96-р хичээл
Aлмa 39
Оршил
Үйлчлэлээ орхиод бэлгийн харьцааны нүгэл үйлдсэн, замаа алдсан хүү Кориантоноо Алма зэмлэжээ. Алма Кориантонд хийсэн үйлдлийнх нь ноцтой байдлыг анхааруулаад түүнийг ийм ноцтой нүгэл үйлдсэнд нь гутарч байгаагаа илэрхийлсэн. Алма хүүдээ нүдээрээ нүглийн хойноос шунахаа орхиж, наманчлахыг тушаав. (Кориантонд бусад сэдвээр Алмагийн өгсөн зөвлөгөө 40–42-р бүлгүүдэд үргэлжилдэг.)
Заах зөвлөмж
Алма 39:1–8
Алма хүү Кориантондоо бэлгийн харьцааны нүглийн ноцтой байдлыг тайлбарласан нь
Дараах асуултыг самбар дээр бич: Зарим нүгэл нь яагаад бусдаасаа илүү ноцтой байдаг вэ?
Суралцагчдыг энэ асуултын хариултуудыг чимээгүй бодож үзэхэд урь. Алма 39-д цэдэглэгдсэн Алмагийн зөвлөгөө зарим гэм нүглийн ноцтой байдлыг ойлгоход тусалж чадна гэдгийг суралцагчдад зөвлө.
Суралцагчдыг 39-р бүлгийн гарчгийн дээрх тайлбарыг уншихад урь. Тэднийг энэ бүлэгт хэн ярьж байгааг бас тэр хэнд хандан ярьж байгааг мэдэхийг хүс (Алма хүү Кориантондоо хандан ярьж байна). Кориантон ах Шиблон, Алма хоёртой хамт сайн мэдээг номлохоор зорамчуудын дунд очсон ч ноцтой нүгэл үйлдсэнийг тайлбарла. Кориантон ямар буруу зүйл хийснийг ойлгох нь энэ бүлэг болон дараагийн гурван бүлэгт түүнд өгсөн Алмагийн зөвлөгөөг илүү сайн ойлгоход нь тусална гэдгийг онцлон хэл.
Нэг суралцагчийг Алма 39:1–5-ыг чанга уншихад урь. Кориантон ямар буруу зүйл хийснийг олж мэдэхийг суралцагчдаас хүс. (Та 3-р шүлэгт байгаа янхан гэдэг үг нь ёс суртахуунгүй буюу садар самууныг үйлдэгч эмэгтэй гэдгийг тайлбарлах хэрэгтэй байж болно.)
-
Кориантон ямар буруу зүйл хийсэн бэ? Түүний үйлдсэн нүглүүдээс аль нь хамгийн ноцтой байсан бэ? (Бэлгийн харьцааны ёс суртахуунгүй явдал)
-
Кориантон өөрийн хүч чадал, мэргэн ухаанаар зорамчуудын дунд бардамнан сагсуурч байлаа (Aлмa 39:2-ыг үзнэ үү). Бардам зан ямар байдлаар бэлгийн харьцааны ёс суртахуунгүй байдал зэрэг ноцтой нүглүүдэд хөтөлдөг вэ? Хүмүүсийг бэлгийн харьцааны нүгэл үйлдэхэд хүргэдэг бардам зангийн орчин үеийн зарим жишээ юу вэ? (Суралцагчдыг эдгээр асуултыг ярилцах үед хүмүүс бардамнаж сагсуурсан үедээ хүч чадлаа, түүний дотор уруу таталтыг эсэргүүцэх чадвараа хэтрүүлэн үнэлдгийг онцлон хэл. Үүний орчин үеийн зарим жишээ гэвэл зохих наснаас эрт болзох, нэг хүнтэй хэтэрхий олон удаа болзох явдал юм.)
