ມານາເຊ
ໃນພຣະຄຳພີເດີມ, ເປັນລູກຊາຍກົກຂອງນາງອາເຊນັດກັບໂຢເຊັບ ຜູ້ຖືກຂາຍໄປປະເທດເອຢິບ (ປຖກ 41:50–51). ລາວກັບເອຟະຣາອີມ ນ້ອງຊາຍຂອງລາວ ເປັນຫລານຊາຍຂອງຢາໂຄບ (ອິດສະຣາເອນ) ແຕ່ໄດ້ຖືກຮັບເປັນລູກບຸນທຳ ແລະ ໄດ້ຮັບພອນຈາກເພິ່ນ ຄືກັບວ່າເຂົາເຈົ້າໄດ້ເປັນລູກຊາຍຂອງເພິ່ນແທ້ໆ (ປຖກ 48:1–20).
ເຜົ່າຂອງມານາເຊ
ລູກຫລານຂອງມານາເຊໄດ້ຖືກນັບເຂົ້າໃນບັນດາເຜົ່າຕ່າງໆຂອງອິດສະຣາເອນ (ຈບຊ 1:34–35; ຢຊ 13:29–31). ພອນຂອງໂມເຊທີ່ມອບໃຫ້ແກ່ເຜົ່າຂອງໂຢເຊັບ, ຊຶ່ງໄດ້ມອບໃຫ້ເອຟະຣາອີມ ແລະ ມານາເຊນຳອີກ, ມີບັນທຶກໄວ້ຢູ່ໃນ ພຣະບັນຍັດສອງ 33:13–17. ສ່ວນໜຶ່ງຂອງແຜ່ນດິນທີ່ມອບໝາຍໃຫ້ ແມ່ນຢູ່ທາງພາກຕາເວັນຕົກຂອງຈໍແດນ ແລະ ຕໍ່ກັບແຜ່ນດິນເອຟະຣາອີມ. ເຂົາເຈົ້າກໍມີຫົວເມືອງຢູ່ທາງພາກຕາເວັນອອກຂອງຈໍແດນນຳອີກ ໃນທົ່ງທີ່ອຸດົມສົມບູນຂອງບາຊານ ແລະ ກີເລອາດ. ໃນຍຸກສຸດທ້າຍ, ເຜົ່າຂອງມານາເຊຈະຊ່ວຍເຫລືອເຜົ່າຂອງເອຟະຣາອີມ ໃນການເຕົ້າໂຮມອິດສະຣາເອນທີ່ກະຈັດກະຈາຍໄປ (ພບຍ 33:13–17). ສາດສະດາລີໄຮ ໃນພຣະຄຳພີມໍມອນ ເປັນເຊື້ອສາຍຂອງມານາເຊ (ແອວ 10:3).