ຊາວຊາມາເຣຍ
ຜູ້ຄົນໃນພຣະຄຣິສຕະທຳຄຳພີ ທີ່ອາໄສຢູ່ໃນຊາມາເຣຍ ຫລັງຈາກອານາຈັກພາກເໜືອຂອງອິດສະຣາເອນ ໄດ້ຖືກຍຶດໄປໂດຍຊາວອັດຊີເຣຍ. ຊາວຊາມາເຣຍພາກສ່ວນໜຶ່ງແມ່ນຊາວອິດສະຣາເອນ ແລະ ພາກສ່ວນໜຶ່ງແມ່ນຄົນຕ່າງຊາດ. ສາດສະໜາຂອງເຂົາເຈົ້າແມ່ນການປະປົນກັນທັງຄວາມເຊື່ອ ແລະ ການປະຕິບັດຂອງຊາວຢິວ ແລະ ຊາວເພເກັນທີ່ບໍ່ມີສາດສະໜາ. ຄຳອຸປະມາເລື່ອງໄທຊາມາເຣຍຜູ້ໃຈດີ ໃນ ລູກາ 10:25–37 ສະແດງເຖິງຄວາມກຽດຊັງ ທີ່ຊາວຢິວມີຕໍ່ຊາວຊາມາເຣຍ ເພາະວ່າຊາວຊາມາເຣຍໄດ້ປະຖິ້ມຄວາມເຊື່ອ ຈາກສາດສະໜາຂອງຊາວອິດສະຣາເອນ. ພຣະຜູ້ເປັນເຈົ້າໄດ້ຊັກນຳອັກຄະສາວົກ ໃຫ້ສອນພຣະກິດຕິຄຸນ ແກ່ຊາວຊາມາເຣຍ (ກຈກ 1:6–8). ຟີລິບໄດ້ສິດສອນພຣະກິດຕິຄຸນຂອງພຣະຄຣິດຢ່າງມີປະສິດທິພາບ ແກ່ຊາວຊາມາເຣຍ ແລະ ໄດ້ເຮັດສິ່ງມະຫັດສະຈັນຫລາຍຢ່າງໃນບັນດາພວກເຂົາ (ກຈກ 8:5–39).