Суралцагчдыг бэлгийн харьцааны нүглийн ноцтой байдлыг Алма хэрхэн тайлбарласныг олж мэдэхийг хичээн, Алма 39:5-ыг дор бүрнээ чимээгүй уншихыг хүс. (Жигшүүрт хэрэг гэдэг үг нь гэм нүгэлтэй, хилэнцэт эсвэл муу муухай ямар нэг зүйлийн тухай өгүүлж байгааг хэлэх нь тустай байж болно.)
-
Их Эзэн бэлгийн харьцааны нүглийн талаар ямар бодолтой байдаг вэ? (Суралцагчдыг хариулах үед тэдэнд бэлгийн харьцааны нүгэл нь Их Эзэний мэлмийд жигшүүрт хэрэг гэсэн үнэнийг олж мэдэхэд нь тэдэнд тусал)
-
Завхайрал ба садар самуун нь ноцтой байдлаараа яагаад хүн амины хэргийн дараа ордог гэж та боддог вэ?
Бэлгийн харьцааны цэвэр ариун байдлын талаарх Их Эзэний жишиг болон амлалтуудыг ойлгоход нь суралцагчдад туслахын тулд Залуучуудын бат бөх байдлын төлөө товхимол дахь “Бэлгийн харьцааны цэвэр ариун байдал” хэсгийн эхний хоёр догол мөрийг дор бүрнээ чимээгүй уншихад суралцагчдыг урь. Тэднийг унших үед дараах асуултын хариултыг олохыг хүс. (Та энэ асуултыг самбар дээр бичиж болно. Олсон хариултаа товхимол дээр тэмдэглэхийг та тэдэнд санал болгож болно.)
-
Бэлгийн харьцааны хувьд цэвэр ариун байдлаа хэвээр хадгалахын ашиг тус юу вэ?
Уншаад, олж мэдсэн хариултуудаа ярилцах цагийг суралцагчдад гаргаж өгсний дараа, тэднийг “Бэлгийн харьцааны цэвэр ариун байдал”-ын үлдсэн хэсгийг дараах асуултад хариулт олж мэдэхийг хичээн, дор бүрнээ чимээгүй уншихыг хүс.
-
Их Эзэний бидэнд тогтоож өгсөн бэлгийн харьцааны цэвэр ариун байдлыг сахих ямар жишгүүд байдаг вэ?
Тэдний уншсан зүйлээс нь ямар захиасыг Их Эзэн тэдэнд мэдүүлэхийг хүсэх болно гэдгийг мэдэрснээ эргэцүүлэн бодоход суралцагчдыг урь. Бэлгийн харьцааны нүглийн ноцтой байдлын тухай мөн бэлгийн харьцааны цэвэр ариун байдлаас ирдэг адислалуудын тухай гэрчил.
Алма эмзэг асуудлын талаар хүүтэйгээ зөвлөлдсөнөөр эцгийн үүргээ биелүүлснийг онцлон тэмдэглэ. Бэлгийн харьцааны цэвэр ариун байдлын талаарх эцэг, эхийн эсвэл Сүмийн удирдагчдын өгсөн зөвлөгөөнд суралцагчид хэрхэн хариулж болох талаар бодохыг тэднээс хүс. Бэлгийн харьцааны нүглийн ноцтой байдлын тухай Кориантонд заасан Алмагийн зорилгыг олж мэдэхийн тулд Алма 39:7–8-ыг дор бүрнээ чимээгүй уншихад тэднийг урь.
-
Нүглийнх нь ноцтой байдлыг Кориантонд заах ямар шалтгаан Алмад байсан бэ? (Бурханы өмнө гэм нүгэлгүй байхын тулд наманчлахад нь Кориантонд туслах)
-
Хэн нэг нь биднийг наманчлахыг урих үед бид хэрхэн хариулах ёстой вэ?
