Sa Dominggo, Agosto 7, 1831, nadawat ni Propeta Joseph Smith ang pagpadayag sa Doktrina ug mga Pakigsaad 59 samtang didto sa Jackson County, Missouri. Dinhi niini nga pagpadayag ang Ginoo mihan-ay sa iyang mga gipaabut alang sa mga Santos kinsa bag-ohay nga miabut sa Zion, lakip ang hustong pagbalaan sa adlaw nga Igpapahulay. Gipanghimatuod usab sa Ginoo nga kadtong kinsa nagsunod sa Iyang mga sugo makadawat og espirituhanon ug temporal nga mga panalangin.
Gihulagway sa Ginoo ang mga panalangin nga Iyang ihatag diha sa matinud-anong mga Santos sa Zion
Sa dili pa magsugod ang klase, isulat ang mosunod nga mga pangutana diha sa pisara:
Unsa kaha ang gipasabut sa paghigugma sa Ginoo sa tibuok nimong ?
Unsa ang pipila ka mga lihok o kinaiya nga imong makita sa mga tawo kinsa nahigugma sa Ginoo sa tibuok nilang kontra niadtong kinsa wala mahigugma?
Sa sinugdanan sa klase, isulat ang ngalan Polly Knight diha sa pisara. Pangutan-a ang mga estudyante unsay ilang mahinumduman mahitungod kaniya gikan sa leksyon diha sa Doktrina ug mga Pakigsaad 57. Kon nanginahanglan ang mga estudyante og tabang sa paghinumdom, dapita ang usa ka estudyante sa pagbasa sa istorya mahitungod ni Polly Knight diha sa leksyon 62.
Unsa ang inyong gidayeg mahitungod ni Polly Knight?
Sultihi ang mga estudyante nga nadawat ni Joseph Smith ang pagpadayag nga gi-rekord sa Doktrina ug mga Pakigsaad 59 sa adlaw nga namatay si Polly. Dapita sila sa pagbasa og hilum sa Doktrina ug mga Pakigsaad 59:1–2 ug sa pagpangita og mga pulong nga tingali makahuluganon ngadto sa iyang mga higala ug mga minahal. Dapita ang mga estudyante sa pagpakigbahin sa unsay ilang nadiskubrihan.
Sumala sa bersikulo 1, kang kinsa kini nga pagpadayag magamit gawas ni Polly Knight? (Ang mga Santos kinsa nagsunod sa mga sugo sa Dios uban sa bug-os nga tumong ngadto sa himaya sa Dios.) Unsa kaha ang gipasabut sa magbaton og bug-os nga tumong ngadto sa himaya sa Dios?
Dapita ang usa ka estudyante sa pagbasa og kusog sa Doktrina ug mga Pakigsaad 59:3–4, ug hangyoa ang klase sa pagpangita sa temporal ug espirituhanong mga panalangin nga gisaad ngadto niadtong kinsa nagsunod sa Ginoo uban sa bug-os nga tumong ngadto sa Iyang himaya. Hangyoa sila sa pagreport kon unsay ilang nadiskubrihan.
Sa bersikulo 4, unsa nga mga panalangin ang gisaad sa Ginoo nga tingali dili hunahunaon sa ubang mga tawo isip usa ka panalangin? (“Daghan nga mga sugo.”) Sa unsa nga paagi ang mga sugo panalangin kanato? (Samtang nagtubag ang mga estudyante niini nga pangutana, mahimo nimong isugyot nga basahon nila ang Doktrina ug mga Pakigsaad 130:20–21.)
Isulat ang mosunod nga dili kompleto nga pamahayag diha sa pisara: Kon magsunod kita sa mga sugo uban ang bug-os nga tumong ngadto sa himaya sa Dios, niana. …
Dapita ang mga estudyante sa pagkompleto sa pamahayag gamit ang ilang nakat-unan gikan sa mga bersikulo 1–4. Usa ka paagi ang mga estudyante mahimong mopahayag niini nga baruganan mao ang kon mosunod kita sa mga sugo uban ang bug-os nga tumong ngadto sa himaya sa Dios, niana kita mapanalanginan sa temporal ug sa espirituhanong paagi. Dapita ang mga estudyante sa pagpangita og dugang nga mga panig-ingnan niini nga baruganan samtang nagpadayon sila sa pagtuon niini nga pagpadayag.
