Niadtong Nobyembre 25, 1834, si Propeta Joseph Smith nakadawat og pagpadayag nga narekord sa Doktrina ug mga Pakigsaad 106. Niini nga pagpadayag, ang Ginoo mitawag ni Warren A. Cowdery, magulang ni Oliver Cowdery, sa pagdumala sa Simbahan didto sa Freedom, New York, ug sa naglibut nga mga komunidad. Si Joseph Smith nakadawat og pagpadayag nga narekord sa Doktrina ug mga Pakigsaad 107 mga Abril 1835, samtang ang tanang mga sakop sa Korum sa Napulog Duha ka mga Apostoles nangandam sa pagserbisyo og misyon sa silangang Estados Unidos. In a written statement, the Twelve said: “The time when we are about to separate is near; and when we shall meet again, God only knows; we therefore feel to ask of him whom we have acknowledged to be our Prophet and Seer, that he inquire of God for us, and obtain a revelation, … that we may look upon it when we are separated, that our hearts may be comforted” (in History of the Church, 2:209–10). Ang pagpadayag narekord niadtong 1835, apan “ang rekord sa kasaysayan nagmatuod nga ang kadaghanan sa mga bersikulo 60 hangtud 100 naglakip sa pagpadayag nga gihatag pinaagi ni Joseph Smith niadtong Nobyembre 11, 1831” (pasiuna sa D&P 107). Mao kini ang unang tulo ka mga leksyon niini nga manwal sa Doktrina ug mga Pakigsaad 107.
Ang Ginoo mitawag ni Warren Cowdery nga mao ang tigdumalang high priest sa Freedom, New York
Hangyoa ang mga estudyante sa paghunahuna og higayon sa dihang sila mi-sustain og bag-ong bishop o branch president.
Unsa sa inyong hunahuna ang gibati niana nga tawo samtang siya gi-sustain?
Ipasabut nga niadtong 1834 ang Simbahan nakasinati og dakong kalamboan didto sa Freedom, New York, gamay lang og diyutay sa 200 ka milya (mga 320 ka kilometro) gikan sa Kirtland, Ohio. Ang Ginoo mitawag og usa ka lider sa priesthood nga modumala sa mga miyembro didto. Dapita ang mga estudyante sa pagbasa og hilum sa Doktrina ug mga Pakigsaad 106:1–3.
Unsa ang gisugo sa Ginoo nga buhaton ni Warren Cowdery?
Ipasabut nga ang pagbati ni Brother Cowdery tingali susama niadtong bag-ong bishop o branch president karon. Ang Ginoo mihatag og makahupay nga mga pulong sa dihang gidawat ni Brother Cowdery ang iyang bag-ong calling. Dapita ang usa ka estudyante sa pagbasa og kusog sa Doktrina ug mga Pakigsaad 106:6. Hangyoa ang klase sa pagsunod ug pagpangita ngano nga ang Ginoo nahimuot ni Brother Cowdery.
Sa inyong hunahuna unsa ang buot ipasabut sa mga pulong nga “miyukbo sa akong gahum [scepter]”? (Aron matabangan ang mga estudyante sa pagtubag niini nga pangutana, mahimo nimong ipasabut nga ang scepter usa ka sungkod nga gidala sa mga hari ug mga rayna. Nagsimbolo kini og awtoridad.)
Sa inyong hunahuna unsa kaha ang ipasabut sa mga pulong nga “mibulag sa iyang kaugalingon gikan sa mga panikas sa mga tawo”?
Diha sa pisara, isulat Kon , dayon . Dapita ang usa ka estudyante sa pagbasa og kusog sa Doktrina ug mga Pakigsaad 106:7–8. Hangyoa ang klase sa pagsunod, nga mangita sa tambag ug mga saad sa Ginoo ngadto ni Brother Cowdery. Dapita ang mga estudyante sa pagsulat unsay ilang nadiskobrehan pinaagi sa pagsulat ogsa “kon–dayon” nga baruganan diha sa ilang mga kasulatan. Human sa igong panahon, dapita ang pipila ka mga estudyante sa pagpakigbahin sa mga baruganan nga ilang nakit-an. (Ang mga estudyante mahimong mogamit og lain-laing mga pulong, apan kinahanglang mapadayag nila ang mosunod nga baruganan: Kon kita magpaubos sa atong mga kaugalingon sa atubangan sa Ginoo, dayon Siya malooy kanato, mobayaw kanato, ug mohatag nato og grasya ug kasiguroan.)
