យោបល់សម្រាប់ថ្ងៃដែលអាចបត់បែនតាមពេល

ការណែនាំពីល្បឿនក្នុងការបង្រៀនសម្រាប់គ្រូបង្រៀនប្រចាំថ្ងៃផ្អែកលើឆ្នាំសិក្សា 36 សប្ដាហ៍ ឬ 180 ថ្ងៃ ។ សៀវភៅណែនាំនេះមាននូវ 160 មេរៀនប្រចាំថ្ងៃ ដោយមាន 20 ថ្ងៃដែលមិនមានអ្វីត្រូវបង្រៀន ។ « ថ្ងៃដែលអាចបត់បែនតាមពេល » ទាំង 20 ថ្ងៃនេះគួរប្រើដោយឈ្លាសវៃសម្រាប់គោលដៅ និងសកម្មភាពមានន័យ រួមមានដូចខាងក្រោមនេះ ៖

ការសម្របមេរៀនប្រចាំថ្ងៃ ។ អ្នកអាចចំណាយពេលបន្ថែមលើមេរៀនមួយ ដែលត្រូវការពេលយូរបង្រៀនឲ្យមានប្រសិទ្ធភាព ។ អ្នកក៏អាចប្រើគំនិតជំនួយក្នុងការបង្រៀនដែលមាននៅចុងបញ្ចប់នៃមេរៀនមួយចំនួន ឬយកពេលដើម្បីឆ្លើយនឹងសំណួររបស់សិស្សអំពីវគ្គព្រះគម្ពីរពិសេសណាមួយ ឬប្រធានបទដំណឹងល្អណាមួយ ។ ថ្ងៃដែលអាចបត់បែនតាមពេលនេះ នាំឲ្យអ្នកមានផលប្រយោជន៍ពីឱកាសទាំងនេះ ខណៈពេលធ្វើតាមកាលវិភាគបង្រៀន និងបំពេញកិច្ចការរបស់អ្នកក្នុងការបង្រៀនតាមស៊េរីព្រះគម្ពីរ ។
ការចេះចាំស្ទាត់នូវវគ្គបទគម្ពីរសំខាន់ៗ និងគោលលទ្ធិគ្រឹះទាំងឡាយ ។អ្នកអាចប្រើសកម្មភាពរំឭកទាំងឡាយសម្រាប់វគ្គចំណេះចំណានខគម្ពីរ ដែលមាននៅក្នុងសៀវភៅណែនាំ និងនៅក្នុងសេចក្ដីបន្ថែមនេះ ។ អ្នកអាចបង្កើតសកម្មភាពរំឭកចំណេះចំណានខគម្ពីរបន្ថែមដែលបំពេញតាមតម្រូវការ និងចំណាប់អារម្មណ៍ជាពិសេសដល់សិស្សអ្នក ។ អ្នកក៏អាចប្រើផ្នែកនៃថ្ងៃដែលអាចបត់បែនតាមពេលនេះសម្រាប់សកម្មភាព ដែលជួយដល់សិស្សឲ្យរំឭក និងយល់កាន់តែច្បាស់អំពីគោលលទ្ធិគ្រឹះទាំងឡាយ ។ នៅដើមឆ្នាំនេះ អ្នកអាចប្រើថ្ងៃដែលអាចបត់បែនតាមពេល ដើម្បីធ្វើការវាយតម្លៃលើគោលលទ្ធិគ្រឹះ ( BDA ) ដែលរៀបចំឡើងដើម្បីជួយដល់គ្រូបង្រៀនស្ទង់មើលពីទំហំដែលសិស្សអាចយល់ ជឿតាម ដឹងពីរបៀបអនុវត្ត និងអាចពន្យល់គោលលទ្ធិគ្រឹះនៃសាសនាចក្រខ្លះ ។ សូមរកមើលកម្មវិធីវាយតម្លៃលើគោលលទ្ធិគ្រឹះ និងកម្មវិធីស្ទង់មើលផ្សេងទៀតនៅក្នុងគេហទំព័រ ស&វ ( si.lds.org ) សូមប្រើពាក្យគន្លឹះ assessment ។ របាយការណ៍ BDA ជួយដល់គ្រូបង្រៀនដែលបានធ្វើតាមកម្មវិធីនេះឲ្យវិភាគពីតម្រូវការរបស់សិស្ស និងចេះសម្រួលការបង្រៀនឲ្យត្រូវនឹងតម្រូវការរបស់សិស្សល្អបំផុត ។
ការរំឭកឡើងវិញនូវឯកសារចាស់ៗ ។ វានឹងជួយសិស្សឲ្យក្រឡេកមើលទៅពេលដែលគេបានរៀននៅក្នុងមេរៀនមុនៗ ឬពីគម្ពីរក្នុងព្រះគម្ពីរណាមួយ ។ អ្នកអាចផ្ដល់ឱកាសដល់សិស្សឲ្យពន្យល់ពីសេចក្ដីពិតមួយពីមេរៀនមុន ហើយចែកចាយរបៀបដែលសេចក្ដីពិតនោះបានមានឥទ្ធិពលដល់ជីវិតរបស់អ្នក ។ អ្នកក៏អាចបង្កើត និងធ្វើសំណួរចម្លើយមួយ ឬសកម្មភាពរៀនសូត្រដែលរំឭកពីឯកសារមេរៀនមុនៗ ។
ការអាក់ខានមិនបង្រៀនតាមកាលវិភាគ ។ សកម្មភាព ឬការប្រជុំនៅសាលារៀន ព្រឹត្តិការណ៍ក្នុងសហគមន៍ អាកាសធាតុ និងការអាក់ខានផ្សេងទៀតដែលអាចតម្រូវឲ្យអ្នកមិនបង្រៀន ឬបង្រៀនក្នុងពេលខ្លីតាមកាលៈទេសៈ ។ ថ្ងៃដែលអាចបត់បែនតាមពេលនេះ អាចត្រូវប្រើជំនួសការអាក់ខានបែបនោះ ។