Naghatag ang Ginoo og mga sugo ngadto sa mga Santos
Ipasabut nga ang Ginoo mipadayon niini nga pagpadayag pinaagi sa paghatag sa mga Santos sa Zion og daghang mga sugo. Dapita ang usa ka estudyante sa pagbasa og hilum sa Doktrina ug mga Pakigsaad 59:5, ug hangyoa ang klase sa pag-ila og usa ka sugo nga gihatag sa Ginoo sa mga Santos.
Sumala niini nga bersikulo, unsa ang gipaabut sa Ginoo sa Iyang mga Santos? (Ang mga estudyante kinahanglang moila sa mosunod nga doktrina: Kinahanglan gayud nga atong higugmaon ang Dios uban sa atong tibuok nga kasingkasing, gahum, hunahuna ug kusog.)
Ipares-pares ang klase. Pag-assign sa kada pares og usa sa mga pulong nga naghulagway kon sa unsa nga paagi kinahanglan nga atong higugmaon ang Ginoo (kasingkasing, gahum, hunahuna, kusog). Sugoa ang mga estudyante sa paggamit sa ilang gi-assign nga mga pulong aron sa pagkompleto sa mga pangutana nga imong gisulat diha sa pisara sa wala pay klase. Dapita ang usa ka estudyante sa kada pares sa pagtubag sa unang pangutana ug ang laing estudyante sa pagtubag sa ikaduhang pangutana. Human ang mga estudyante dunay igong panahon sa paghisgot niini nga mga pangutana isip pares, pagdapit og pipila ka mga estudyante sa pagpakigbahin sa ilang mga tubag diha sa klase.
Aron matabangan ang mga estudyante sa pagbati sa kamatuoran ug importansya sa sugo sa paghigugma sa Ginoo uban sa atong tibuok kasingkasing, gahum, hunahuna, ug kusog, dapita sila sa pagtubag sa usa sa mosunod nga pamahayag diha sa ilang mga scripture study journal o mga class notebook:
Ihulagway ang usa ka panahon nga inyong gibati ang dakong gugma alang sa Ginoo.
Ihulagway ang usa ka panahon sa dihang ang inyong gugma alang sa Ginoo mi-impluwensya og desisyon nga inyong nahimo.
Human sa igo nga panahon, dapita ang pipila ka mga estudyante sa pagpakigbahin sa ilang mga tubag. (Pahinumdumi ang mga estudyante nga sila kinahanglan dili mopakigbahin og mga kasinatian nga sagrado o pribado.)
Dapita ang mga estudyante sa pagbasa og hilum sa Doktrina ug mga Pakigsaad 59:6–8 ug sa pag-ila og dugang nga mga sugo nga gihatag sa Ginoo sa mga Santos niini nga panahon.
Sa unsa nga paagi kini nga mga sugo may kalabutan sa sugo sa paghigugma sa Ginoo uban sa atong tibuok nga kasingkasing, gahum, hunahuna, ug kusog?
Sa unsa nga paagi nga ang paghigugma sa atong silingan nagpakita sa atong gugma alang sa Ginoo?
Nagtudlo ang Ginoo sa mga Santos mahitungod sa adlaw nga Igpapahulay
Hatagi ang mga estudyante og mga kopya sa mosunod nga pamahayag ni Elder Mark E. Petersen sa Korum sa Napulog Duha ka mga Apostoles, o isulat kini diha sa pisara sa dili pa magsugod ang klase. (Kini nga pamahayag makita sa “The Sabbath Day,” Ensign, Mayo 1975, 49.)
“Ang atong pagbalaan o dili pagbalaan sa usa ka perpektong paagi sa pagsukod sa atong pagtagad sa Ginoo sa personal mismo ug ngadto sa iyang pag-antus sa Getsemani, sa iyang kamatayon diha sa krus, ug sa iyang pagkabanhaw gikan sa kamatayon” (Elder Mark E. Petersen).
