មេរៀនសិក្សានៅផ្ទះ
នីហ្វៃទី 2 26–31 ( មេរៀនទី 8 )
ការរៀបចំសម្ភារសម្រាប់គ្រូបង្រៀននៅផ្ទះ
សេចក្ដីសង្ខេបនៃមេរៀនការសិក្សានៅផ្ទះប្រចាំថ្ងៃ
សេចក្ដីសង្ខេបខាងក្រោមនៃគោលលទ្ធិ និង គោលការណ៍ដែលសិស្សបានរៀន នៅពេលពួកគេសិក្សាក្នុង នីហ្វៃទី 2 26–31 ( មេរៀនទី 8 ) មិនមែនមានបំណងដើម្បីត្រូវបានបង្រៀនជាផ្នែកមួយនៃមេរៀនរបស់អ្នកនោះទេ ។ មេរៀនដែលអ្នកបង្រៀន ផ្ដោតតែលើគោលលទ្ធិ និង គោលការណ៍ពីរបីទាំងនេះទេ ។ សូមធ្វើតាមការបំផុសគំនិតនៃព្រះវិញ្ញាណ នៅពេលអ្នកគិតអំពីតម្រូវការនៃសិស្សរបស់អ្នក ។
ថ្ងៃទី 1 ( នីហ្វៃទី 2 26–27 )
សិស្សបានសិក្សាពីការព្យាករណ៍ទាំងឡាយរបស់នីហ្វៃដែលទាក់ទងនឹងថ្ងៃចុងក្រោយ ។ ពួកគេបានដឹងថា អ្វីៗដែលព្រះអម្ចាស់ធ្វើ គឺដើម្បីជាប្រយោជន៍ដល់ពិភពលោក ហើយថាព្រះអម្ចាស់ទ្រង់ស្រឡាញ់មនុស្សទាំងអស់ ហើយអញ្ជើញទាំងអស់គ្នាឲ្យមករកទ្រង់ ហើយទទួលទានសេចក្ដីសង្គ្រោះរបស់ទ្រង់ ។ សិស្សក៏បានរកឃើញពីសេចក្ដីពិតថា ការចេញមកនៃព្រះគម្ពីរមរមនគឺជារបៀបមួយដែលព្រះនឹងសម្រេចកិច្ចការរបស់ទ្រង់នៅក្នុងថ្ងៃចុងក្រោយ ។ បន្ថែមលើនេះ ពួកគេបានដឹងថា ព្រះគម្ពីរមរមន និង ដំណឹងល្អដែលបានស្ដារឡើងវិញនោះ នឹងនាំមកនូវសេចក្ដីអំណរ និង ការយល់ដឹងដល់អស់អ្នកទាំងឡាយណាដែលសិក្សា និង ទទួលយកវា ។
ថ្ងៃទី2 ( នីហ្វៃទី 2 28 )
ខណៈពេលដែលកំពុងសិក្សាពីការព្រមានរបស់នីហ្វៃអំពីការបង្រៀនក្លែងក្លាយទូទៅនៅក្នុងថ្ងៃចុងក្រោយនោះ សិស្សបានដឹងថា ព្រះគម្ពីរមរមនបង្ហាញពីលទ្ធិក្លែងក្លាយរបស់អារក្ស និង ពង្រឹងយើងទាស់នឹងការរចនាដ៏អាក្រក់របស់វា ។ លើសពីនេះ ពួកគេបានដឹងពីរបៀបដែលសាតាំងប្រើវិធីសាស្ដ្រជាច្រើនដើម្បីព្យាយាមគ្រប់គ្រងយើង ដូចជាការចាក់រុកឲ្យយើងមានកំហឹង ការបង្ក្រាបយើង និង បំពេយើង និង ការបញ្ជោរយើង ។
ថ្ងៃទី3 ( នីហ្វៃទី 2 29–30 )
