Doktrina ug mga Pakigsaad 49–56 (Unit 12)

Materyal sa Pagpangandam alang sa Home-Study Teacher

Summary sa Daily Home-Study nga mga Leksyon

Ang mosunod nga summary sa mga panghitabo, mga doktrina, ug mga baruganan nga nakat-unan sa mga estudyante samtang gitun-an nila ang Doktrina ug mga Pakigsaad 49–56 (unit 12) dili tuyo nga itudlo isip kabahin sa imong leksyon. Ang leksyon nga imong itudlo magtutok lamang sa pipila niining mga doktrina ug mga baruganan. Sunda ang mga pag-aghat sa Balaang Espiritu samtang magkonsiderar ka sa mga panginahanglan sa imong mga estudyante.

Day 1 (Doktrina ug mga Pakigsaad 49)

Gitun-an sa mga estudyante ang mga doktrina ug mga baruganan nga gisugo sa Ginoo nga itudlo ni Leman Copley ug sa uban ngadto sa mga Shaker: nga kon kita makahibalo sa mga timailhan sa Ikaduhang Pag-anhi, kita dili na malingla sa bakak nga mga pangangkon; nga si Jesukristo misugo sa Iyang mga sulugoon nga manawagan sa mga tawo nga motuo diha Kaniya, maghinulsol, magpabunyag, ug modawat sa gasa sa Espiritu Santo; nga ang kaminyoon tali sa usa ka lalaki ug usa ka babaye gi-orden sa Dios; ug nga ang mga bana ug mga asawa gimandoan nga maghiusa ug magbaton og mga anak.

Day 2 (Doktrina ug mga Pakigsaad 50)

Nakat-unan sa mga estudyante nga ang mga dili tinuod nga espiritu milingla sa pipila sa nag-unang mga Santos. Ang Ginoo nagtudlo niining mga Santos nga ang Espiritu Santo mao ang Maghuhupay ug nga ang Espiritu Santo nagtudlo sa kamatuoran. Ang Ginoo nagtudlo usab nga ang naggikan sa Dios molamdag ug mopalig-on, apan kanang dili iya sa Dios makahatag og kalibug ug kangitngit. Nadiskubrihan sa mga estudyante nga kon kita motudlo ug makat-on pinaagi sa Espiritu, atong masabtan ang usag usa ug kita mabalaan ug dungan nga magmaya.

Day 3 (Doktrina ug mga Pakigsaad 51–52)

Nakat-unan sa mga estudyante nga aron malikayan nga malingla ni Satanas, ang usa ka tawo kinahanglan gayud nga mosunod sa mga instruksyon sa Ginoo ug magpakabuhi sumala sa mga pagpadayag nga Iyang gihatag. Nakat-unan usab nila nga ang mga disipulo ni Jesukristo nagbantay ug nag-amuma niadtong mga kabus, timawa, masakiton, ug nagkalisud.

Day 4 (Doktrina ug mga Pakigsaad 53–56)

Samtang nagtuon bahin sa mga Santos kinsa napugos sa pagbiya sa yuta ni Leman Copley, nakat-unan sa mga estudyante nga kon motuman kita sa atong mga pakigsaad ug mosunod sa mga sugo sa Ginoo, makabaton kita og kalooy. Samtang gitun-an sa mga estudyante ang kontekso sa tawag ni William W. Phelps sa pagsulat ug pag-imprinta para sa Simbahan, ilang nakat-unan nga ang Ginoo makagamit sa atong mga talento, mga kahanas, ug mga abilidad sa pagpanalangin sa gingharian. Samtang sila nagkat-on mahitungod ni Ezra Thayre, ilang nadiskubrihan nga ang Ginoo makahatag og usa ka sugo o makabakwi og usa ka sugo sumala kon unsay angay sa Iyang panan-aw.