Dapita ang mga estudyante sa pagtag-an sa mga pulong nga nangawala gikan niining pamahayag (“ang Igpapahulay”). Human sa ilang pagpakigbahin sa ilang mga ideya, ipasabut nga sa pagpadayag nga gi-rekord diha sa Doktrina ug mga Pakigsaad 59, giusab pagsulti sa Ginoo ang sugo nga makatabang sa mga Santos nga unahon ang Dios diha sa ilang mga kinabuhi ug sa paglig-on sa ilang relasyon uban Kaniya. Kini mao ang sugo nga gipasabut ni Elder Petersen. Dapita ang usa ka estudyante sa pagbasa og kusog sa Doktrina ug mga Pakigsaad 59:9–10 , ug pangutan-a ang mga estudyante sa pag-ila sa sugo nga gihatag sa Ginoo ngadto sa mga Santos.
Unsa nga sugo ang gihatag sa Ginoo dinhi niini nga mga bersikulo? (Ibalaan ang adlaw nga Igpapahulay.)
Dapita ang mga estudyante sa pagkompleto sa pamahayag ni Elder Petersen sa mga pulong ang Igpapahulay.
Sumala ni Elder Petersen, sa unsa nga paagi nga ang atong pagbalaan sa adlaw nga Igpapahulay kalabut sa atong gugma ngadto sa Ginoo ug sa Iyang Pag-ula?
Ipasabut nga diha sa bersikulo 9, misaad ang Ginoo og dakong panalangin ngadto niadtong kinsa nagtahud sa Iyang balaang adlaw. Isulat ang mosunod nga wala mahuman nga pamahayag diha sa pisara: Kon ibalaan nato ang adlaw nga Igpapahulay, kini motabang kanato …
Hangyoa ang mga estudyante sa pagribyu sa bersikulo 9 ug sa pag-ila sa saad nga gihatag sa Ginoo uban niini nga sugo.
Sumala sa bersikulo 9, sa unsa nga paagi kita mapanalanginan pinaagi sa pagbalaan sa Igpapahulay? Unsa sa imong hunahuna ang gipasabut sa pagpalayo sa atong mga kaugalingon nga “walay buling gikan sa kalibutan”?
Dapita ang mga estudyante sa pagkompleto sa pamahayag diha sa pisara naggamit sa ilang kaugalingong mga pulong. Ang mosunod maoy usa ka paagi nga ang mga etudyante mahimong mopahayag niini nga baruganan: Kon ibalaan nato ang adlaw nga Igpapahulay, kini motabang kanato sa pagsugakod sa tintasyon ug sa pagbuntog sa sala. Mahimo nimong isugyot nga markahan sa mga estudyante kini nga kamatuoran diha sa ilang mga kasulatan.
Ipasabut nga ang mga bersikulo 9–14 nagtabang kanato sa pagsabut kon unsa ang kahulugan sa pagbalaan sa adlaw nga Igpapahulay. I-assign ang kada estudyante og usa sa mosunod nga mga bersikulo sa Doktrina ug mga Pakigsaad 59:9, 10, 12, ug 13. Dapita ang mga estudyante sa pagtuon og hilum sa gi-assign nila nga mga bersikulo, mangita og mga panan-aw ngadto sa unsa nga paagi kita makabalaan sa adlaw nga Igpapahulay. Sultihi ang mga estudyante nga sila adunay oportunidad sa pagpakigbahin uban sa klase unsay ilang nadiskobre. Sa dili pa magsugod ang klase sa pagbasa sa gi-assign nila nga mg bersikulo, makatabang tingali ang pagpasabut nga ang pulong “mohatag og mga paghalad sa inyong mga pag-ampo” diha sa bersikulo 10 nagpasabut sa pagsimba o sa pagpakita sa atong gugma ug pagkamaunungon. Agi og dugang, mahimo nimong ipakita ang footnote alang sa pulong nga mga halad diha sa berikulo 12.
Human sa igong panahon, hangyoa ang usa ka estudyante kinsa nagtuon sa bersikulo 12 sa pagbasa niini og kusog. Dapita ang estudyante kinsa nagtuon niini nga bersikulo sa pagpakigbahin og mga panan-aw nga ilang nadiskobrehan mahitungod sa unsa nga paagi kita makabalaan sa adlaw nga Igpapahulay. Pagtudlo og usa ka estudyante nga mahimong tigsulat ug tiglista niini nga mga panan-aw ubos sa baruganan diha sa pisara. (Sama pananglit, sa bersikulo 9 ang mga estudyante mahimong moila nga ang pagsimba, pag-ampo, ug pag-ambit sa sakrament isip importanting mga bahin sa pagbalaan sa adlaw nga Igpapahulay.) Dapita ang mga estudyante sa pagbalik niini nga proseso sa kada nahibiling mga bersikulo.