Эцэг, эхчүүд Алмагийн нэгэн адил хүүхдүүдээ нүглээ наманчлахыг яагаад урьдгийг ойлгоход нь суралцагчдад туслахын тулд Арванхоёр Төлөөлөгчийн Чуулгын ахлагч Д. Тодд Кристоффэрсоны хэлсэн дараах үгсийг унш:
“Наманчлахыг урих нь хайрын илрэл юм. … Хэрэв бид бусдыг өөрчлөгдөхөд урих эсвэл өөрсдөөсөө наманчлахыг шаардахгүй байх аваас нэг нэгнийхээ мөн өөрөө өөрийнхөө өмнө хүлээсэн үндсэн үүргээ биелүүлж чадахгүй болно. Гэм нүглийг зөвшөөрсөн эцэг, эх, өөгшүүлсэн найз, эмээсэн Сүмийн удирдагч үнэндээ өөрсдийнхөө тусалж чадах хүмүүсийн сайн сайхан, аз жаргалын төлөө санаа тавихын оронд өөрсдийнхөө төлөө илүүтэй санаа тавьдаг. Тийм ээ, хэн нэгнийг наманчлалд дуудах нь тэсэшгүй эсвэл гутаан доромжилсон бүр эсэргүүцэн өсөрхсөн мэт байж болох ч Сүнсээр удирдагдсан үед жинхэнэ үнэнч шударга халамж юм” (“Наманчлалын бурханлаг бэлэг,” Ensign эсвэл Лиахона, 2011 оны 11-р сар, 45).
Aлмa 39:9–19
Алма Кориантоныг наманчлахад урамшуулан дэмжсэн нь
Хүүдээ өгсөн хэрхэн наманчлах болон Их Эзэн рүү эргэх тухай Алмагийн зөвлөгөөг танилцуулахын тулд самбар дээр дараах гүйцэд биш өгүүлбэрийг бич: Наманчлалд … багтдаг
Алма 39:9–13-ыг чанга уншихад цөөн суралцагчийг урь. Шүлэг бүрийн хооронд түр зогсоод суралцагчдаас дараах асуултуудыг асуу:
Aлмa 39:9
-
“Нүглүүдээ орхих” гэдэг нь юу гэсэн үг вэ? (Нүгэл үйлдэхээ болих)
-
“Нүдээрээ шунасныхаа араас дахин бүү яв,” “эдгээр бүх зүйлийг өөртөө хоригло” гэсэн өгүүлбэрүүд нь нүглээ орхихтой ямар хамаатай вэ? (Өнөө үед “нүдээрээ шунах” гэдэг нь ямар нэгэн байдлаар порнографыг харуулсан дүрс болон үзвэр үйлчилгээг хэлж байгааг тайлбарлах нь тустай байж болно. Порнографын аюулыг онцлон тэмдэглэхийн тулд Залуучуудын бат бөх байдлын төлөө товхимлын 12-р хуудас дахь энэ сэдвээр өгсөн зөвлөгөөг уншихыг суралцагчдаас хүс. Та мөн “өөртөө хоригло” гэсэн хэллэг нь хянуур байдал эсвэл өөрийгөө хянах гэсэн утгатайг тайлбарла; зүүвэр тайлбар 9б-г үзнэ үү.)
-
Хожмын үеийн залуу гэгээнтнүүд бэлгийн харьцааны цэвэр ариун байдлын хувьд хянуур байж, нүдээрээ шунасныхаа араас явахаас зайлсхийх ямар аргууд байдаг вэ? (Суралцагчдад энэ асуултыг илүү тодорхой ярилцахад нь туслахын тулд та суралцагчдынхаа соёл, ёс заншилтай холбоотой зарим нөхцөлийг дүрслэхийг хүсч болно. Жишээ нь, та дараах өгүүлбэрийг эсвэл үүнтэй адил төстэй өгүүлбэрийг хэлж болно: Хожмын үеийн гэгээнтэн залуу эмэгтэй “өөртөө хориглохоор” шийдсэн ч таалагддаг нэг залуу нь түүнийг зохисгүй үдэшлэгт урьжээ. Тэр хэрхэн хариулах ёстой вэ?)
