Faatomuaga i le Tusi Lesona a le Faiaoga Seminare o le Tusi Mamona
O Lo Tatou Faamoemoega
O Le Sini Faamoemoeina o Seminare ma Inisitituti o Mataupu Faalelotu:
“O lo tatou faamoemoega o le fesoasoani lea i le autalavou laiti ma talavou matutua ia malamalama ma faalagolago i aoaoga ma le Togiola a Iesu Keriso, ia agavaa mo faamanuiaga o le malumalu, ma ia saunia i latou lava, o o latou aiga, ma isi mo le ola e faavavau faatasi ma lo latou Tama i le Lagi.”
Ina ia ausia lo tatou faamoemoega, tatou te aoao atu tamaiti aoga i aoaoga faavae ma mataupu faavae o le talalelei o loo maua i tusitusiga paia ma upu a perofeta. O nei aoaoga faavae ma mataupu faavae e aoao atu i se ala e tau atu ai i le malamalama ma le faagaeetiaina. Tatou te fesoasoani i tamaiti aoga e faataunuu la latou matafaioi i le faagasologa o le aoaoina ma saunia ai i latou e aoao atu le talalelei i isi.
Ina ia fesoasoani e ausia nei faamoemoega, e faamalosiauina oe ma tamaiti aoga o loo e aoaoina e tuufaatasia mea nei o, Mataupu Taua o le Aoaoina Atu ma le Aoaoina Mai o le Talalelei ao e suesueina faatasi tusitusiga paia:
-
Aoao atu ma aoao mai e ala i le Agaga.
-
Atiina ae se siosiomaga e aoao ai le alofa, faaaloalo, ma le faamoemoega.
-
Suesue ia tusitusiga paia i aso taitasi ma faitau tusi mo le vasega. (Siata e mulimulitai ai i faitauga o tusitusiga paia e mafai ona maua i le faaopoopoga i le faaiuga o lenei tusi lesona.)
-
Malamalama i talaaga ma anotusi o tusitusiga paia ma upu a perofeta.
-
Faailoa, malamalama, ma lagona le moni ma le taua o, ma faaaoga ia aoaoga faavae ma mataupu faavae o le talalelei.
-
Faamalamalama, faasoa atu, ma molimau atu i aoaoga faavae ma mataupu faavae o le talalelei.
-
Mau autu o fuaitau o mau ma Aoaoga Faavae Autu.
Ua saunia lenei tusi lesona a le faiaoga e fesoasoani ia e manuia i le ausiaina o nei faamoemoega.
Sauniuniga o le Lesona
Sa poloaiina e le Alii i latou o aoaoina atu Lana talalelei e “aoao atu mataupu autu o la’u talalelei, ua i ai i totonu o le Tusi Paia ma le Tusi a Mamona, ua i ai le atoatoaga o le talalelei” (MF&F 42:12). Na ia toe aoao mai faapea o nei upumoni e tatau ona aoao atu e pei ona “taitaiina ai e le Agaga,” o le a “tuu atu … e ala i le tatalo o le faatuatua” (MF&F 42:13–14). Ao e saunia lesona taitasi, saili ma le agaga tatalo le taitaiga a le Agaga e fesoasoani ia e malamalama i tusitusiga paia ma mataupu faavae ma aoaoga faavae o loo iai. E faapena foi ona, mulimuli i uunaiga a le Agaga ao fuafuaina pe faapefea ona fesoasoani i au tamaiti aoga ia malamalama i tusitusiga paia , ia aoaoina e le Agaga Paia , ma lagona le manao e faaaogaina mea ua aoaoina.
I lenei vasega, o le Tusi Mamona o lau tusitusiga autu ao e saunia ma aoao atu. Suesue ma le agaga tatalo mataupu po o fuaiupu o le ā e aoaoina atu. Saili ina ia e malamalamaina i le talaaga ma le anotusi o le poloka o mau, e aofia ai laina o le tala, o tagata, nofoaga, ma mea na tutupu. Ao e faamasani i le talaaga ma le anotusi o poloka o mau, saili ia iloa aoaoga faavae ma mataupu faavae o loo iai, ma filifili po o le fea o nei upumoni e sili ona taua mo au tamaiti aoga e malamalama ma faaaogaina. O le taimi lava e te iloa ai lau taulaiga, ona mafai lea ona e iloilo poo ā auala, o metotia, ma gaoioiga o lea sili atu ona fesoasoani i au tamaiti aoga e aoaoina ma faaaogaina upumoni paia ua maua i totonu o tusitusiga paia.
