Home-Study nga Leksyon
Doktrina ug mga Pakigsaad 20–23 (Unit 6)
Materyal sa Pagpangandam alang sa Home-Study Teacher
Summary sa Daily Home-Study nga mga Leksyon
Ang mosunod nga mga summary sa mga panghitabo, mga doktrina, ug mga baruganan nga nakat-unan sa mga estudyante samtang gitun-an nila ang Doktrina ug mga Pakigsaad 20–23 (unit 6) dili tuyo nga itudlo isip kabahin sa imong leksyon. Ang leksyon nga imong itudlo magtutok lamang sa pipila niining mga doktrina ug mga baruganan. Sunda ang mga pag-aghat sa Balaang Espiritu samtang magkonsiderar ka sa mga panginahanglan sa imong mga estudyante.
Kini nga leksyon mihatag og gibug-aton sa calling ni Joseph Smith gikan sa Dios sa pag-organisar sa Simbahan ni Jesukristo. Nakatabang kini sa mga estudyante sa pagsabut nga ang pagtungha sa Basahon ni Mormon usa ka ebidensya sa katinuod sa Pagpahiuli. Nahibaloan usab sa mga estudyante ang sukaranang mga kamatuoran mahitungod sa kinaiyahan sa Dios nga Kapangulohan.
Natun-an sa mga estudyante ang mga katungdanan sa priesthood ug nakat-unan nga samtang ang mga anak nga lalaki sa Langitnong Amahan nakadawat og mas taas nga katungdanan sa priesthood, sila makadawat og dugang nga mga responsibilidad ug mga oportunidad sa pagserbisyo sa uban. Natun-an usab sa mga estudyante ang responsibilidad sa mga naghupot sa priesthood sa pagpangalagad sa mga ordinansa sa ebanghelyo ug sa pagbantay ug pagpangalagad sa mga miyembro sa Simbahan.
Nakat-unan sa mga estudyante ang mahitungod sa mga ordinansa sa bunyag ug ang sakrament. Aron ilhon sa Dios ang pagbunyag, kini kinahanglan gayud nga himoon sa usa ka tawo nga dunay tukmang awtoridad ug gihimo sa tukma nga paagi. Gikonsiderar usab sa mga estudyante ang saad nga kon sila magmatinud-anon sa ilang mga pakigsaad sa bunyag ug takus nga moambit sa sakrament, kanunay silang makabaton sa Espiritu nga magauban kanila.
Day 4 (Doktrina ug mga Pakigsaad 21–23)
Samtang nagkat-on ang mga estudyante mahitungod sa mga panghitabo nga naglibut sa pormal nga organisasyon sa Simbahan, ilang natun-an ang mosunod nga mga kamatuoran: Ang Dios midasig ni Joseph Smith sa pagpahiuli sa Simbahan ni Jesukristo. Kon ang mga indibidwal mopatalinghug sa mga pulong sa propeta, sila mapanalipdan batok sa kaaway ug makadawat sa mga panalangin sa langit. Ang bunyag kinahanglan gayud nga pagahimoon sa tawo nga may awtoridad gikan sa Dios. Kon kita magtinguha sa pagserbisyo sa Ginoo, makadawat kita og piho nga giya gikan Kaniya, ug ang Ginoo mopanalangin kanato samtang mosunod kita sa giya nga ihatag Niya kanato.
Pasiuna
Ang Simbahan naorganisar base sa mga pagpadayag gikan sa Ginoo ngadto ni Propeta Joseph Smith. Kini nga leksyon naghatag og gibug-aton sa kaimportante sa mga pagpadayag sa Ginoo ngadto sa Iyang mga propeta.
Mga Sugyot alang sa Pagtudlo
Doktrina ug mga Pakigsaad 20–21
Ang Ginoo nag-organisar sa Iyang Simbahan
Andama ang kauban nga mga hulagway sa duha ka managlahi nga piraso sa papel. Ayaw tuguti ang mga estudyante nga makakita sa mga hulagway hangtud nga imong masunod ang mga instruksyon sa ubos.
