ເຈັບປ່ວຍ, ພະຍາດໂລຄາ ຄືການປ່ວຍໂຊ ຫລື ເປັນພະຍາດ. ໃນຂໍ້ພຣະຄຳພີ, ບາງເທື່ອ ການປ່ວຍໂຊທາງຮ່າງກາຍ ເປັນສິ່ງບົ່ງບອກເຖິງຄວາມຂາດຄວາມຢູ່ເຢັນເປັນສຸກທາງວິນຍານ (ອຊຢ 1:4–7; 33:24). ເຮົາໄດ້ຍິນຄຳອະທິຖານຂອງເຈົ້າ ແລະ ເຫັນນ້ຳຕາຂອງເຈົ້າ. ເຮົາຈະໃຫ້ເຈົ້າຫາຍປ່ວຍ, 2 ກສ 20:1–5 (2 ຂຄ 32:24; ອຊຢ 38:1–5). ພຣະເຢຊູໄດ້ເດີນທາງໄປທົ່ວ ເພື່ອປິ່ນປົວຄົນທີ່ເຈັບໄຂ້ໄດ້ປ່ວຍຕ່າງໆ, ມທ 4:23–24 (1 ນຟ 11:31; ມຊຢ 3:5–6). ຄົນທີ່ມີສຸຂະພາບດີບໍ່ຕ້ອງການໝໍ, ມີແຕ່ຄົນເຈັບປ່ວຍເທົ່ານັ້ນ, ມທ 9:10–13 (ມຣກ 2:14–17; ລກ 5:27–32). ມີຜູ້ໃດເຈັບໄຂ້ໄດ້ປ່ວຍບໍ່? ໃຫ້ເຊີນບັນດາເຖົ້າແກ່ມາ, ຢກບ 5:14–15. ພຣະຄຣິດຈະຮັບເອົາຄວາມເຈັບປວດ ແລະ ຄວາມປ່ວຍໄຂ້ຂອງຜູ້ຄົນຂອງພຣະອົງ, ແອວ 7:10–12. ພຣະເຢຊູໄດ້ປິ່ນປົວຄົນເຈັບໄຂ້ໄດ້ປ່ວຍ ໃນບັນດາຊາວນີໄຟ, 3 ນຟ 26:15. ຈົ່ງບຳລຸງລ້ຽງຄົນທີ່ເຈັບປ່ວຍດ້ວຍຄວາມອ່ອນໂຍນທຸກຢ່າງ, ດ້ວຍສະໝຸນໄພ ແລະ ອາຫານອ່ອນ, ຄພ 42:43 (ແອວ 46:40). ໃນທຸກສິ່ງໃຫ້ຈື່ຈຳຄົນເຈັບປ່ວຍ ແລະ ຄົນທີ່ເປັນທຸກ, ຄພ 52:40. ຈົ່ງວາງມືຂອງເຈົ້າໃສ່ເທິງຄົນທີ່ເຈັບປ່ວຍ, ແລະ ພວກເຂົາຈະຫາຍດີ, ຄພ 66:9.