Sa unsa nga paagi nga ang Ginoo mobayaw niadtong kinsa mapainubsanon sa ilang mga kaugalingon sa Iyang atubangan?
Ipamatuod nga kita makadawat og mga panalangin nga gisaad ngadto ni Warren Cowdery kon kita magmapainubsanon sa atong mga kaugalingon sa atubangan sa Ginoo.
Ang Ginoo nagtudlo mahitungod sa Melchizedek ug Aaronic Priesthood
Ipasabut nga ang pagpadayag nga narekord sa Doktrina ug mga Pakigsaad 107 nakatabang sa pagpatin-aw sa organisasyon ug mga responsibilidad sa Unang Kapangulohan, sa Korum sa Napulog Duha ka mga Apostoles, ug sa Korum sa Seventy.
Basaha ang mosunod nga deskripsyon sa usa ka propeta sa Daang Tugon. Dapita ang mga estudyante sa pagtag-an kinsa sa ilang hunahuna ang imong gihulagway.
Kini nga propeta “mao ang usa ka tawo sa hugot nga pagtuo, kinsa nagbuhat sa pagkamatarung; ug sa iyang pagkabata siya mitahud sa Dios, ug mipugong sa mga ba-ba sa mga leon, ug mipalong sa kapintas sa kalayo.” (Hubad ni Joseph Smith, Genesis 14:26 [sa Bible appendix]). Isip hari sa Salem, siya “nakatukod og kalinaw diha sa yuta sa iyang mg adlaw; busa siya gitawag og prinsipe sa kalinaw” (Alma 13:18). Si propeta Abraham mibayad og ikapulo ngadto kaniya (tan-awa sa Alma 13:15).
Human sa pipila ka mga pagsulay sa estudyante sa pagtag-an sa pangalan niini nga propeta, isulat ang Melchizedek diha sa pisara. Hangyoa ang mga estudyante sa pagsiksik sa hilum ang Doktrina ug mga Pakigsaad 107:1–4, mangita unsa ang gitudlo niini nga mga bersikulo mahitungod ni Melchizedek.
Unsa ang tawag sa Melchizedek nga Pagkapari sa wala pa ang panahon ni Melchizedek? Nganong gitawag kini karon nga Melchizedek nga Pagkapari?
Isulat ang mosunod nga baruganan diha sa pisara: Ang Melchizedek nga Pagkapari sunod sa kapunongan sa Anak sa Dios. Mahimo nimong isugyot nga markahan sa mga estudyante kini nga mga pulong diha sa bersikulo 3.
Unsa ang gisugyot niini nga baruganan mahitungod kon sa unsa nga paagi ang mga naghupot sa priesthood motuman sa ilang mga responsibilidad?
Isip kabahin niini nga panaghisgutan, dapita ang usa ka estudyante sa pagbasa og kusog sa mosunod nga pamahayag ni Presidente Boyd K. Packer sa Korum sa Napulog Duha ka mga Apostoles:
Imahe
President Boyd K. Packer
“Kon ang awtoridad sa priesthood gigamit sa tukma nga paagi, ang mga naghupot sa priesthood mobuhat sa Iyang [Jesukristo] pagabuhaton kon ania pa Siya” (“Ang Gahum sa Priesthood,” Liahona, Mayo 2010, 7).
Ilista ang mosunod nga mga organisasyon sa Simbahan diha sa pisara: Relief Society, Sunday School, Young Men, Young Women, ug Primary. Dapita ang mga estudyante sa pagbasa sa hilum sa Doktrina ug mga Pakigsaad 107:5, 8–9, mangita sa mga pulong nga nagtudlo kon sa unsa nga mga paagi kini nga mga organisasyon may kalabutan sa Melchizedek nga Pagkapari. Hangyoa ang mga estudyante sa pagreport kon unsay ilang nakit-an.
