແມ່ນຄຳທັກທາຍຂອງໂປໂລຕໍ່ຊາວໂກໂລຊາຍ. ບົດທີ 2–3 ແມ່ນຄຳສອນ ແລະ ບັນຈຸບົດຄວາມເຖິງພຣະຄຣິດວ່າເປັນພຣະຜູ້ໄຖ່, ເຖິງສິ່ງອັນຕະລາຍຂອງການນະມັດສະການຈອມປອມ, ແລະ ເຖິງຄວາມສຳຄັນຂອງການຟື້ນຄືນຊີວິດ. ບົດທີ 4 ສິດສອນວ່າໄພ່ພົນຂອງພຣະເຈົ້າຕ້ອງສະຫລາດໃນທຸກສິ່ງທັງປວງ.