សិស្សបានដឹងថា ព្រះអម្ចាស់ផ្ដល់ព្រះគម្ពីរមកដើម្បីប្រមូលរាស្រ្តទៅកាន់សេចក្ដីសញ្ញារបស់ទ្រង់ ហើយថាព្រះគម្ពីរមរមនអាចជួយមនុស្សទាំងអស់ឲ្យស្គាល់ព្រះយេស៊ូវគ្រីស្ទ និង រស់នៅតាមដំណឹងល្អរបស់ទ្រង់ ។ ព្រះអម្ចាស់បានបង្ហាញនីហ្វៃថា មនុស្សជាច្រើននៅថ្ងៃចុងក្រោយនឹងបដិសេធព្រះគម្ពីរមរមន ។ សិស្សមានឱកាសមួយដើម្បីគិតអំពីជីវិតផ្ទាល់របស់ពួកគេ និង ពីរបៀបដែលសហគមន៍របស់គេនឹងខុសគ្នាយ៉ាងណា អំឡុងពេលសហស្សវត្សរ៍ ដោយសារអារក្សសាតាំងនឹងគ្មានអំណាចមកលើដួងចិត្តនៃកូនចៅមនុស្សទៀតឡើយ ហើយសេចក្ដីសុចរិត និង សេចក្ដីសុខសាន្ដនឹងយកឈ្នះ ។
ថ្ងៃទី4 ( នីហ្វៃទី 2 31 )
សេចក្ដីពិតខាងក្រោមដែលទាក់ទងនឹងគោលលទ្ធិនៃព្រះគ្រីស្ទ និង គំរូរបស់ព្រះអង្គសង្គ្រោះត្រូវបានបញ្ជាក់ថា ៖ ព្រះយេស៊ូវគ្រីស្ទ បានបំពេញសេចក្ដីសុចរិតគ្រប់យ៉ាង ដោយការគោរពតាមព្រះបញ្ញត្តិទាំងឡាយរបស់ព្រះវរបិតា ហើយយើងត្រូវតែធ្វើតាមគំរូនៃការគោរពប្រតិបត្តិរបស់ព្រះយេស៊ូវគ្រីស្ទ ដោយការជ្រមុជទឹក និង ការទទួលព្រះវិញ្ញាណបរិសុទ្ធ ។ ព្រះវិញ្ញាណបរិសុទ្ធធ្វើបន្ទាល់អំពីព្រះវរបិតា និង អំពីព្រះរាជបុត្រា ហើយនាំមកនូវការផ្ដាច់បាប ។ ប្រសិនបើយើងរស់នៅតាមគោលលទ្ធិនៃព្រះគ្រីស្ទ យើងនឹងទទួលបានជីវិតដ៏នៅអស់កល្បជានិច្ច ។
សេចក្តីផ្ដើម
មេរៀននេះបញ្ជាក់ថា គ្រប់អ្វីទាំងអស់ដែលព្រះវរបិតាសួគ៌ធ្វើ គឺដើម្បីជាប្រយោជន៍ដល់ពិភពលោក និង ត្រូវបានជម្រុញដោយសេចក្ដីស្រឡាញ់ចំពោះកូនចៅរបស់ទ្រង់ ។ មេរៀននេះ ក៏នឹងប៉ះដល់របៀបដែលព្រះគម្ពីរមរមនបង្ហាញពីការបង្រៀនក្លែងក្លាយរបស់សាតាំងដែលមានជាទូទៅ នៅក្នុងជំនាន់របស់យើង និង ពីរបៀបដែលជីវិតដ៏នៅអស់កល្បជានិច្ចមកដល់អស់អ្នកទាំងឡាយណាដែលធ្វើតាមគោលលទ្ធិនៃព្រះគ្រីស្ទ ។
យោបល់សម្រាប់ការបង្រៀន
