ມາ ເບິ່ງ ສານຸສິດ; ເຊື່ອຟັງ, ການເຊື່ອຟັງ, ຟັງຄວາມ ນຳອີກ ໃນພຣະຄຳພີ, ສ່ວນຫລາຍແລ້ວໝາຍເຖິງການເຂົ້າໃກ້ບາງຄົນໂດຍການຕິດຕາມ ຫລື ການເຊື່ອຟັງ, ດັ່ງເຊັ່ນໃນສຳນວນທີ່ວ່າ “ຈົ່ງມາຫາພຣະຄຣິດ, ແລະ ຖືກເຮັດໃຫ້ເປັນຄົນດີພ້ອມໃນພຣະອົງ” (ມຣນ 10:32). ຈົ່ງມາຟັງເຮົາເທີ້ນ, ແລະ ເຊີນມາຫາເຮົາ, ອຊຢ 55:3. ຈົ່ງມາຫາເຮົາ, ທຸກຄົນທີ່ອິດເມື່ອຍຈາກການແບກພາລະໜັກ, ມທ 11:28. ຈົ່ງປ່ອຍໃຫ້ເດັກນ້ອຍມາຫາເຮົາ, ມທ 19:14. ຖ້າຜູ້ໃດຕ້ອງການຕາມເຮົາມາ ໃຫ້ຕັດສິດຂອງຕົນເອງ, ລກ 9:23. ຜູ້ທີ່ມາຫາເຮົາຈະບໍ່ຫິວເຂົ້າຈັກເທື່ອ, ຢຮ 6:35. ພຣະຄຣິດເຊື້ອເຊີນທຸກຄົນໃຫ້ມາຫາພຣະອົງ, 2 ນຟ 26:33. ຈົ່ງມາຫາເຮົາ ແລະ ເຈົ້າຈະລອດ, 3 ນຟ 12:20. ຈົ່ງມາຫາພຣະຄຣິດ, ມຣນ 10:32. ເຊື້ອເຊີນທຸກຄົນໃຫ້ມາຫາພຣະຄຣິດ, ຄພ 20:59. ມາຫາເຮົາ, ແລະ ຈິດວິນຍານຂອງເຈົ້າຈະມີຊີວິດ, ຄພ 45:46.