Алма 39:9 нь төгс эзэмших судрын хэсэг гэдгийг онцлон хэл. Суралцагчид хожим нь судрын энэ хэсгийг амархан олохын тулд үүнийг судартаа тэмдэглэхийг санал болгож болно.
Aлмa 39:10
-
Эцэг эх, Сүмийн удирдагчид, төрсөн ах дүү эсвэл найдаж болох найз нөхдөөсөө сүнсний тэжээл эрэлхийлэх нь ямар арга замаар бидэнд наманчлахад туслах вэ?
Aлмa 39:11
-
“Өөрийгөө … удирдуулахыг бүү тэвч” гэдэг нь юу гэсэн утгатай вэ? (Тэвч гэдэг нь зөвшөөр гэсэн утгатайг та тайлбарлах хэрэгтэй байж болно.)
-
Өнөөдөр хүмүүсийг удирдаж байгаа нь та нарт харагддаг зарим “хоосон буюу мунхаг” зүйлс юу байдаг вэ?
Aлмa 39:12
-
Алдсуудаасаа түдгэлзэх гэдэг нь юу гэсэн утгатай вэ? (Нүглээс зайлсхийх)
Aлмa 39:13
Наманчлал гэдэг нь “зүрх сэтгэлээ Бурханы хүсэлд хандуулах” гэсэн утгатайг тайлбарла (Судруудын удирдамж, “Наманчлал”-ыг үзнэ үү). Судруудад “Их Эзэнд хандах” гэдэг хэллэг нь ихэнхдээ наманчлалыг илэрхийлдэг.
-
“Өөрийн бүх оюун, хүч мөн чадлаараа Их Эзэнд хандах” гэдэг нь юу гэсэн утгатай гэж та бодож байна вэ?
Зорамчуудад үйлчлэх үедээ Кориантоны биеэ авч явах байдал зарим хүнийг Алмагийн үгэнд итгэхгүй байхад хүргэснийг суралцагчдад сануул (Алма 39:11-ийг үзнэ үү).
-
Бидний нүгэл бусдад нөлөөлсөн бол бид наманчлалын хэсэг болгон юу хийх ёстой вэ? (Гомдоосон хүмүүстээ буруугаа хүлээж, тэдэнд учруулсан хохирлыг барагдуулахыг хичээх)
Дараах үнэнийг самбар дээр бич: Гэм нүглээ хүлээн зөвшөөрч, орхин бүх оюун ухаан, хүч чадлаараа Их Эзэн рүү эргэх нь наманчлал юм. Та суралцагчдад энэ үгсийг Алма 39:13-ын дэргэд судар дээрээ тэмдэглэхийг санал болгож болно. Зүрх сэтгэл, хүсэл бодлоо Их Эзэн рүү илүү бүрэн эргүүлэхийн тулд Тэрээр суралцагчдаас юу хийлгэхийг хүсдэг гэж боддог талаараа дэвтэр эсвэл судар судлах тэмдэглэлдээ бичихэд тэднийг урь.
Наманчлалын үйл явц дахь Аврагчийн үүргийг онцлон тэмдэглэхийн тулд нэг суралцагчаас Алма 39:15–16, 19-ийг чанга уншихыг хүс. Эдгээр шүлэгт гурван удаа давтагдсан хэллэгийг олохыг суралцагчдаас хүс. (Уг хэллэг нь “баярт мэдээ” бөгөөд энэ нь “сайн мэдээ” гэсэн утгатайг та тайлбарлахыг хүсч болно.)
-
Алма ямар “баярт мэдээ”-г хүүдээ заасан бэ? (Суралцагчдын хариултуудад Есүс Христ дэлхийн нүглүүдийг өөр дээрээ авахаар ирсэн гэсэн үнэн байх ёстой. Та үүнийг самбар дээр бичихийг хүсч болно.)