សូមសួរសិស្សថា តើពួកគេមានគំនិត ឬ ការយល់ដឹងអ្វីចេញពីការសិក្សាព្រះគម្ពីររបស់ពួកគេដែលអាចចែកចាយជាមួយនឹងសិស្សក្នុងថ្នាក់ទេ មុនពេលអ្នកចាប់ផ្ដើមមេរៀននេះ ។ សូមលើកទឹកចិត្តសិស្សឲ្យសួរសំណួរណាដែលពួកគេមាន អំពីអ្វីដែលពួកគេបានសិក្សាហើយ ។ សូមអញ្ជើញពួកគេឲ្យសរសេរនូវការបំផុសគំនិតខាងវិញ្ញាណ ដែលពួកគេបានទទួល នៅពេលពួកគេអាន និង សញ្ជឹងគិតអំពីព្រះគម្ពីរ និង កិច្ចការរបស់វា ។ ការណ៍នេះនឹងអញ្ជើញវិញ្ញាណនៃការព្យាករណ៍ទៅក្នុងជីវិតរបស់ពួកគេ ។
សូមឲ្យសិស្សជួយអ្នកសរសេរចម្លើយខ្លះចំពោះសំណួរខាងក្រោមនៅលើក្ដារខៀន ឬ នៅលើក្រដាសមួយសន្លឹក ៖ ប្រសិនបើអ្នកដឹងថា ពេលវេលារបស់អ្នកនៅលើផែនដីនេះ ជិតដល់ទីបញ្ចប់ហើយ ហើយថាអ្នកអាចសរសេរសំបុត្រមួយដែលកូនចៅរបស់អ្នក និង មនុស្សទូទាំងពិភពលោកនឹងអាននោះ តើអ្នកនឹងរើសយកប្រធានបទអ្វីមកបញ្ចូលនៅក្នុងលិខិតរបស់អ្នកនោះ ?
សូមអញ្ជើញសិស្សឲ្យមើលត្រួសៗក្នុង នីហ្វៃទី 2 26–31និង កំណត់ហេតុសិក្សាព្រះគម្ពីររបស់ពួកគេដើម្បីមើលពីប្រធានបទអ្វីដែលនីហ្វៃបាននិយាយ ខណៈដែលគាត់ជិតបញ្ចប់ជីវិតរបស់គាត់ហើយនោះ ។ សូមប្រៀបធៀបអ្វីដែលពួកគេរកឃើញ ជាមួយនឹងចម្លើយដែលពួកគេសរសេរនៅលើក្ដារខៀន ។ ការទូន្មានចុងក្រោយគេរបស់នីហ្វៃ ត្រូវសរសេរឡើងសម្រាប់ពួកយើងដែលរស់នៅក្នុងជំនាន់ចុងក្រោយ និង មាននូវតម្រុយដើម្បីជួយយើងឲ្យស្គាល់នូវសេចក្ដីពិត ចៀសវាងថ្មជំពប់របស់សាតាំង ហើយធ្វើតាមគោលលទ្ធិនៃព្រះយេស៊ូវគ្រីស្ទ ។
នីហ្វៃទី 2 26
ក្រោយពីនីហ្វៃព្យាករទាក់ទងនឹងការបំផ្លាញនៃប្រជាជនរបស់គាត់ហើយ គាត់បានព្យាករអំពីថ្ងៃចុងក្រោយ និង អញ្ជើញមនុស្សទាំងអស់ឲ្យមករកព្រះគ្រីស្ទ
សូមអញ្ជើញសិស្សឲ្យអាន នីហ្វៃទី 2 26:29–31 ហើយស្វែងរកវិធីសាស្ដ្ររបស់សាតាំង មួយដែលនីហ្វៃបានព្រមានយើងនោះ ។ បន្ទាប់ពីសិស្សពីរបីនាក់ឆ្លើយនឹងអ្វីដែលពួកគេបាន រកឃើញហើយ សូមសួរនូវសំណួរខាងក្រោម ៖
-
យោងតាម នីហ្វៃទី 2 26:29 តើអ្វីជាឧបាយកលផ្នែកសង្ឃ ?
