ໂຢເຊັບ, ລູກຊາຍຂອງຢາໂຄບ
ໃນພຣະຄຳພີເດີມ, ລູກຊາຍກົກຂອງຢາໂຄບກບນາງລາເຊັນ (ປຖກ 30:22–24; 37:3).
ໂຢເຊັບໄດ້ຮັບເອົາສິດທິຂອງອ້າຍກົກຂອງລາວໃນອິດສະຣາເອນ ເພາະວ່າຣູເບັນ, ລູກຊາຍກົກຂອງຢາໂຄບກັບເມຍຄົນທຳອິດ, ໄດ້ສູນເສຍສິດທິພິເສດໄປໂດຍການລ່ວງລະເມີດ (1 ຂຄ 5:1–2). ເພາະລາວມີຄ່າຄວນພໍ, ໂຢເຊັບ, ໂດຍທີ່ເປັນລູກຊາຍກົກຂອງຢາໂຄບກັບເມຍຄົນທີສອງ, ລາວຈຶ່ງເປັນຄົນທີສອງສຳລັບພອນນີ້. ໂຢເຊັບຍັງໄດ້ຮັບພອນຈາກພໍ່ຂອງລາວນຳອີກ ບໍ່ດົນກ່ອນຢາໂຄບໄດ້ເສຍຊີວິດໄປ (ປຖກ 49:22–26).
ໂຢເຊັບໄດ້ເປັນຊາຍທີ່ມີຄຸນສົມບັດດີ, ເປັນຊາຍທີ່ “ຮອບຄອບ ແລະ ສະຫລາດ” (ປຖກ 41:39). ການປະຕິເສດຂອງລາວຕໍ່ເມຍຂອງໂປຕີຟາ ເປັນຕົວຢ່າງແຫ່ງສັດທາ, ພົມມະຈັນ, ແລະ ຄວາມຊື່ສັດໃນຕົວ (ປຖກ 39:7–12). ໃນປະເທດເອຢິບ, ເມື່ອໂຢເຊັບໄດ້ເປີດເຜີຍຕົນເອງໃຫ້ພວກອ້າຍນ້ອງຂອງລາວຮູ້ວ່າ ລາວເປັນໃຜ, ລາວໄດ້ຂອບໃຈເຂົາເຈົ້າແທນທີ່ຈະກ່າວໂທດ ສຳລັບສິ່ງທີ່ເຂົາເຈົ້າໄດ້ເຮັດກັບລາວ. ລາວໄດ້ເຊື່ອວ່າ ການກະທຳຂອງເຂົາເຈົ້າໄດ້ຊ່ວຍເຫລືອລາວໃຫ້ບັນລຸພຣະປະສົງແຫ່ງສະຫວັນຂອງພຣະເຈົ້າ (ປຖກ 45:4–15).
ການເປີດເຜີຍຍຸກສຸດທ້າຍໄດ້ເປີດເຜີຍພາລະກິດອັນຍິ່ງໃຫຍ່ກວ່າຂອງຄອບຄົວຂອງໂຢເຊັບໃນຍຸກສຸດທ້າຍ (ປຈສ, ປຖກ 50:24–38 [ພາກຫ້ອຍທ້າຍ]; 2 ນຟ 3:3–24; 3 ນຟ 20:25–27).