Faatomuaga i Mau Tauloto

Ua filifilia e Seminare ma Inisitituti o Aoaoga Faalelotu fuaitau o mau tauloto e 25 mo kosi taitasi e fa o le seminare. O nei fuaitau latou te aumaia se faavae faaleagaga taua mo le malamalamaaga ma le faasoaina atu o le talalelei ma mo le faamalosia o le faatuatua. O fuaitau o mau tauloto mo le Tusi a Mamona o loo i lalo:

E faamalosiauina tamaiti aoga Seminare ina ia atiina ae se “taulotoina” o nei fuaitau. O le a sili atu lou gafatia e fesoasoani i au tamaiti aoga pe ā e taulotoina foi nei fuaitau. O le taulotoina o mau fuaitau e aofia ai mea nei:

O le mauaina o nei fuaiupu e ala i le iloaina o mau faasino fesootai faatusitusiga paia.
O le malamalama i le talaaga ma le anotusi o fuaitau o tusitusiga paia.
O le faaaogaina o mataupu faavae ma aoaoga faavae o le talalelei o loo aoaoina i fuaitau o tusitusiga paia.
O le taulotoina o fuaitau.

Faatumauina, Faamoemoega, ma Metotia

Ao e fuafua e fesoasoani i tamaiti aoga e tauloto mau fuaitau, o le a faamanuiaina oe pe ā e faatumauina lou tagai i fuaitau o mau tauloto, faatumau ou faamoemoega talafeagai, ma faaaoga metotia e talafeuga ma auala eseese mo le aoaoina.

O le faatumauina ma le toe faia pea i le aoaoina o mau tauloto o lea fesoasoani e tuuina upumoni i manatuaga o tamaiti aoga mo se taimi umi mo le faaaogaina i le lumanai. Atonu o lea aoga le fuafuaina o le kosi o lea aoaoina mo le tausaga ma fatuina se fuafuaga e faatumauina le mauaina e tamaiti aoga o avanoa i le potuaoga e tauloto ai fuaitau o mau tauloto. Ia atamai i le fuafuaina pe faafia ma le aofaiga o le taimi o le a faaaluina i fesoasoaniga i tamaiti aoga ina ia aoaoina fuaitau o mau tauloto. Faamautinoa o le ā le taua atu gaoioiga o mau tauloto nai lo suesuega faatulagaina faasolo o tusitusiga paia i aso taitasi. E mafai ona e filifili e faaalu ni nai minute o aso taitasi e iloilo ai fuaitau o mau tauloto ma au tamaiti aoga. Atonu foi e te filifili e tuuina atu se gaoioiga o taulotoga puupuu faatasi pe faalua i vaiaso taitasi mo le 10 i le 15 minute. E le afaina pe faapefea ona e fuafua e fesoasoani i tamaiti aoga e aoao fuaitau o mau tauloto, ia faatumauina ma lelei i au taumafaiga.

Ia faavae ou faamoemoega mo mau tauloto i gafatia o tamaiti aoga taitoatasi. O le taulotoina o fuaitau o mau tauloto e manaomia ai le malosi i le vaega ā le o aoaoina. Fesootai atu i tamaiti aoga o le latou manuia i mau tauloto e faalagolago tele i o latou ma le naunau e galulue. Fautuaina i latou e faatutu sini e uunaia ai lo latou gafatia i tulaga sili ona maualuluga. Ia faaeteete i tamaiti aoga o e atonu e faafaigata ona ao tauloto , ma ia naunau e fetuunai au faamoemoega ma metotia faafaiaoga e tusa ai ma manaoga o au tamaiti aoga.

Ina ia aoga i ituaiga tagata eseese ma sitaili eseese o le aoaoina, fesuiai metotia e te faaaogaina e fesoasoani ai i tamaiti aoga i le taulotoina o fuaitau o mau. E pei ona iai uma i le aoaoina atu ma le aoaoina mai o le talalelei, ia atamai i lau filifiliga o gaoioiga ina ia lagolagoina e le Agaga Paia tamaiti aoga ia latou taulotoga o mau ma aoaoga faavae. O lea e mauaina ni aofaiga o metotia faafaiaoga talafeagai o mau tauloto i totonu o lesona o lenei tusi lesona. Mo nisi metotia faafaiaoga o le taulotoina o mau, tagai i gaoioiga o mau tauloto o loo lisiina i lalo.

Mau Tauloto i totonu o Mataupu Aoaoina

O mau tauloto o loo tusiaina i totonu o mataupu aoaoina i ni vaega eseese. O se aikona o le mau tauloto faailoaina le faatinoga o fuaitau o mau tauloto i anomea o le lesona. Ua faalauiloaina ma talanoaina fuaitau o mau tauloto i le talaaga o le mataupu o loo maua ai. O manatu faaopoopo faafaiaoga mo fuaitau o mau tauloto o loo faaalia i le faaiuga o lesona o loo maua ai. O nei manatu faafaiaoga faaopoopo e fesoasoani e faapaleniina elemene e fa o mau tauloto (sailia, malamalama, faaaogaina, taulotoina) ma le manatunatu i fuaitau taitasi. Mo se faataitaiga, afai e fesoasoani le lesona i tamaiti aoga ia malamalama ma faaaogaina fuaitau o mau tauloto, ona fesoasoani lea o manatu faaopoopo faafaiaoga ia i latou i le sailia po o le taulotoina o fuaitau.

