ພຣະຄຳພີໃໝ່
ການຂຽນທີ່ດົນໃຈຊຸດໜຶ່ງ (ສະບັບຕົ້ນເປັນພາສາກຣີກ) ກ່ຽວກັບຊີວິດ ແລະ ການປະຕິບັດສາດສະໜາກິດຂອງພຣະເຢຊູຄຣິດ, ອັກຄະສາວົກ, ແລະ ຜູ້ຕິດຕາມຄົນອື່ນໆຂອງພຣະເຢຊູຄຣິດ. ພຣະຄຳພີໃໝ່ໄດ້ຖືກແຍກອອກເປັນຫລາຍພຣະທຳ, ກິດຈະການຂອງອັກຄະສາວົກ, ສານຂອງໂປໂລ, ສານທົ່ວໄປ, ແລະ ພຣະທຳພຣະນິມິດ.
ພຣະທຳສີ່ເຫລັ້ມ—ໜັງສືມັດທາຍ, ມາຣະໂກ, ລູກາ, ແລະ ໂຢຮັນ—ເປັນເລື່ອງລາວກ່ຽວກັບພຣະຊົນຊີບຂອງພຣະຄຣິດ. ພຣະທຳກິດຈະການບັນທຶກປະຫວັດສາດຂອງສາດສະໜາຈັກ ແລະ ອັກຄະສາວົກ, ໂດຍສະເພາະການເດີນທາງໄປສອນສາດສະໜາຂອງໂປໂລ, ຫລັງຈາກການສິ້ນພຣະຊົນຂອງພຣະຄຣິດ. ຈົດໝາຍຂອງໂປໂລໃຫ້ຄຳແນະນຳແກ່ຜູ້ນຳ ແລະ ສະມາຊິກຂອງສາດສະໜາຈັກ. ຈົດໝາຍອື່ນໆໄດ້ຖືກຂຽນໂດຍອັກຄະສາວົກຄົນອື່ນໆ ແລະ ໃຫ້ຄຳແນະນຳເພີ່ມເຕີມແກ່ໄພ່ພົນຍຸກສຸດທ້າຍລຸ້ນເດີມ. ພຣະທຳພຣະນິມິດ, ຊຶ່ງຂຽນໂດຍອັກຄະສາວົກໂຢຮັນ, ສ່ວນຫລາຍບັນຈຸຄຳທຳນາຍທີ່ກ່ຽວກັບຍຸກສຸດທ້າຍ.