-
តើអ្វីទៅដែលហាក់ដូចជាការជម្រុញមនុស្សខ្លះឲ្យធ្វើឧបាយកលផ្នែកសង្ឃ ?
-
តើព្រះអម្ចាស់សង្ឃឹមឲ្យយើងត្រូវបានជម្រុញដោយអ្វី នៅពេលយើងបម្រើនៅក្នុងសាសនាចក្រ ? តើអ្នកមានស្គាល់នរណាម្នាក់ ដែលធ្វើជាគំរូល្អសម្រាប់ការណ៍នេះដែរឬទេ ?
សូមរំឭក នីហ្វៃទី2 26:23–28, 33 និង ថ្ងៃទី 1 កិច្ចការទី 3 ។ សូមសួរ ៖ តើអ្វីដែលជម្រុញព្រះអម្ចាស់នៅក្នុងការងាររបស់ទ្រង់ ?
ក្រោយពីសិស្សពីរបីនាក់បានឆ្លើយហើយ សូមឲ្យសិស្សក្នុងថ្នាក់អានសំណួរខាងក្រោម ៖
-
តើឃ្លាអ្វីនៅក្នុង នីហ្វៃទី 2 26:23–28, 33 បង្រៀនយើងថា ព្រះអម្ចាស់ស្រឡាញ់មនុស្សទាំងអស់ ហើយអញ្ជើញទាំងអស់គ្នាឲ្យមករកទ្រង់ និង ទទួលទានសេចក្ដីសង្គ្រោះរបស់ទ្រង់ ហើយថាអ្វីគ្រប់យ៉ាងដែលព្រះអម្ចាស់ធ្វើ គឺដើម្បីជាប្រយោជន៍ដល់ពិភពលោកនោះ ?
-
ហេតុអ្វីបានជាវាសំខាន់សម្រាប់យើងដើម្បីរៀនលើកទឹកចិត្តដោយសេចក្ដីស្រឡាញ់សម្រាប់អ្នកដទៃ ជាជាងដោយសេចក្ដីលោភលន់ ឬ បំណងប្រាថ្នាដើម្បីទទួលបានការសរសើរពីអ្នកដទៃនោះ ?
-
តើអ្នកគិតថា យើងអាចមានសេចក្ដីសប្បុរស សេចក្ដីស្រឡាញ់ និង ភាពដូចជាព្រះគ្រីស្ទច្រើនជាងមុន នៅក្នុងការងារសាសនាចក្ររបស់យើង ដោយរបៀបណា ?
នីហ្វៃទី 2 28
នីហ្វៃព្រមានពីការបោកបញ្ឆោតទាំងឡាយរបស់អារក្សសាតាំង
សូមប្រាប់សិស្សថា នៅក្នុងនីហ្វៃទី 2 28 នីហ្វៃបានបន្ដបង្ហាញលទ្ធិក្លែងក្លាយដែលបានបង្រៀនដោយពួកអារក្ស ។ សូមរំឭកពី « លទ្ធិក្លែងក្លាយ ឥតខ្លឹមសារ ហើយឥតប្រយោជន៍ » ដែលបានពិពណ៌នានៅក្នុង នីហ្វៃទី 2 28:3–9 ហើយសូមសួរសំណួរខាងក្រោមដល់សិស្ស ។ ពួកគេអាចបញ្ចូលចម្លើយនានាដែលពួកគេបានសរសេរនៅក្នុកំណត់ហេតុសិក្សាព្រះគម្ពីររបស់ពួកគេ ក្នុងសប្ដាហ៍កន្លងទៅ ។
-
តើ « ជិះជាន់មនុស្សផ្សេងដោយសារសំដីរបស់គេ » មានន័យយ៉ាងណាដែរ ? ( នីហ្វៃទី 2 28:8 ) ។ ( ឧទាហរណ៍ទាំងឡាយអាចរួមមានការចំអកដល់អ្នកដទៃ និង ការពោលខុស ឬ ការពន្លើសអ្វីដែលអ្នកផ្សេងបាននិយាយ )
-
តើមនុស្សសព្វថ្ងៃនេះ « ជីករណ្ដៅ » ( នីហ្វៃទី 2 28:8 ) ទុកដាក់អ្នកជិតខាងរបស់ពួកគេដោយរបៀបណា ?