Pasiuna

Niadtong Hunyo 1831 ang Ginoo mihatag og pipila ka mga pagpadayag sa mga Santos didto sa Ohio sa pagbiyahe ngadto sa Missouri. Kini nga leksyon nag-focus sa relasyon tali sa pagkamasulundon ug sa pagdawat og dugang pagpadayag gikan sa Ginoo. Ang leksyon motubag usab kon unsay gipasabut sa “mopas-an sa [atong] krus” (tan-awa sa D&P 56:2).

Mga Sugyot alang sa Pagtudlo

Doktrina ug mga Pakigsaad 52:1–13, 22–36

Ang Ginoo nagsugo sa Propeta ug sa uban pang mga elder sa pagbiyahe ngadto sa Missouri ug magsangyaw sa ebanghelyo panahon sa ilang panaw

Sa dili pa magklase, pag-andam og tulo ka mga timailhan, matag usa mogiya ngadto sa sunod. Pananglitan, ang una nga timailhan tingali mogiya sa estudyante sa pagpangita sa ikaduha nga timailhan ilawom o sa sulod sa usa ka butang nga naa sa bisan asang dapit sa classroom. Ang ikaduha nga timailhan mogiya kanila sa pagpangita sa ikatulo nga timailhan nga naa sa bisan asang dapit sa classroom. Ang ikatulo nga timailhan kinahanglang mag-ingon: “Basaha ang Doktrina ug mga Pakigsaad 52: 1–6. Pangita og usa ka baruganan nga susama niining kalihokan.”

Ipapilit ang una nga timailhan sa pisara, ug isulat ang mosunod nga instruksyon sa tupad niini: Sunda kining timailhan aron makat-on kon unsaon sa pagdawat og padayon nga giya gikan sa Ginoo.

Human mabasa sa mga estudyante ang una nga timailhan, dapita sila sa pagsunod sa mga instruksyon sa pagpangita sa ikaduha nga timailhan. Dayon dapita sila sa pagbasa sa mga direksyon sa ikaduha nga timailhan ug ipapangita ang ikatulo nga timailhan.

Sa dili pa mosunod ang mga estudyante sa mga direksyon sa ikatulo nga timailhan, ipasabut nga ang tudling nga ilang pangitaon naglangkob sa mga instruksyon nga gihatag ngadto ni Propeta Joseph Smith ug sa uban nga mga lider sa priesthood sa usa ka komperensya sa Simbahan nga gipahigayon didto sa Kirtland, Ohio, niadtong Hunyo 1831. Pahinumdumi ang mga estudyante nga ang Ginoo nakapadayag na sa una nga ang mga Santos mag-establisar og usa ka siyudad nga gitawag og Zion (tan-awa sa D&P 28:9), apan Siya wala pa mipadayag sa nahimutangan niini.

Dapita ang mga estudyante sa pagsunod sa mga instruksyon sa ikatulo nga timailhan. Dapita ang pipila ka estudyante nga magpuli-puli sa pagbasa og kusog sa Doktrina ug mga Pakigsaad 52:1–6. Dapita ang klase sa pagsunod, nga mangita sa baruganan nga susama sa kalihokan nga bag-o lang nilang nakompleto.

Sumala sa mga bersikulo 4–5unsay mahimong mahitabo kon kita magmatinud-anon sa mga instruksyon sa Dios? (Kon kita matinud-anon sa pagsunod sa mga instruksyon sa Dios, Siya mopadayag pa og dugang bahin sa Iyang kabubut-on ngari kanato. Isulat kini nga baruganan diha sa pisara. Mahimo usab nimong isugyot nga isulat kini sa mga estudyante diha sa margin sa ilang mga kasulatan.)
Sa unsang paagi nga kining kalihokan susama niining baruganan? (Samtang nagsunod ang mga estudyante sa matag instruksyon, ilang nadawat ang dugang nga mga direksyon, nga sa katapusan naggiya kanila ngadto sa tubag nga ilang gipangita.)
Unsa ang inyong gibati nga pipila sa mga benepisyo sa pagdawat og giya ug kamatuoran sa Ginoo sa ginagmay kay sa tiningub?