Sultihi ang mga estudyante nga imong ipakita nila ang duha ka mga hulagway ug kinahanglan ilang paningkamutan nga madrowing kon unsa ang ilang makita. Ipasabut nga ilang makita ang matag hulagway sulod lang sa usa ka segundo, mao nga kinahanglan nilang tutokan og maayo. Ipakita nila ang unang hulagway, hatagi sila og panahon sa pagdrowing, ug dayon ipakita nila ang ikaduha nga hulagway ug hatagi sila og panahon sa pagdrowing.
-
Hain nga hulagway ang labing sayon nga drowingon?
Ipakita og dungan ang mga hulagway. Ipasabut nga ang duha ka mga hulagway adunay managsamang gidaghanon sa mga linya.
-
Nganong ang ikaduhang hulagway mas sayon nga drowingon? (Ang dose ka mga linya diha sa maila nga pagkahan-ay mas sayon drowingon.)
-
Unsa nga leksyon ang atong makat-unan gikan sa pagdrowing niining duha ka mga hulagway?
Ipasabut nga sa dihang gipahiuli ni Jesukristo ang Iyang Simbahan, mihatag Siya og pipila ka mga pagpadayag kon unsaon kini sa pag-organisar ug kinsa ang mangulo sa Simbahan.
-
Sa unsang paagi nga ang pagkaadunay usa ka propeta ug 12 ka mga apostoles makahatag og kahapsay sa Simbahan?
Dapita ang usa ka estudyante sa pagbasa og kusog sa Doktrina ug mga Pakigsaad 20:1–2; dayon dapita ang laing estudyante sa pagbasa og kusog sa Doktrina ug mga Pakigsaad 21:1–3. Hangyoa ang klase sa pagsunod, nga mangita sa unang mga lakang nga gihimo ni Jesukristo sa pag-establisar og kahapsay sa Iyang Simbahan.
-
Sumala ngadto niining mga bersikulo, unsa ang gibuhat sa Manluluwas sa pag-establisar og kahapsay ug sa pagtabang sa Iyang Simbahan? (Siya mitawag ni Joseph Smith isip usa ka propeta, mihatag kaniya og mga sugo, ug mihatag kaniya og direksyon kon unsaon sa pag-organisar sa Simbahan.)
I-summarize ang mga tubag sa mga estudyante pinaagi sa pagsulat diha sa pisara og Ang Dios misugo ni Joseph Smith sa pagpahiuli sa Iyang Simbahan.
-
Ngano kaha nga ang pagbaton og usa ka propeta mahinungdanon man sa pagpahiuli sa Simbahan ni Jesukristo?
Dapita ang mga estudyante sa pagpakigbahin kon sa unsang paagi nga ang ilang mga pagtuon atol sa semana nakatabang kanila nga makaangkon og mas dakong pasalamat alang kang Joseph Smith ug sa iyang tahas sa pagpahiuli sa Simbahan ni Jesukristo. Ipakigbahin ang imong pagpamatuod nga si Joseph Smith nakadawat og pagpadayag ug direksyon sa pag-establisar sa Simbahan sa Ginoo ug nga pinaagi ni Joseph Smith ang Ginoo mihatag og kahapsay sa Iyang gingharian dinhi sa yuta.
Dapita ang mga estudyante sa pagbasa og hilum sa Doktrina ug mga Pakigsaad 21:5–6, nga mangita sa tulo ka mga panalangin nga gisaad niadtong kinsa modawat sa mga pulong ni Propeta Joseph Smith inubanan sa pailub ug hugot nga pagtuo. Human sila makabasa, ipasabut nga kining mga saad magamit usab sa pagsunod sa buhi nga propeta.