-
Есүс Христийн ирэлт яагаад Кориантонд сайн мэдээ болсон бэ? (Суралцагчдыг энэ асуултад хариулах үед та тэдэнд Кориантон хожим нүглүүдээ наманчлаад эргээд номлогч болсныг хэлэхийг хүсч болно [Алма 49:30-ийг үзнэ үү].)
Есүс Христийн Цагаатгалын захиас нь танд эсвэл таны таньдаг хүмүүст хэрхэн “баярт мэдээ” болж байгааг ангийнхантай хуваалцахыг бод. Алма 39-өөс ангийнхны ярилцсан зарчмуудын талаарх өөрийн гэрчлэлийг нэмж хэл. Суралцагчдыг хичээлийн үеэр хүлээн авсан цэвэр ариун байдлаа хадгалах болон наманчлалаар дамжуулан Их Эзэн рүү эргэх сүнсний өдөөлтүүдийг дагахад урамшуулан дэмж.
Төгс эзэмших судар—Алма 39:9
Суралцагчдыг дөрөв эсвэл таван бүлэг болгон хуваарил. Бүлэг бүрд зургаан талт шоо, харандаа өг. (Хэрэв шоо олох боломжгүй бол нэгээс зургаа хүртэл тооны аль нэгийг бичсэн жижиг цаасуудыг дугтуйнд эсвэл саванд хийж үйл ажиллагааг өөрчилж болно.) Суралцагч бүрд бас хуудас цагаан цаас хэрэгтэй. Бүлэг бүр хоорондоо ойрхон, ширээ тойрч суух эсвэл зогсох хэрэгтэй. Тэднийг Алма 39:9-ийг нээхэд урь.
Үйл ажиллагааны зорилго нь бүлгүүдээс аль нэг нь Алма 39:9-ийг түрүүлж бүтнээр нь бичих явдал гэдгийг тайлбарла. Гэвч, бүлэгт ганцхан харандаа байгаа учраас нэг ээлжинд бүлгээс зөвхөн нэг хүн бичих боломжтой. Тухайн хүн шоон дээр нэгийг буулгасан бол харандааг ашиглах эрхтэй болно.
Бүлгийн гишүүн бүрээр шоог ээлж дараалан хаяул (эсвэл нэг цаас сугалаад буцааж хийж болно). Тухайн хүн шоогоор нэгийг буулгавал (эсвэл сугалбал), харандааг аваад бичиж эхлэх бөгөөд бичихдээ үг бүрийг чанга хэлнэ. Энэ үед бүлгийн бусад гишүүн харандааг ашиглах боломжтой болохын тулд шоог ээлж дараалан хаяна. Бүлгээс өөр нэг суралцагч нэгийг буулгавал өмнөх бичигчээс харандааг авч шүлгийг цаасан дээр бичнэ. Өмнөх бичигч шоог хаяхын тулд бүлгийн бусад гишүүнтэй нэгдэнэ. Суралцагчид харандаа авах эрхийг олж, өөрсдийн шүлгийн хэсгийг цаасан дээр бичсэн бол шүлгээс нэмж бичихээсээ өмнө бичсэн хэсгээ чанга унших ёстой. (Ийм давталт нь шүлгийг чээжлэхэд суралцагчдад тусална.) Үйл ажиллагаа нь бүлэг бүрээс нэг суралцагч Алма 39:9-ийг бүхэлд нь бичсэнээр дуусна.
Үйл ажиллагааны дараа уг шүлгийг нийтээрээ чанга давтан хэлэхийг суралцагчдаас хүс.
Тайлбар: Та энэ хичээлийн сэдэв, үргэлжлэх хугацааг харгалзан, нэмэлт цагтай өөр өдөр энэ үйл ажиллагааг ашиглаж болно.