Doktrina ug mga Pakigsaad 53

Ang Ginoo mitawag ni Sidney Gilbert sa pagka-elder ug mobiyahe uban ni Joseph Smith ngadto sa Missouri

Isip dugang nga ehemplo sa kamatuoran nga nahibaloan sa ibabaw, ipasabut nga usa ka bag-ong kinabig nga ginganlan og Sidney Gilbert nakabantay nga wala siya maapil sa nalista isip usa sa mga misyonaryo nga natawag nga mobiyahe ngadto sa Missouri. Miadto siya ni Propeta Joseph Smith ug nangutana unsay gusto sa Ginoo nga iyang buhaton. Si Propeta Joseph Smith nangutana ug nakadawat sa pagpadayag nga narekord sa Doktrina ug mga Pakigsaad 53. Ang pagpadayag nagtudlo ni Brother Gilbert nga biyaan ang kalibutanon, maordinahan sa pagka-elder, ug mobiyahe ngadto sa Missouri aron sa pagtabang sa mga transaksyon sa patigayon sa Simbahan (tan-awa sa D&P 53:1–5).

Dapita ang usa ka estudyante sa pagbasa og kusog sa Doktrina ug mga Pakigsaad 53:6–7. Hangyoa ang klase sa pagsunod, nga mangita sa panahon sa dihang ang Ginoo miingon nga Siya mohatag ngadto ni Sidney sa uban (“nahibilin”) Niyang mga instruksyon. (Mahimo nimong ipasabut nga ang Ginoo nagpasabut ngadto niining lista sa mga instruksyon isip “mga ordinansa.” Ang pulong nga ordinansa usahay nagpasabut ngadto sa usa ka lagda o usa ka sugo.)

Ngano kaha nga kinahanglan gayud kita nga mosunod sa mga instruksyon nga gihatag sa Ginoo ngari kanato sa dili pa kita maglaum nga makadawat og mas daghan?

Dapita ang mga estudyante kinsa adunay mga kasinatian niining baruganan sa pagpakigbahin sa ilang mga kasinatian o mopamatuod sa katinuod niini. Mahimo usab nimong ipakigbahin ang usa ka kasinatian o ang imong pagpamatuod.

Awhaga ang mga estudyante sa pagsulat og usa ka pangutana, problema,o desisyon nga ilang giatubang diin gusto nilang makaangkon og tabang ug giya sa Ginoo. Dayon dapita sila sa pagpamalandong ug pagsulat sa bisan unsang direksyon nga gihatag sa Ginoo diha kanila nga mas hingpit nilang mapatalinghugan aron sa pagdapit sa padayon nga giya gikan Kaniya.

Doktrina ug mga Pakigsaad 56:1–8

Ang Ginoo mibakwi sa tawag sa misyon ni Ezra Thayre ug mipasidaan kaniya sa paghinulsol

Pangutan-a ang mga estudyante kon aduna ba silay nailhan nga tawo kinsa gibiyaan ang importanting butang aron sa pagsunod sa usa sa mga sugo sa Ginoo. (Ang mga pananglitan mahimong maglakip sa usa ka tawo nga nagsakripisyo aron magpasakop sa Simbahan, sa pag-adto sa misyon, o pagsunod sa usa ka piho nga sumbahanan sa Simbahan.) Dapita ang pipila ka mga estudyante sa pagpakigbahin sa ilang mga ehemplo. Dayon hangyoa ang mga estudyante sa pag-summarize sa unsay ilang nakat-unan mahitungod ni Ezra Thayre samtang sila nagtuon sa Doktrina ug mga Pakigsaad 56. (Kon nagkinahanglan sila og tabang, pahinumdumi sila nga si Ezra Thayre gisugo sa pagserbisyo og misyon uban ni Thomas B. Marsh, apan tungod sa garbo ug hinakog nga mga problema, dili siya andam nga mobiya sa dihang panahon nang mobiya.)

Dapita ang usa ka estudyante sa pagbasa og kusog sa Doktrina ug mga Pakigsaad 56:1–2. Hangyoa ang klase sa pagsunod, nga mangita kon unsay gisulti sa Ginoo niadtong mobalibad sa pagsunod sa Iyang mga sugo.