Sa unsa nga paagi nga ang inyong mga paningkamut sa pagbalaan sa adlaw nga Igpapahulay mitabang kaninyo sa pagsagubang og tintasyon ug paglig-on kaninyo sa espirituhanong paagi?
Dapita ang mga estudyante sa pagbasa og hilum sa Doktrina ug mga Pakigsaad 59:15, nga mangita og mga pulong nga naghulagway sa kinaiya nga kinahanglang aduna kita kalabut sa adlaw nga Igpapahulay. Hangyoa ang mga estudyante sa pagpakigbahin sa mga pulong nga ilang nailhan ug sa pagpasabut kon ngano nga ang pagbaton niini nga kinaiya makatabang kanato sa pagbalaan niini.
Mub-a pag-summarize ang Doktrina ug mga Pakigsaad 59:16–19 pinaagi sa pagpasabut nga misaad ang Ginoo og temporal ug espirituhanong mga panalangin ngadto niadtong kinsa nagtahud sa Iyang balaan nga adlaw. Ipakigbahin kon sa unsa nga paagi ang pagbalaan sa adlaw nga Igpapahulay nag-impluwensya sa inyong relasyon uban sa Ginoo. Dapita ang mga estudyante sa pagsulat sa ilang mga class notebook o mga scripture study journal kon unsay ilang buhaton aron mabalaan ang adlaw nga Igpapahulay.
Ang Ginoo nagsaad og yutan-on ug mahangturong mga panalangin diha sa matinud-anon
Hangyoa ang mga estudyante sa paghanduraw nga sila mga ginikanan kinsa naghatag og gasa ngadto sa ilang mga anak. Ang pipila sa ilang mga anak kanunay nga nagpahayag og sinserong pasalamat matag panahon nga gihatagan og gasa.
Unsay gibati ninyo niana isip usa ka ginikanan? Kana ba mo impluwensya sa inyong desisyon sa paghatag og dugang pang mga gasa? Ngano?
Dapita ang usa ka estudyante sa pagbasa og kusog sa Doktrina ug mga Pakigsaad 59:20–21. Hangyoa ang klase sa pagsunod, mangita sa unsay gibati sa Dios mahitungod sa pagpanalangin kanato ug sa unsa nga paagi kita kinahanglan nga motubag Kaniya kon makadawat kita og mga panalangin.
Unsa ang gibati sa Dios mahitungod sa pagpanalangin kanato? (Kini nakapahimuot Kaniya.) Sumala sa bersikulo 21, sa unsa nga paagi kita makapasakit sa Dios? (Ang mga estudyante kinahanglang moila sa mosunod nga baruganan: Makapasakit kita sa Dios kon dili kita mopahayag sa atong pasalamat ngadto Kaniya ug mosunod sa iyang mga sugo.)
Tabangi ang mga estudyante sa pagsabut nga ang kasakit ug kasuko sa Dios nga gihulagway diha sa bersikulo 21 mga ebidensya sa Iyang gugma alang kanato. Dili siya malipay kon kita walay utang kabubut-on o masinupakon tungod kay kini nga mga kinaiya nagpalayo kanato Kaniya.
Ngano sa inyong hunahuna kini nagdaut sa atong relasyon sa Dios kon kita dili magpasalamat Kaniya alang sa mga panalangin nga atong nadawat gikan Kaniya?
Sa unsa nga paagi kini nga kamatuoran dunay kalabutan sa baruganan nga giila sa sayo pa mahitungod sa pagbalaan sa adlaw nga Igpapahulay?
Dapita ang usa ka estudyante sa pagbasa og kusog sa Doktrina ug mga Pakigsaad 59:23–24. Hangyoa ang klase sa pagsunod, mangita sa mga panalangin nga gisaad sa Ginoo ngadto niadtong kinsa nagsunod sa iyang mga sugo.
Sa unsa nga mga paagi nga ang pagpuyo sa mga kamatuoran nga atong giila dinhi niini nga pagpadayag midala og kalinaw sa inyong kinabuhi.
Taposa pinaagi sa pagdapit sa mga estudyante sa pagpamalandong sa daghang mga paagi ang Dios nagpanalangin kanila tungod sa pagsunod sa Iyang mga sugo ug sa mga paagi diin dili sila makapakita sa ilang pagpasalamat ngadto Kaniya.
