Mga Sugyot alang sa Pailin-ilin nga mga Adlaw [Flexible Days]

Ang giya sa gipaspason alang sa mga daily teacher gibase sa 36 ka semana o 180 ka adlaw nga school year. Kini nga manwal naghatag og 160 ka inadlaw nga mga leksyon, nagbilin og 20 ka adlaw nga walay gihatag nga materyal sa pagtudlo. Kining 20 ka “pailin-ilin nga mga adlaw [flexible days]” kinahanglang gamiton sa maalamong paagi alang sa maayo nga mga tumong ug mga kalihokan, lakip ang mosunod:

Mga Assessment. Ang Tumong sa Seminaries and Institutes of Religion mao ang “pagtabang sa mga youth ug mga young adult nga makasabut ug mosalig sa mga pagtulun-an ug sa Pag-ula ni Jesukristo, mahimong sarang sa mga panalangin sa templo, ug maandam ang ilang mga kaugalingon, ilang mga pamilya, ug ang uban alang sa kinabuhing dayon uban sa Langitnong Amahan.” Uban niini nga tumong, ang S&I miandam og mga learning assessment. Kini nga mga assessment gituyo sa pagtabang sa mga estudyante nga makasabut, makapasabut, motuo, ug mosunod sa unsay ilang nakat-unan sa klase.

Niadtong 2014, ang mga kinahanglanon sa paggradwar sa seminary giusab aron nga ang mga estudyante kinahanglang mopasar sa learning assessment sa kada kurso sa pagtuon aron mogradwar. Kinahanglan nga mopahigayon ka og mga learning assessment kausa sa matag katunga sa school year. Ang matag assessment adunay duha ka bahin: (1) pagpahigayon sa assessment, nga mokabat og mga 40 minutos, o usa ka inadlaw nga klasehan, ug (2) pagkorihir ug paghisgot sa assessment uban sa mga estudyante pagkasunod klase. Kini nga ribyu usa ka mahinungdanon nga bahin sa pagtabang sa mga estudyante nga makakat-on gikan sa kasinatian. Kon ang imong klase molungtad og sobra sa 60 minutos, kinahanglang usa lang ka klasehan ang imong gamiton sa pagpahigayon ug pagribyu sa assessment.

Ang mga assessment gamiton sa pagtabang sa mga estudyante. Samtang gipahibalo ang pagdugang sa mga learning assessment sa mga kinahanglanon aron mogradwar sa seminary, si Elder Paul V. Johnson sa Seventy miingon, “Ang kinaiya sa magtutudlo maoy makahimo og dakong kalainan. Kon ang mga magtutudlo makakita kon sa unsang paagi kini makapanalangin sa mga kinabuhi sa mga estudyante, ilang tan-awon ang mga assessment isip usa ka paagi sa pagtabang sa mga estudyante. … Sa akong hunahuna kon kinahanglang adunay pasidaan, kini mao nga dili nato gusto ang mga magtutudlo nga motan-aw niini isip usa ka himan sa pagkontrolar o club—tingali club nga may duha ka kahulugan—habul nga instrumento nga ibunal sa tawo, o grupo sa pipila lang ka mga estudyante. Gusto namo nga ila kining tan-awon isip usa ka butang nga tinud-anay nga makapanalangin sa ilang mga kinabuhi” (“Elevate Learning Announcement” [Seminaries and Institutes of Religion global faculty meeting, Hunyo 20, 2014], si.lds.org
Pagpahiangay sa inadlaw nga mga leksyon. Mahimo ka nga mogahin og sobra nga oras sa usa ka leksyon nga nagkinahanglan og dugang nga panahon aron epektibong matudlo. Mahimo usab nimong gamiton ang dugang nga mga ideya sa pagtudlo nga makita diha sa katapusan sa pipila ka mga leksyon o mogahin og panahon sa pagtubag sa mga pangutana sa mga estudyante mahitungod sa usa ka piho nga tudling sa kasulatan o hilisgutan sa ebanghelyo. Ang pailin-ilin nga mga adlaw magtugot kanimo nga makapahimulos niini nga mga oportunidad samtang imong gimentinar ang iskedyul sa gipaspason ug nagtuman sa imong katungdanan sa pagtudlo sa mga kasulatan sa pasunod nga paagi.
Pag-master sa importanting mga tudling sa kasulatan ug Sukaranang mga Doktrina. Mahimo nimong gamiton ang pangribyu nga mga kalihokan alang sa mga scripture mastery passage nga makita sa tibuok manwal ug diha sa appendix. Makahimo ka og dugang nga mga pangribyu nga mga kalihokan sa scripture mastery nga motubag sa piho nga mga panginahanglan ug interes sa mga estudyante sa imong klase. Magamit usab nimo ang bahin sa usa ka pailin-ilin nga adlaw alang sa mga kalihokan nga makatabang sa mga estudyante sa pagribyu ug pagpalawom sa ilang pagsabut sa Sukaranang mga Doktrina.
Pagribyu sa miaging materyal. Makatabang sa mga estudyante nga hinumduman sa matag karon ug unya ang ilang nakat-unan sa miaging mga leksyon o gikan sa piho nga basahon sa kasulatan. Mahimo nimong hatagan ang mga estudyante og oportunidad sa pagpasabut og usa ka kamatuoran gikan sa miagi nga leksyon ug ipakigbahin kon sa unsang paagi kana nga kamatuoran nakaimpluwensya sa ilang mga kinabuhi. Makahimo ug makapahigayon ka usab og mubo nga eksamin o mga kalihokan sa pagkat-on nga magribyu sa miaging materyal.
Pagtugot alang sa mga pagkabalda sa iskedyul. Ang mga kalihokan o mga panagtigum sa eskwelahan, mga kalihokan sa komunidad, panahon, ug uban pang mga pagkabalda tingali magkinahanglan nga imong i-cancel o pamub-an ang klase sa matag karon ug unya. Ang pailin-ilin nga mga adlaw mahimong gamiton alang sa ingon nga mga pagkabalda.