Unsa ang usa ka sumpay [appendage]? (Usa ka bahin sa lawas, sama sa kamot ug tiil.)
Sumala sa bersikulo 8, unsa nga katungod o awotridad ang gihuptan sa Melchizedek nga Pagkapari? (Samtang ang mga estudyante motubag, mahimo nimong isulat ang mosunod nga kamatuoran diha sa pisara: Ang Melchizedek nga Pagkapari naghupot sa katungod sa kapangulohan, adunay gahum, ug pagtugot ibabaw sa tanan nga mga buhatan diha sa Simbahan, ug pagtugyan sa espirituhanong mga butang. Ipasabut nga ang “pagtugyan sa espirituhanon nga mga butang” naglakip sa pagpangalagad sa mga panalangin, mga ordinansa, ug mga pakigsaad.)
Ipasabut nga ang kapangulohan nga gihisgutan sa bersikulo 9 mao ang Unang Kapangulohan. Dapita ang usa ka estudyante sa pagbasa og kusog sa Doktrina ug mga Pakigsaad 107:10, ug hangyoa ang klase sa pagpangita kon kinsa pa ang adunay katungod sa pagdumala ubos sa direksyon sa Unang Kapangulohan. Samtang moreport ang mga estudyante unsay ilang nakat-unan, tabangi sila nga makasabut nga ang mga kapangulohan sa stake ug mga bishopric mao ang mga ehemplo sa mga high priest nga nagdumala sa ilang kaugalingong katungdanan ubos sa direksyon sa Unang Kapangulohan.
Gamita ang mga pangalan sa mga organisasyon nga imong gisulat diha sa pisara. Aron matabangan ang mga estudyante nga makasabut sa relasyon tali niini nga mga organisasyon ug sa mga lider sa priesthood sa stake ug ward, dapita ang usa ka estudyante sa pagbasa og kusog sa mosunod nga pamahayag ni Presidente Joseph F. Smith:
Imahe
Presidente Joseph F. Smith
“Walay pangagamhanan diha sa Simbahan ni Jesukristo nga nahimulag ug nalain, sa ibabaw o sa gawas sa balaan nga Priesthood o sa awtoridad niini. … [Ang mga organisasyon sa auxiliary] wala kini sa gawas, ni sa ibabaw niini, ni sa dili maabot niini. Giila nila ang baruganan sa Priesthood. Bisan asa man kini kanunay kini nga anaa uban sa panan-aw nga makahimo og pipila ka mga kaayohan, pipila ka mga pagluwas sa kalag, temporal o espirituhanon” (Mga Pagtulun-an sa mga Presidente sa Simbahan: Joseph F. Smith [1998], 414).
Dapita ang mga estudyante sa pagsiksik sa hilum sa Doktrina ug mga Pakigsaad 107:18–19 sa pagdiskobre unsa nga dugang nga awtoridad ang gihuptan sa Melchizedek nga Pagkapari.
Sumala sa bersikulo 18, unsa nga awtoridad ang gihuptan sa Melchizedek nga Pagkapari? (Isulat ang mosunod nga kamatuoran diha sa pisara samtang ang mga estudyante mangita niini: Ang Melchizedek nga Pagkapari naghupot sa mga yawe sa tanang espirituhanong mga panalangin sa Simbahan.)
Aron matabangan ang mga estudyante nga makasabut niini nga kamatuoran, dapita ang usa ka estudyante sa pagbasa og kusog sa mosunod nga pamahayag ni Propeta Joseph Smith. Hangyoa ang klase sa pagpaminaw sa espirituhanong mga panalangin nga moabut pinaagi sa Melchizedek nga Pagkapari.
Imahe
Prophet Joseph Smith
“[Ang Melchizedek nga Pagkapari] mao ang paagi diin ang tanang kahibalo, doktrina, ang plano sa kaluwasan, ug ang matag importante nga butang gipadayag gikan sa langit” (sa History of the Church, 4:207).