-
តើមានគ្រោះថ្នាក់អ្វីខ្លះ ពេលព្យាយាមលាក់អំពើបាបទាំងឡាយពីព្រះអម្ចាស់ ឬ ដាក់កិច្ចការរបស់យើងនឹងនៅក្នុងទីងងឹតនោះ ? ( សូមមើល នីហ្វៃទី 2 28:9 ) ។
-
តើអ្នកគិតថា ការបង្រៀនក្លែងក្លាយអ្វីនៅក្នុង នីហ្វៃទី 2 28:3–9ដែលបំផ្លាញយុវវ័យខ្លាំងបំផុតនោះនាសព្វថ្ងៃនេះ ? តើអ្នកគិតថា ហេតុអ្វីបានជាវាមានគ្រោះថ្នាក់ ? តើយុវវ័យត្រូវបានល្បួងដោយការបង្រៀនក្លែងក្លាយនោះដោយរបៀបណា ? ( សូមមើល ថ្ងៃទី 2 កិច្ចការទី 1 ) ។
សូមរំឭក នីហ្វៃទី 2 28:20–23 និង រឿងរបស់ប្រធាន ប៊យដ៍ ឃេ. ផាកកឺ អំពីក្រពើខាងវិញ្ញាណពីមេរៀននៅថ្ងៃទី 2 ។ សូមអញ្ជើញសិស្សឲ្យចែកចាយជាមួយនឹងសិស្សក្នុងថ្នាក់ អំពីទីសម្គាល់នៃការព្រមានដែលពួកគេបានគូសនៅក្នុងកំណត់ហេតុសិក្សាព្រះគម្ពីររបស់ពួកគេ ( ថ្ងៃទី 2 កិច្ចការទី 5 ) ដែលបង្ហាញពីគ្រោះថ្នាក់ខាងវិញ្ញាណ ដែលពួកគេគិតថា យុវវ័យត្រូវបានព្រមាននៅបច្ចុប្បន្ននេះ ។
សូមសួរ ៖ ក្នុងចំណោមរឿងទាំងអស់ដែលនីហ្វៃអាចសរសេរ នៅពេលគាត់បញ្ចប់កំណត់ត្រារបស់គាត់ តើអ្នកគិតថា ហេតុអ្វីបានជាគាត់សរសេរអំពីការបោកបញ្ឆោត និង វិធីសាស្ដ្ររបស់សាតាំង ? ( អ្នកអាចថ្លែងទីបន្ទាល់អំពីជំនួយ និង កម្លាំងដែលយើងទទួលបានដើម្បីតតាំងនឹងវិធីសាស្ដ្ររបស់សាតាំង នៅពេលយើងសិក្សាព្រះគម្ពីរមរមនដោយប្រុងប្រយ័ត្ន ) ។
នីហ្វៃទី 2 31
នីហ្វៃបង្រៀនពីរបៀបដែលព្រះអង្គសង្គ្រោះធ្វើជាគំរូដ៏ឥតខ្ចោះសម្រាប់យើង
សូមគូសរូបភាពផ្លូវដ៏សាមញ្ញមួយ ដែលនាំទៅកាន់ទ្វារមួយ ។ សូមអញ្ជើញសិស្សឲ្យអាន នីហ្វៃទី 2 31:17–18ហើយស្វែងរកពីរបៀបដែលនីហ្វៃបានប្រើរូបភាពផ្លូវមួយ និង ទ្វារមួយនេះដើម្បីបញ្ជាក់ពីរបៀបតែមួយគត់ដើម្បីមករកព្រះយេស៊ូវគ្រីស្ទ ។ បន្ទាប់មក សូមសួរពួកគេនូវសំណួរដូចខាងក្រោមនេះ ៖