Тайлбар болон нөхцөл байдлын талаарх мэдээлэл
Aлмa 39:3. Бэлгийн харьцааны нүглийн үр дагаврууд
Арванхоёр Төлөөлөгчийн чуулгын ахлагч Жэффри Р.Холланд бэлгийн харьцааны нүглийн ноцтой байдал болон үр дагавруудын тухай ийн хэлжээ:
“Бурхан бүх хүмүүст өгөгдсөн бие махбодын дур хүслийг ийм нухацтай байдлаар тогтоосноор бүх эрэгтэй, эмэгтэйчүүд бидэнд зориулсан Түүний төлөвлөгөөнд үүний эзлэх байр суурийн талаар юу хэлэхийг хүсч байна вэ? Тэрбээр амьдралын төлөвлөгөөний тухай тайлбарласан— зүйлээ эдүгээ нэг бүрчлэн биелүүлж байгааг би та нарт толилуулж байна. Мөнх бус байдлын талаарх Түүний хамгийн агуу асуудлуудын дунд хүн энэ дэлхийд хэрхэн ирж мөн дэлхийг хэрхэн орхин явдаг нь тодорхой юм. Тэрбээр эдгээр асуудлууд дээр хатуу хязгаарлалтуудыг тогтоосон юм.
Бие бол бодгалийн амин чухал хэсэг мөн. Хожмын үеийн гэгээнтнүүдийн энэхүү онцгой, маш чухал сургаал бэлгийн харьцааны нүглийн ийм ноцтой байх шалтгааныг онцгойлон авч үздэг. Бид Бурханаар өгөгдсөн өөр хүний биеийг бурханлаг зөвшөөрөлгүйгээр ашигласан хүн уг өөр хүний бие махбодыг хүчирхийлээд зогсохгүй Ерөнхийлөгч Боид К.Пакэрын нэгэнтээ хэлснээр амьдралд ‘түлхүүр’ нь болсон амьдралын гол зорилго ба үйл явцыг урвуулан ашиглаж байгааг мэдэгдэж байна [Ensign, 1972 оны 7-р сар, 113-ыг үзнэ үү]. Бусдын бие махбодыг ашиглахтай агаар нэгэн—өөр хүний бие махбодыг ашиглаж буй хүн— тэрхүү бодгалийг аварсан бөгөөд мөнх амьдралын бэлгийг боломжтой болгосон Христийн Цагаатгалыг бузарлаж байгаа хэрэг юм. Хэрэв хүн Зөв Шударгын Хүүг доромжилбол тэр хүн үд дундын нарнаас ч халуун ариун гал руу алхан орно. Та ингэсэн бол шатаагдахгүй өнгөрнө гэж байхгүй.
“‘Энэ чинь хэнд хор хүргэх юм бэ? Яагаад надад жаахан ч гэсэн эрх чөлөө байж болдоггүй юм бэ? Би одоо нүгэл үйлдсэн ч дараа нь наманчилчихаж болно шүү дээ’ гэж хэзээ ч бүү хэл. Хэзээ ч ийм тэнэг, ийм балмад бүү бай. Та нар шийтгүүлэхгүйгээр ‘Христийг дахин цовдолж чадахгүй.’ [Еврей 6:6-г үзнэ үү.] ] ‘Садар самуун явдлаас зугт’ хэмээн Паул чанга дуугаар тунхагласан бол [1 Коринт 6:18-ыг үзнэ үү], ‘энэ мэт ямар ч зүйлээс’ зугт хэмээн Сургаал ба Гэрээ үүн дээр нэмдэг [C ба Г 59:6-г үзнэ үү; онцлон тэмдэглэлт нэмэгдсэн]. Яагаад? За яахав, бид зугтаж чадахын тулд Дэлхийн Аврагчийн бие, сүнс аль алинаар нь тэвчсэн дүрслэхийн аргагүй зовлон шаналалын нэгэн шалтгаан бий [ялангуяа C ба Г 19:15–20-ийг үзнэ үү]. Бид үүнийх нь төлөө Түүнд өртэй хүмүүс. Үнэндээ, бид үүнийх нь төлөө Түүнд бүх зүйлээр өртэй. ‘Та нар та нарынх биш’ гэж Паул хэлсэн билээ. ‘Та нар үнээр худалдан [авагдсан] юм. Тиймээс [Бурханых болох сүнсээрээ мөн] биеэрээ Бурханыг алдаршуулагтун.’ [1 Коринт 6:19–20; онцлон тэмдэглэлт нэмэгдсэн; мөн шүлэг Бэлгийн харьцааны нүгэл үйлдэхэд бие, сүнс хоёрын нэгдэл болох бодгальд аюул учирдаг.