Unsa nga espirituhanon nga mga panalangin ang gihulagway sa bersikulo 19 nga nakapadani kaninyo? Ngano man?
Tabangi ang mga estudyante nga makasabut nga kadtong kinsa naghupot sa Melchizedek nga Pagkapari kinahanglang mogamit niini sa pagtabang sa ubang mga tawo nga makadawat og mga panalangin sama sa gasa sa Espiritu Santo ug sa mga panalangin sa templo.
Unsa ang pipila ka mga panalangin nga inyong nadawat pinaagi sa Melchizedek nga Pagkapari?
Ipasabut nga ang Ginoo mihulagway usab sa gipadayag nga mga kamatuoran mahitungod sa awtoridad sa Aaronic nga Pagkapari. Dapita ang tulo ka mga estudyante nga magpuli-puli sa pagbasa og kusog sa Doktrina ug mga Pakigsaad 107:13–14, 20. Hangyoa ang klase sa pagsunod ug sa pag-ila sa awtoridad nga gihuptan sa Aaronic nga Pagkapari.
Unsa nga awtoridad ang gihuptan sa Aaronic Priesthood? (Ang mga estudyante kinahanglang moila sa mosunod nga doktrina: Ang Aaronic nga Pagkapari naghupot sa mga yawe sa pangalagad sa mga anghel ug sa pagpangalagad sa gawas nga mga ordinansa.)
Unsa nga ordinansa ang gihisgutan sa bersikulo 20? Unsa ang ubang gawas nga mga ordinansa ang ipangalagad sa awtoridad sa Aaronic nga Pagkapari? (Ang sakrament.)
Unsa ang pipila ka mga panalangin nga inyong nadawat pinaagi sa Aaronic nga Pagkapari?
Isulat ang mosunod isip mga ulohan diha sa pisara:
Mga katungdanan sa Melchizedek nga Pagkapari Mga katungdanan sa Aaronic nga Pagkapari
Sa dili pa ang klase, isulat ang mosunod nga mga katungdanan sa pagkapari sa laing mga piraso sa papel: deacon, teacher, priest, bishop, elder, high priest, patriyarka, Seventy, Apostol. Isulod ang mga papel sa usa ka sudlanan sa random nga paagi.
Niining puntoha sa leksyon, bahina ang mga papel sa pipila ka mga estudyante. Dapita ang mga estudyante nga moduol sa pisara ug ibutang ang matag katungdanan ubos sa sakto nga ulohan.
Pipila ka mga estudyante tingali moingon nga ang katungdanan sa bishop katungdanan sa Melchizedek nga Pagkapari. Kon mao kini, dapita ang usa kanila sa pagbasa og kusog sa Doktrina ug mga Pakigsaad 107:13, 15. Hangyoa ang mga estudyante sa paggamit niini nga mga bersikulo sa pagtino asa nila ibutang ang katungdanan sa bishop diha sa pisara. Ipasabut nga ang katungdanan sa bishop usa ka katungdanan diha sa Aaronic nga Pagkapari. Ang bishop mao ang presidente sa Aaronic nga Pagkapari ug ang tigdumalang high priest sa iyang ward. (Timan-i nga ang calling sa literal nga kaliwatan ni Aaron, sumala sa gihisgutan sa mga bersikulo 16–17, gihisgutan sa Doktrina ug mga Pakigsaad 68:15–21 ug sa leksyon 74.)
Siguroha nga ang mga katungdanan sakto nga anaa diha sa pisara. (Ang mga katungdanan sa Melchizedek nga Pagkapari mao ang elder, high priest, patriyarka, Seventy, ug Apostol. Ang mga katungdanan sa Aaronic nga Pagkapari mao ang deacon, teacher, priest, ug bishop.) Ipasabut nga kini nga mga lista makapaandam sa mga estudyante sa mosunod nga duha ka mga leksyon, diin sila makat-on pa og dugang mahitungod sa mga katungdanan sa pagkapari.