-
Unsaon ninyo pag-summarize ang mga panalangin nga gisaad niadtong kinsa mopatalinghug sa mga pulong sa propeta? (Ang mosunod mao ang usa ka paagi sa pagpahayag sa baruganan: Kon mopatalinghug kita sa mga pulong sa propeta, mapanalipdan kita batok sa kaaway ug makadawat sa mga panalangin sa langit.)
-
Nganong ang pagpatalinghug (pagdawat ug pagsunod) ug dili lang pagdungog sa mga pulong sa propeta importante aron makadawat niining mga panalangin?
-
Kanus-a nga higayon nga kamo o ang inyong kaila napanalipdan batok sa kaaway pinaagi sa pagsunod sa mga pulong sa buhi nga propeta?
Hangyoa ang mga estudyante sa paghunahuna og usa ka pagtulun-an sa buhi nga propeta nga tingali kinahanglan nilang paningkamutan sa pagpaminaw o pagsunod. Awhaga sila sa pagbuhat og butang nga mabuhat kana nga pagtulun-an karon.
Isulat diha sa pisara ang mga pulong nga “ Nasayud kami nga …”.
Pahinumdumi ang mga estudyante nga ang Doktrina ug mga Pakigsaad 20 gibasa og kusog sa pipila sa unang mga komperensya sa Simbahan, nga nagsilbing pahinumdom sa mga miyembro sa bag-o nga simbahan sa daghang importanting mga kamatuoran sa ebanghelyo ni Jesukristo. Bahina ang mga estudyante ngadto sa upat ka grupo. I-assign ang matag grupo sa pagbasa og usa sa mosunod nga mga pakisayran, nga mangita sa mga doktrina nga mahimong ilakip ubos sa ulohan nga “Nakahibalo kami nga …”
Human ang mga estudyante nakabaton og panahon sa pagtuon sa ilang mga bersikulo, dapita sila sa pagreport sa mga doktrina nga ilang nahibaloan. Hangyoa ang usa ka estudyante sa paglihok isip eskriba ug mosulat niining mga kamatuoran diha sa pisara samtang ang mga sakop sa klase moila niini.
Ang mga doktrina nga nahibaloan sa mga estudyante mahimong maglakip sa mosunod:
Ang Dios buhi ug walay kinutuban, mahangturon, ug dili mabalhinon (bersikulo 17).
Gilalang kita diha sa imahe ug diha sa panagway nga sama sa Dios (bersikulo 18).
Gihatag sa Dios ang Iyang Bugtong Anak aron ilansang sa krus ug mobangon pag-usab (mga bersikulo 21–23).
Ang tanang katawhan kinahanglang maghinulsol, motuo ni Jesukristo, magpabunyag, ug molahutay diha sa pagtuo aron maluwas (mga bersikulo 25, 29).
Sa higayon nga mahuman ang mga estudyante sa paglista sa mga kamatuoran nga ilang nadiskubrihan niining mga bersikulo, hangyoa sila sa pagpili og usa nga makahuluganon ngadto nila ug nga personal nilang nahibaloan nga tinuod. Dapita ang pipila ka mga estudyante sa pagpakigbahin sa ilang pagpamatuod sa kamatuoran nga ilang gipili ug sa pagpasabut kon nganong kana nga kamatuoran importante ngadto kanila.
Tapusa pinaagi sa pagpakigbahin sa imong pagpamatuod sa mga kamatuoran nga nahisgutan karon ug ang imong pagpasalamat tungod sa pagkahimong sakop sa gipahiuli nga Simbahan sa Ginoo.
Sunod nga Unit (Doktrina ug mga Pakigsaad 24–29)
Unsa kaha kon ikahimamat nimo ang usa ka tawo kinsa dili propeta apan miangkon nga nakadawat og pagpadayag alang sa tibuok Simbahan? Sa sunod nga unit makat-unan sa mga estudyante kon giunsa pagdala ni Propeta Joseph Smith kini nga problema. Makat-unan usab nila ang mahitungod sa pipila ka mga timailhan sa Ikaduhang Pag-anhi.