Ang pagpadayag nga gi-rekord diha sa Doktrina ug mga Pakigsaa 59 mao ang unang pagpadayag nga gi-rekord niini nga dispensasyon diin ang Ginoo mihatag og piho nga mga panudlo sa pagbalaan sa adlaw nga Igpapahulay. Gitumong sa Ginoo ang pagpadayag ngadto sa mga Santos kinsa magatukod sa siyudad sa Zion. Kini nga mga Santos mipuyo duol sa ubang mga namuyo sa Jackson County, kinsa daghan ang misunod sa kalibutanong kinabuhi ug wala mosunod sa pagbalaan sa adlaw nga Igpapahulay, nagpili hinoon sa pag-apil sa nagkalain-laing matang sa kalingawan.
Gipasabut ni Elder Dallin H. Oaks sa Korum sa Napulog Duha ka mga Apostoles kon sa unsa nga paagi ang pag-ambit sa sakrament makatabang kanato sa pagpabiling walay buling gikan sa kalibutan:
Imahe
Elder Dallin H. Oaks
“Nagpuyo kita sa malisud nga mga panahon nga gipanagna ni Apostol Pablo (tan-awa sa 2 Timoteo 3:1). Kadtong kinsa naningkamut sa paglakaw sa tul-id ug pig-ot nga dalan nakakita sa madanihong mga likoanan sa tanang dapit. Mahimo kitang malinga, maulawan, mahiubos, o maguol. Unsaon nato sa pagbaton sa, Espiritu sa Ginoo aron sa paggiya kanato sa atong mga pagpili ug sa pagpabilin kanato diha sa dalan?
“Sa modernong pagpadayag gihatag sa Ginoo ang tubag niini nga sugo
“‘Ug nga kamo mahimo unta nga labaw nga moamping sa inyong mga kaugalingon nga walay buling gikan sa kalibutan, ug kamo moadto sa balay alampoanan ug mohalad sa inyong mga sakramento diha sa akong balaan nga adlaw;
“‘Kay sa pagkatinuod kini mao ang adlaw nga gitudlo ngadto kaninyo sa pagpahulay gikan sa inyong mga kahago, ug mohatag og mga paghalad sa inyong mga pag-ampo ngadto sa Labing Halangdon’ (D&P 59:9–10).
“Kini usa ka sugo nga may saad. Pinaagi sa pag-apil sa senemana ug angay nga paagi sa ordinansa sa sakrament kita makasarang alang sa saad nga kita ‘sa kanunay makabaton sa iyang Espiritu uban [kanato]’ (D&P 20:77). Kana nga Espiritu mao ang sukaranan alang sa atong pagpamatuod. Kini nagpamatuod sa Amahan ug sa Anak, nagdala sa tanang mga butang ngadto sa atong panumduman, ug naggiya kanato ngadto sa kamatuoran. Kini mao ang kompas nga naggiya kanato diha sa atong dalan. Kini nga gasa sa Espiritu Santo, gitudlo ni President Wilford Woodruff, ‘mao ang labing dako nga gasa nga ikahatag diha sa tawo’ (Deseret Weekly, Abr. 6, 1889, 451). …
“Sa unsa nga paagi nga kita makahimong makabaton sa Espiritu sa Ginoo aron sa paggiya sa atong mga pagpili nga kita makahimo nga ‘magpabilin nga walay buling gikan sa kalibutan’ (D&P 59:9) ug diha sa luwas nga dalan lahus sa pagkamortal? Kita kinahanglan nga makasarang alang sa makapahinlo nga gahum sa Pag-ula ni Jesukristo. Atong buhaton kini pinaagi sa paghupot sa Iyang sugo sa pagduol ngadto Kaniya uban sa masulub-on nga kasingkasing ug usa ka mahinulsulon nga espiritu ug niana nga maanindot nga senemana nga miting moambit sa mga timaan sa sakrament ug mohimo sa mga pakigsaad nga makasarang kanato alang sa bililhon nga saad nga kita kanunay makabaton sa Iyang Espiritu uban kanato (tan-awa sa D&P 20:77)” (“Ang Miting sa Sakrament ug ang Sakrament,”Liahona, Nob. 2008, 17, 20).