Tapusa pinaagi sa pagdapit sa mga estudyante sa pagpakigbahin sa ilang mga pagpamatuod mahitungod sa unsay ilang nakat-unan ug gibati sa klase karon.
“Bisan og adunay duha ka mga Priesthood, apan ang Melchizedek Priesthood naglakip sa Aaronic o Levitical Priesthood, ug mao ang pinakahalangdon, ug naghupot sa labing taas nga awtoridad nga may kalabutan sa Priesthood, ug sa mga yawe sa Gingharian sa Dios sa tanang panahon sa kalibutan ngadto sa labing ulahi nga kaliwat sa yuta, ug mao ang agianan diin ang tanang kahibalo, doktrina, sa plano sa kaluwasan, ug sa tanang importante nga butang ipadayag gikan sa langit” (Mga Pagtulun-an sa mg Presidente sa Simbahan: Joseph Smith [2007], 127).
“Ang tanang priesthood Melchizedek; apan adunay lain-laing mga bahin o ang-ang niini. … Ang tanang mga propeta adunay Melchizedek Priesthood.” (Mga Pagtulun-an sa mga Presidente sa Simbahan: Joseph Smith, 129).
“Ang mga yawe sa priesthood mao ang awtoridad nga gihatag sa Dios ngadto sa mga lider sa priesthood aron pagmando, pagkontrolar, ug pagdumala sa paggamit sa Iyang priesthood dinhi sa yuta. Ang paggamit sa awtoridad sa priesthood gidumala niadtong kinsa naghupot sa mga yawe niini (tan-awa sa D&P 65:2; 81:2; 124:123). Kadtong kinsa naghupot sa mga yawe sa priesthood adunay katungod sa pagdumala ug paggiya sa Simbahan nga sulod sa hurisdiksyon.
Gihuptan ni Jesukristo ang mga yawe sa priesthood nga may kalabutan sa Iyang Simbahan. Iyang gitugyan ngadto sa matag usa sa Iyang mga Apostoles ang tanang mga yawe nga may kalabutan sa gingharian sa Dios dinhi sa yuta. Ang senior nga buhi nga Apostol, ang Presidente sa Simbahan, mao lamang ang tawo sa yuta nga gitugutan nga mogamit sa tanang mga yawe sa priesthood (tan-awa sa D&P 43:1–4; 81:2; 107:64–67, 91–92; 132:7).
“Ang mga Seventy molihok tungod sa assignment ug tungod sa pagdelegar sa awtoridad gikan sa Unang Kapangulohan ug sa Korum sa Napulog Duha ka mga Apostoles. Ang mga Area President gitudlo sa pagpangalagad sa mga dapit ubos sa pagtugot sa Unang Kapangulohan ug sa Napulog Duha. Ang Kapangulohan sa Seventy gi-set apart ug gihatagan sa mga yawe sa pagdumala sa mga Korum sa Seventy.
“Ang Presidente sa Simbahan modelegar sa mga yawe sa priesthood ngadto sa ubang mga lider sa priesthood aron sila makadumala sa ilang mga dapit sa responsibilidad. Ang mga yawe sa priesthood gitugyan ngadto sa mga presidente sa mga templo, mga misyon, mga stake, ug mga district; mga bishop; mga branch president; ug mga presidente sa korum. Kining tigdumalang awtoridad balido lamang alang sa gitudlo nga mga responsibilidad ug sulod sa hiyograpikanhong hurisdiksyon sa matag calling sa lider. Kon ang mga lider sa priesthood ma-release gikan sa ilang mga calling, wala na sila maghupot sa maong mga yawe.
“Ang mga magtatambag sa mga lider sa priesthood dili makadawat og mga yawe. I-set apart sila ug mobuhat sa ilang mga calling pinaagi sa assignment ug gidelegar nga awtoridad.
“Ang tanang mga organisasyon sa auxiliary sa ward ug stake naglihok ubos sa direksyon sa bishop o presidente sa stake, kinsa naghupot sa mga yawe sa pagdumala. Ang mga presidente sa auxiliary ug ang ilang mga magtatambag dili makadawat og mga yawe. Makadawat sila og gidelegar nga awtoridad aron makalihok sa ilang mga calling” (Handbook 2: Administering the Church [2010], 2.1.1).