Unsa ang gisulti sa Ginoo mahitungod niadtong mobalibad sa pagsunod sa Iyang mga sugo?
Sumala sa bersikulo 2unsa ang kinahanglan natong buhaton aron maluwas? (Aron maluwas, kinahanglan gayud kita nga mopas-an sa atong krus, mosunod sa Manluluwas, ug motuman sa Iyang mga sugo. Isulat sa pisara kini nga kamatuoran.)
Unsa kaha ang gipasabut sa “mopas-an sa [atong] krus”? (Ang Hubad ni Joseph Smith sa Mateo 16:24 nagtino sa mga pulong niini nga paagi: “Ug karon ang pagpas-an sa tawo sa iyang krus, mao ang paglimud sa iyang kaugalingon sa tanan nga dili diosnon, ug sa tanan nga kalibutanong kahinam, ug motuman sa akong mga sugo” [Mateo 16:24, footnote e]. Ang pagpasabut bahin sa krus usa ka pahinumdom sa determinasyon sa Manluluwas sa pagbuhat sa kabubut-on sa Iyang Langitnong Amahan. Mopas-an kita sa atong krus pinaagi sa pagpakita sa atong kaandam sa pagtuman sa mga sugo ug “ilimud ang atong mga kaugalingon,” o magsakripisyo, bisan unsa ang gikinahanglan aron magmasulundon ngadto sa Dios.)
Unsa nga mga sugo ang nahatag sa Ginoo nga nagkinahanglan nga kamo mopas-an sa inyong mga krus ug magsakripisyo aron mahimong masulundon? (Ang pipila ka mga ehemplo makita diha sa Alang sa Kalig-on sa mga Kabatan-onan.)

Basaha ang mosunod nga mga ehemplo (o pagmugna og pipila o mas daghan pa nga magamit sa mga estudyante diha sa imong klase), ug ipangutana kon unsaon sa mga indibidwal pagpas-an ang ilang mga krus ug pagsunod sa mga sugo sa Ginoo:

Usa ka batan-ong lalaki hapit na moabut sa pangidaron nga siya makahimo na sa pagserbisyo og misyon. Nabalaka siya bahin sa tanang butang nga iyang biyaan kon siya moserbisyo.
Usa ka batan-ong babaye nahibalo nga ang mga batan-on sa iyang ward nga mobisita sa templo sulod sa pipila ka mga bulan, apan siya walay temple recommend. Adunay usa ka butang sa iyang kinabuhi karon nga makapugong kaniya sa pagdawat og temple recommend.

Ipasabut nga kon mopili kita nga dili mopas-an sa atong krus, mahimong mawad-an kita sa mga oportunidad sa pagpanalangin sa uban ug sa pagdawat sa mga panalangin sa atong kaugalingon.

I-summarize ang Doktrina ug mga Pakigsaad 56:3–8 pinaagi sa pagpahinumdom sa mga estudyante nga tungod kay si Ezra Thayre nagmasinupakon, ang iyang tawag sa misyon gibakwi ug nawad-an siya og oportunidad sa pagserbisyo niana nga panahon. Dapita ang mga estudyante sa pagpamalandong kon unsa ang ilang kinahanglang buhaton aron mopas-an sa ilang mga krus ug magmasulundon ngadto sa mga sugo sa Ginoo. Awhaga sila sa pagbuhat sa bisan unsang mga pag-aghat nga ilang madawat.

Sunod nga Unit (Doktrina ug mga Pakigsaad 57–59)

Pangutan-a ang mga estudyante kon unsa kaha ang mahitabo nga magpuyo sa usa ka komunidad diin ang tanan mga matarung, mabination, ug manggihatagon. Sa Doktrina ug mga Pakigsaad 59 atong makat-unan kon unsaon nato sa pagpuyo aron mahimong kwalipikado alang sa mga panalangin sa templo ug sa pag-andam sa pagpuyo sa presensya sa Dios.