-
យោងតាមខគម្ពីរទាំងនេះ តើទ្វារ និង ផ្លូវនេះតំណាងឲ្យអ្វី ? ( ទ្វារតំណាងឲ្យការប្រែចិត្ត ពិធីបុណ្យជ្រមុជទឹក និង ការទទួលព្រះវិញ្ញាណបរិសុទ្ធ ) ។
-
ចេញពីអ្វីដែលអ្នកបានរៀននៅក្នុងការសិក្សាផ្ទាល់ខ្លួនរបស់អ្នកក្នុង នីហ្វៃទី 2 31 ហេតុអ្វីបានជាការទទួលព្រះវិញ្ញាណបរិសុទ្ធយោងថាជា « បុណ្យជ្រមុជដោយភ្លើង » ? ( សូមមើល នីហ្វៃទី2 31:13; សូមមើលផងដែរក្នុង ខគម្ពីរទី 17 ) ។
សូមអញ្ជើញសិស្សម្នាក់ឲ្យអាន នីហ្វៃទី 2 31:19–21 ឮៗ ។ សូមឲ្យសិស្សស្វែងរកអ្វីដែលតម្រូវឲ្យយើងធ្វើ បន្ទាប់ពីយើងឆ្លងកាត់ « ទ្វារ » ហើយនោះ ។ ក្រោយពីសិស្សបានឆ្លើយចំពោះអ្វីដែលពួកគេបានរកឃើញហើយ សូមសួរសំណួរខាងក្រោមនេះ ៖
-
តើអ្នកគិតថា នីហ្វៃចង់មានន័យយ៉ាងណា នៅពេលគាត់សរសេរ « នេះគឺជាគោលលទ្ធិនៃព្រះគ្រីស្ទ » ? ( នីហ្វៃទី 2 31:21 ) ។
-
ដោយគិតពិអ្វីដែលអ្នកបានសិក្សានៅថ្ងៃនេះ តើអ្នកគិតថា ព្រះវរបិតាសួគ៌ចង់ឲ្យអ្នកធ្វើអ្វីខ្លះ ដើម្បីជួយអ្នកឲ្យបន្ដទៅមុខលើផ្លូវតូច ហើយចង្អៀតនោះ ? ( អ្នកអាចលើកទឹកចិត្តសិស្សឲ្យដាក់គោលដៅដើម្បីឆ្លើយតបទៅនឹងសំណួរនេះ )
មេរៀនបន្ទាប់ ( នីហ្វៃទី 2 32–យ៉ាកុប 4 )
តើអ្នកចូលចិត្តបរិភោគឬទេ ? នៅក្នុងមេរៀនក្រោយ សិស្សនឹងរៀនអំពីអត្ថន័យនៃការ « ទទួលទាននូវព្រះបន្ទូលទាំងឡាយនៃព្រះគ្រីស្ទ » ( នីហ្វៃទី 2 32:3 ) ។ តើព្យាការីគួរតែកែតម្រូវប្រជាជនដែលចាប់ផ្ដើមទទួលឥទ្ធិពលដោយសេចក្ដីស្រឡាញ់ទ្រព្យសម្បត្តិ ឬ ដោយមនុស្សដែលមិនគោរពតាមច្បាប់ព្រហ្មចារីយភាពដោយរបៀបណា ? សូមកត់ចំណាំពីរបៀបដែលយ៉ាកុបនិយាយពីបញ្ហាទាំងនេះ ។