“ Янаглал хэмээх хүмүүний хэтэрхий дотно харилцааг та нар азнах ёстой! Та юм бүхнээ өгөх хүртлээ хүлээх ёстой бөгөөд албан ёсоор, хуулийн дагуу гэрлэх хүртлээ бүхнээ өгч болохгүй. Өөрийнхөө биш юмыг (‘та нар та нарынх биш’ гэдгийг санагтун) бусдад хууль бусаар өгөх, өөрийгөө бүхэлд нь өгч болохгүй тохиолдолд биеийнхээ зөвхөн нэг хэсгийг өгнө гэдэг сэтгэл санааны хувьд сүйрүүлэгч үр дагавартай юм. Хэрэв та бурханлаг зөвшөөрөлгүйгээр бие махбодынхоо хүсэл таашаалд автагдаж, махан биеийн халуун янаглалд бууж өгвөл бие махбодын дотно харилцаа болон хожим нь амьдралын ханьтайгаа учраад чин үнэнч хайраа түүнд өгөх чадвараа хоёуланг нь сулруулж мэдэх сүнслэг байдал ба сэтгэл санааны аймшигт сүйрлийг амсаж мэднэ. Та тэрхүү дээрээс томилогдсон хайр, ханийн барилдлагааг жинхэнэ ёсоор мэдэрсэн агшинд нандигнаж, хайрлан хамгаалж байх ёстой онгон зүйлээ нэгэнт алдсаныг мэдэх нь хэчнээн аймшигтайг ухаарч, хайхрамжгүйгээсээ болж алдсан ариун нандин зүйлийг нь гагцхүү Бурханы нигүүлсэл алгуураар, бага багаар сэргээж чадахыг ойлгох болно. Хуримынхаа өдөр мөнхийн ханьдаа барих хамгийн сайхан бэлэг бол бие махбод, сэтгэлийн тань ариун онгон байдал бөгөөд мөнхийн ханиасаа ч мөн үүнийг хүсэн хүлээхээр зохистой байх явдал юм” (“Personal Purity,” Ensign, 1998 оны 11-р сар, 76–77).
Aлмa 39:6. Уучлагдашгүй нүгэл гэж юу вэ?
Бошиглогч Иосеф Смит уучлагдашгүй нүглийн тухай дараах мэдлэгийг бидэнд өгсөн юм:
“Ариун Сүнсний эсрэг нүглээс бусад бүх нүгэл уучлагддаг, учир нь Есүс мөхлийн хөвгүүдээс бусад бүх хүмүүсийг аврах болно. “Хүн юу хийснээрээ уучлагдашгүй нүглийг үйлддэг вэ? Тэрээр Ариун Сүнсийг хүлээж аван, тэнгэр түүнд нээгдэж, Бурханыг мэддэг болсны дараа Түүний эсрэг нүгэл үйлддэг. Хүн Ариун Сүнсний эсрэг нүгэл үйлдсэний дараа түүнд наманчлал гэж байдаггүй. Тийм хүн нарыг харж байгаа атлаа энэ чинь гэрэлтэхгүй байна гэдэг; тэнгэр өөрт нь нээгдсэн ч Есүс Христийг эсэргүүцдэг; нүд нь энэхүү үнэнд нээлттэй байсаар атал авралын төлөвлөгөөг үгүйсгэдэг; мөн энэ цагаас эхлэн тэр дайсан болдог. Энэ бол Есүс Христийн Хожмын Үеийн Гэгээнтнүүдийн Сүмийн олон урвагчдын жишээ юм” (History of the Church, 6:314).