“Si Propeta Joseph Smith mitudlo nga ang Ginoo mipadayag sa Iyang kabubut-on ngadto sa kapangulohan sa Melchizedek nga Pagkapari, ang gipasabut mao ang Unang Kapangulohan: ‘Ang Melchizedek nga Labaw nga Pagkapari walay lain kon dili ang Pagkapari sa Anak sa Dios; … adunay piho nga mga ordinansa nga iya sa Pagkapari, diin magagikan ang mga resulta; ug ang mga Presidente o Kapangulohan anaa sa Simbahan; ug ang mga pagpadayag sa hunahuna ug kabubut-on sa Dios ngadto sa Simbahan, kinahanglang pinaagi sa Kapangulohan. Kini mao ang kapunongan sa langit, ug ang gahum ug pribilehiyo niini nga Pagkapari’ (sa History of the Church, 2:477)” (Manwal sa Estudyante sa Doktrina ug mga Pakigsaad, 2nd ed. [manwal sa Church Educational System, 2001], 263).
Doktrina ug mga Pakigsaad 107:18. Ang Melchizedek nga Pagkapari naghupot “sa mga yawe sa tanang espirituhanong mga panalangin sa simbahan”
Si Presidente Spencer W. Kimball mitudlo:
Imahe
President Spencer W. Kimball
“[Ang Melchizedek nga Pagkapari] mao ang paagi diin ang Ginoo mobuhat pinaagi sa mga lalaki aron sa pagluwas og mga kalag. Kon wala kining gahum sa pagkapari, ang mga tawo mawala. Pinaagi lamang niini nga gahum nga ang tawo ‘maghupot sa mga yawe sa tanang espirituhanong mga panalangin sa simbahan,’ makapahimo niya sa pagdawat ‘sa mga misteryo sa gingharian sa langit, aron maabli ang kalangitan ngadto kaniya (tan-awa sa D&P 107:18–19), makahimo niya sa pagsulod sa bag-o ug walay katapusan nga pakigsaad sa kaminyoon ug aron nga ang iyang asawa ug mga anak mabugkos ngadto kaniya sa usa ka walay katapusan nga bugkos, makahimo niya nga mahimong patriyarka sa iyang kaliwatan sa kahangturan, ug makahimo niya sa pagdawat sa kahingpitan sa mga panalangin sa Ginoo” (“The Example of Abraham,” Ensign, Hunyo 1975, 3; tan-awa usab sa Manwal sa Estudyante sa Doktrina ug mga Pakigsaad sa Institute, 2nd ed. [manwal sa Church Educational System manual, 2001], 263).
Si Elder Jeffrey R. Holland sa Korum sa Napulog Duha ka mga Apostoles mipamatuod sa espirituhanong mga panalangin kalabut sa Melchizedek nga Pagkapari:
Imahe
Elder Jeffrey R. Holland
“Nakita nako ang gahum sa Dios nga gipakita sa akong panimalay ug sa akong pagpanglagad. Nakita nako nga ang dautan gibadlong ug kinaiyahan nakontrolar. Nahibalo ako unsa ang gipasabut nga adunay mga bukid sa kalisud nga mairog ug mga labangonon nga maingon nga lisud buntogon. Nahibalo ako unsa ang gipasabut sa tiglaglag nga mga anghel ‘nga mosaylo kanila’ [D&P 89:21]. Ang pagdawat sa awtoridad ug ang paggamit sa gahum sa ‘sa Balaang Priesthood, gikan sa Kapunungan sa Anak sa Dios’ [tan-awa sa D&P 107:1–3], ingon ka dako nga panalangin alang kanako ug sa akong pamilya nga sukad akong gilauman niini nga kalibutan. Ug nga, sa katapusan, ang kahulugan sa priesthood sa kada adlaw nga pinulongan—kini dili matumbasan, dili matapos, ang makanunayong katakus sa pagpanalangin” (“Ang Atong Talagsaong Hiyas,”Liahona, Mayo 2005, 45).