ອົດທົນ, ຄວາມອົດທົນ

ທີ່ຈະຍຶດໝັ້ນໃນຄຳສັນຍາວ່າຈະຈິງໃຈຕໍ່ພຣະບັນຍັດຂອງພຣະເຈົ້າ ເຖິງແມ່ນຈະມີການລໍ້ລວງ, ການກົງກັນຂ້າມ, ແລະ ຄວາມຍາກລຳບາກ. ອົດທົນດ້ວຍຄວາມສະຫງົບ; ຄວາມສາມາດທີ່ຈະອົດທົນກັບຄວາມທຸກທໍລະມານ, ການໝິ່ນປະໝາດ, ຫລື ບາດເຈັບໂດຍທີ່ບໍ່ຈົ່ມວ່າ ຫລື ໂຕ້ຕອບ.

ແຕ່ຜູ້ໃດທີ່ທົນໄດ້ຈົນເຖິງທີ່ສຸດຜູ້ນັ້ນຈະໄດ້ລອດພົ້ນ, ມທ 10:22 (ມຣກ 13:13).
ພວກເຂົາບໍ່ມີຮາກໃນຕົນເອງຈຶ່ງທົນຢູ່ບໍ່ໄດ້ດົນ, ມຣກ 4:17.
ພວກເຈົ້າຈະຮັກສາຊີວິດຈິດໃຈຂອງເຈົ້າໄວ້ ດ້ວຍຄວາມອົດທົນພາກພຽນຂອງເຈົ້າ, ລກ 21:19.
ພວກເຮົາຈະມີຄວາມຫວັງດ້ວຍຄວາມອົດທົນ ແລະ ຄວາມຊູໃຈດ້ວຍພຣະຄຳພີ, ຣມ 15:4.
ຄວາມຮັກສູ້ທົນທຸກສິ່ງ, 1 ກຣທ 13:7.
ໃຫ້ເປັນເໝືອນຄົນເຫລົ່ານັ້ນທີ່ອາໄສຄວາມເຊື່ອ ແລະ ຄວາມພາກພຽນອົດທົນ ຈຶ່ງໄດ້ຮັບມໍລະດົກຕາມສັນຍາ, ຮຣ 6:12–15.
ເມື່ອອັບຣາຮາມໄດ້ທົນຄອຍດ້ວຍຄວາມພາກພຽນແລ້ວ, ເພິ່ນຈຶ່ງໄດ້ຮັບຕາມພຣະສັນຍານັ້ນ, ຮຣ 6:15.
ຈົ່ງໃຫ້ຄວາມໝັ້ນໃຈຂອງພວກເຈົ້ານັ້ນຍືນຍົງຕະຫລອດໄປ ເພື່ອວ່າພວກເຈົ້າຈະໄດ້ເປັນຄົນສຳເລັດ ແລະ ຄົບຖ້ວນ, ຢກບ 1:2–4.
ເຈົ້າທັງຫລາຍໄດ້ຍິນເລື່ອງຄວາມໝັ້ນໃຈຂອງທ່ານໂຢບ, ຢກບ 5:11.

ຖ້າຫາກພວກເຂົາອົດທົນຈົນເຖິງທີ່ສຸດ ພວກເຂົາຈະຖືກຍົກຂຶ້ນໃນວັນສຸດທ້າຍ, 1 ນຟ 13:37.
ຖ້າຫາກພວກເຈົ້າຈະເຊື່ອຟັງພຣະບັນຍັດ, ແລະ ອົດທົນຈົນເຖິງທີ່ສຸດ, ພວກເຈົ້າຈະລອດໃນວັນສຸດທ້າຍ, 1 ນຟ 22:31 (ແອວ 5:13).
ຖ້າຫາກພວກທ່ານຈະມຸ້ງໜ້າ, ຊື່ນຊົມດ້ວຍພຣະຄຳຂອງພຣະຄຣິດ, ແລະ ອົດທົນຈົນເຖິງທີ່ສຸດ, ພວກທ່ານຈະມີຊີວິດນິລັນດອນ, 2 ນຟ 31:20 (3 ນຟ 15:9; ຄພ 14:7).
ພວກເຂົາໄດ້ຍອມຮັບຢ່າງເບີກບານມ່ວນຊື່ນ ແລະ ດ້ວຍຄວາມອົດທົນຕໍ່ພຣະປະສົງທັງໝົດຂອງພຣະຜູ້ເປັນເຈົ້າ, ມຊຢ 24:15.
ລູກໄດ້ຮັບເອົາສິ່ງເຫລົ່ານີ້ໄວ້ທັງໝົດດ້ວຍຄວາມອົດທົນ ຍ້ອນວ່າພຣະຜູ້ເປັນເຈົ້າໄດ້ສະຖິດຢູ່ກັບລູກ, ແອວ 38:4–5.
ຜູ້ໃດທີ່ຮັບນາມຂອງເຮົາ, ແລະ ອົດທົນຈົນເຖິງທີ່ສຸດ, ຜູ້ນັ້ນຈະລອດ, 3 ນຟ 27:6.

ຄົນໃດກໍຕາມທີ່ອົດທົນຕໍ່ສາດສະໜາຈັກຂອງເຮົາຈົນເຖິງທີ່ສຸດ, ຄົນນັ້ນເຮົາຈະສະຖາປະນາໄວ້ເທິງດານຫີນຂອງເຮົາ, ຄພ 10:69.
ຄົນທີ່ອົດທົນໃນສັດທາຈະເອົາຊະນະໂລກ, ຄພ 63:20, 47.
ຈົ່ງດຳເນີນຕໍ່ໄປດ້ວຍຄວາມອົດທົນຈົນກວ່າພວກເຈົ້າຈະຖືກເຮັດໃຫ້ດີພ້ອມ, ຄພ 67:13.
ພຣະບັນລັງ ແລະ ການຄອບຄອງ ຈະຖືກມອບໃຫ້ແກ່ທຸກຄົນທີ່ອົດທົນຢ່າງກ້າຫານເພື່ອພຣະກິດຕິຄຸນຂອງພຣະເຢຊູຄຣິດ, ຄພ 121:29.