Ариун Сүнсний гэрчлэлийг хүлээн аваад унасан эсвэл сүмд идэвхгүй болсон хүмүүс уучлагдашгүй нүглийн гэмтэй биш юм.
Aлмa 39:13. Наманчлал: “Их Эзэнд хандах”
Арванхоёр Төлөөлөгчийн чуулгын ахлагч Нийл Л.Андэрсэн наманчлалыг Их Эзэнд хандах явдал хэмээн дүрсэлжээ:
Бид нүгэл үйлдсэн үед Бурханаас нүүр буруулдаг. Харин нүглээ наманчилсан үед Бурхан руу эргэдэг.
“Наманчлалын урилга шүүмжлэх дуу хоолой байх нь ховор, харин нүгэлт замаасаа буцаж, Бурхан руу ‘дахин эргэх’ хайрын урилга байдаг” (“Наманчил … Би та нарыг эдгээж болохын тулд,” Ensign эсвэл Лиахона, 2009 оны 11 сар, 46).
Aлмa 39:15. Есүс Христ дэлхийн нүглүүдийг зайлуулна
Арванхоёр Төлөөлөгчийн чуулгын ахлагч Д. Тодд Кристоффэрсон биднийг Цагаатгалын адислалуудыг хэрхэн авах талаар ийнхүү тайлбарлажээ:
“Зөвхөн наманчлал биднийг илүү сайн амьдрал руу хөтөлдөг. Мэдээж зөвхөн наманчлалаар дамжуулан бид Есүс Христийн цагаатгагч сүр жавхлан болон авралыг хүлээн авах боломжтой. Наманчлал нь бурханлаг бэлэг бөгөөд бид наманчлалын талаар ярихад бидний нүүрэнд инээмсэглэл тодрох ёстой. Наманчлал нь биднийг эрх чөлөө, итгэлтэй байдал, амар амгалан руу хөтөлдөг. Наманчлалын бэлэг нь жинхэнэ баяр баясгалангийнбөгөөд баяр баясгаланг төгсгөж, зовлон авчрах зүйл ердөө ч биш.
“Наманчлал зөвхөн Есүс Христийн Цагаатгалаар боломжтой болдог. Энэ нь ‘мөн хүмүүнд, тэд наманчлалд итгэлтэй байх тэр замыг авчрах’ Түүний хязгааргүй золиослол юм (Aлма 34:15). Наманчлал нь гарцаагүй хийгдэх ёстой зүйл бөгөөд Христийн нигүүлсэл бол түүгээр ‘шударга ёсны шаардлагыг хангах’ хүч юм (Алма 34:16). …
“… Наманчлал нь туйлын зорилго болон хэцүү байсан ч гэсэн цөхрөлтгүй оролдох хүсэл тэмүүлэлийг шаарддаг. Наманчлалын онцгой үе шатуудын жагсаалт гаргахыг оролдох нь заримд нь тустай байж болох ч энэ нь бас л өөрийн мэдэлгүй механик байдалд хөтөлж мэднэ. Үнэн наманчлал нь өнгөцхөн зүйл биш. Их Эзэн наманчлалын талаар хоёр чухал зүйлсийг хэлсэн юм: ‘Хүн нүглүүдээ наманчилдаг эсэхийг та нар үүгээр нь мэдэж болно—болгоогтун, тэрээр тэдгээрийг хүлээж мөн орхих болно’ (C ба Г 58:43)” (“Наманчлалын бурханлаг бэлэг,” Ensign эсвэлЛиахона, 2011 оны 11- сар, 45).