E saunia foi e le aunoae mataupu aoaoina gaoioiga iloilo a mau tauloto e mafai ona faaaogaina pe ā lava le taimi ma ia ogatasi ma sini o mau tauloto ā lau vasega. O nei iloiloga e mafai ona faaopoopoina i ai gaoioiga o mau tauloto o loo lisiina i lalo. Atonu e te faaaogaina taimi faaopoopo i le amataga po o le faaiuga o se lesona puupuu e faia ai se tasi o nei gaoioiga iloilo.

Auala Fautuaina mo Mau Tauloto

Ina ia fesoasoani i tamaiti i le sailia o tomai, e mafai ona e fuafuaina e faalauiloa fuaitau tauloto e 25 e latalata i le amataga o le kosi ona galue lea e faalolotoina le taulotoina i le aluga o le kosi. Po o le faailoa atu ni nai fuaitau i masina taitasi ona taulai lea i le taulotoina o na fuaitau i le aluga o lena masina. O na faatomuaga e mafai ona aofia ai le fautua atu ia makaina e tamaiti aoga fuaitau o mau tauloto i o latou lava kopi o tusitusiga paia, e fesoasoani ai i tamaiti aoga e mafaufauina ni auala e manatua ai upu autu ma upu faasino, ma faamalamalamaina aoaoga faavae ma mataupu faavae o loo iai i fuaitau taitasi. E mafai foi ona e fa’aa’afiaina tamaiti i le faailoaina o fuaitau o mau tauloto e ala i le tofitofi o i latou e faaaogaina fuaitau ia latou faigalotu pe valaaulia i latou e aoao atu e le tasi le isi pe faapefea ona manatua ma sailia fuaitau. Tuuina atu le tali atu mo le manatuaina o fuaitau o mau tauloto i le faia o suega mai lea taimi i lea taimi ma gaoioiga mo le sailia (tagai i gaoioiga o mau tauloto o loo i lalo mo ni faataitaiga). O se lisi o fuaitau o mau tauloto e 25 mo lenei kosi o le aoaoina e mafai ona maua i luga o faailoga tusi ā tamaiti aoga ma kata o mau tauloto.

Ina ia lagolagoina tamaiti aoga i lo latou malamalamaaga i fuaitau o mau tauloto, faamamafa atu fuaitau nei pea alia’e i lesona o aso taitasi. Atonu foi e te faaaogaina gaoioiga o mau tauloto o loo i lalo e faateleina ai le malamalama o tamaiti aoga i, ma le gafatia e faamalamalama ai upumoni i totonu o fuaitau. Tuu atu i tamaiti aoga le avanoa i faigalotu poo i le taimi o vasega e faamalamalama ai pe faapefea e upumoni i fuaitau o mau tauloto ona fesoasoani ia i latou ia sili atu lo latou malamalama i Aoaoga Faavae Autu.

Ina ia lagolago atu i tamaiti aoga i le latou faaaogaina o upumoni o loo maua i fuaitau o mau tauloto, fautuaina i latou e mulimuli i uunaiga ā le Agaga Paia e malamalama ai pe faapefea ona faatatauina upumoni o loo i fuaitau i o latou olaga. Ina ia fesoasoani i tamaiti aoga ina ia ola i upumoni ua latou aoaoina, e mafai ona e faapipiiina se pepa i luga o se laupapa puletini i le vasega mai lea taimi i lea taimi se lui e fesootai ma se fuaitau o mau tauloto. Pe mafai ona e tuuina atu le avanoa i tamaiti aoga e faataitai ai ona aoaoina atu aoaoga faavae ma mataupu faavae o le talalelei e ala i le faaaogaina o fuaitau o mau tauloto (tagai i gaoioiga o mau tauloto i lalo mo manatu). Atonu foi e te valaaulia tamaiti aoga e faatatau mataupu faavae na latou aoaoina i lesona o loo faailoa ai fuaitau o mau tauloto. Tuuina atu i tamaiti aoga avanoa, i faigalotu poo i isi taimi, e lipotiina mai ai o latou aafiaga. O le a fesoasoani lea e faamalosia lo latou molimau o upumoni ua latou aoaoina mai fuaitau o mau tauloto.

Ina ia fesoasoani i tamaiti aoga e taulotoina fuaitau o mau tauloto e 25, e mafai ona e fuafua e taulotoina se lua po o le tolu fuaitau i masina taitasi i le vasega. E mafai foi ona e lu’iina tamaiti aoga e tauloto nai fuaitau i le fale (e mafai ona latou faia faatasi ma latou aiga pe fai atu fuaitau i se tasi o matua poo se sui o le aiga). E mafai ona e faia le taulotoina o se vaega o faigalotu o aso taitasi i le fai atu lea i le vasega e tauloto se fuaitau po o le faaavanoa lea o le taimi e taulotoina ai ta’i toalua. O le tuuina atu o le avanoa i tamaiti aoga e fai ai fuaitau o mau tauloto taitoalua pe i kulupu laiti poo i luma o le vasega o le a fesoasoani ia i latou e tali mo o latou lava taumafaiga. O gaoioiga o mau tauloto o loo i lalo e aofia ai ni metotia eseese tau le taulotoina. Faaeteete e faafetauiina faamoemoega i le taulotoga i le gafatia ma tulaga eseese o tamaiti taitoatasi. E le tatau ona faamaina pe lofituina tamaiti aoga pe afai latou te le mafai ona taulotoina .