ເອສະເທີ
ຜູ້ຍິງຄົນໜຶ່ງທີ່ມີສັດທາອັນຍິ່ງໃຫຍ່ ແລະ ເປັນຜູ້ສຳຄັນໃນພຣະທຳເອສະເທີ.
ພຣະທຳເອສະເທີ
ໜັງສືເຫລັ້ມໜຶ່ງໃນພຣະຄຳພີເດີມ ທີ່ບັນຈຸເລື່ອງລາວກ່ຽວກັບຄວາມກ້າຫານຫລາຍທີ່ສຸດຂອງລາຊີນີເອສະເທີໃນການຊ່ວຍກູ້ຊີວິດຂອງຜູ້ຄົນຂອງນາງຈາກການທຳລາຍ.
ບົດທີ 1–2 ບອກເຖິງເອສະເທີ, ຍິງສາວຊາວຢິວ ແລະ ເປັນລູກລ້ຽງຂອງຊາຍຊາວຢິວຊື່ ມໍເດໄກ, ໄດ້ຖືກເລືອກໃຫ້ເປັນລາຊີນີຂອງເປີເຊຍ ເພາະຄວາມສວຍງາມຂອງນາງ. ບົດທີ 3 ອະທິບາຍວ່າ ຮາມານ, ນາຍົກລັດຖະມົນຕີຢູ່ໃນວັງຂອງກະສັດ, ກຽດຊັງມໍເດໄກ ແລະ ໄດ້ອອກຄຳສັ່ງໃຫ້ຂ້າຊາວຢິວທຸກຄົນ. ບົດທີ 4–10 ບອກເຖິງເອສະເທີໄດ້ສ່ຽງຊີວິດເປີດເຜີຍສັນຊາດຂອງນາງຕໍ່ກະສັດ ແລະ ໄດ້ປ່ຽນຄຳສັ່ງ.