Ua mamanuina lenei tusi lesona e fesoasoani ai ia te oe i lenei faagasologa. Iloilo ma le faaeteete anomea o le lesona e fesootai i le poloka o mau o le a e aoaoina atu. E mafai ona e filifili e faaaogaina uma pe nao ni nai fautuaga mo se poloka o mau, pe mafai foi ona e fetuunaia ia manatu fautuaina i manaoga ma tulaga o tamaiti aoga o loo e aoaoina. Ao e mafaufau pe faapefea ona fetuunai anomea o lesona, ia mautinoa ia mulimuli i le fautuaga lenei mai ia Elder Dallin H. Oaks o le Korama a Aposetolo e Toasefulua:
“Sa masani ona aoao mai Peresitene Packer, i la’u faalogo, faapea e muamua ona tatou vaetamaina, ona fetuunai ai lea. Afai e loloto le tatou saunia i lesona faatulagaina e tatou te tuuina atu, ona mafai lea ona tatou mulimuli i le Agaga e fetuunai ai” (“A Panel Discussion with Elder Dallin H. Oaks” [Faasalalauga Faasatelite a Seminare ma Inisitituti o Aoaoga Faalelotu, Aok. 7, 2012], 6, si.lds.org).
Ao e sauni e aoao atu, ia manatunatu i tamaiti aoga o ē o i ai manaoga faapitoa. Fetuunai gaoioiga ma faamoemoega e fesoasoani ai ia i latou ia faamanuiaina. O fesootaiga ma matua ma taitai o le ā fesoasoani ia te oe ia e malamalama ai i manaoga o tamaititi aoga ma fesoasoani ia te oe e faamanuiaina i le saunia o aafiaga anoa faaleaoaoga mo i latou.
Faaaogaina o le Tusi Lesona ā le Faiaoga mo Aso Taitasi
Faatomuaga o le Tusi
O faatomuaga o Tusi e aumai ai se vaaiga aoao mo tusi taitasi i le Tusi Mamona. Mai i isi mea, latou te faamalamalama poo ai na tusia tusi taitasi, latou te faamatala faamoemoega o le tusitala na tusia ai, ma latou te aumaia se aotelega o anotusi o tusi taitasi.
Faatomuaga o Poloka o Mau
O Faatomuaga o Poloka o Mau e na te aumaia se vaaiga aoao puupuu o le talaaga ma le anotusi o poloka o mau mo lesona taitasi.
Tuufaatasiga o Fuaiupu ma Aotelega o Anotusi
E masani ona vaevaeina poloka o mau i vaega laiti poo vaega o fuaiupu lea e iai se suiga i ulutala po o faatinoga. O faasino upu mo vaega o fuaiupu taitasi e sosoo ma se aotelega puupuu o mea na tutupu poo aoaoga i totonu o lena vaega o fuaiupu.
Fesoasoaniga Faafaiaoga
E faamalamalamaina e fesoasoaniga faafaiaoga ia mataupu faavae ma metotia o le aoaoina o le talalelei. E mafai ona latou lagolagoina oe i au taumafaiga e alualu i luma o se faiaoga.
Tino o le Lesona
O le tino o le lesona e iai taiala mo oe ao e suesue ma aoao atu. E fautuaina mai ai manatu faafaiaoga, e aofia ai fesili, gaoioiga, upusii, ata, ma siata.
Aoaoga Faavae ma Mataupu Faavae
Ao alia’e aoaoga faavae ma mataupu faavae mai i le suesueina o le tusiga o mau, ua faailogaina faamatamatatetele ia fesoasoani ia te oe e faailoa ma faamamafaina i latou i au talanoaga ma tamaiti aoga.
Ata
Ata o taitai o le Ekalesia ma mea na tutupu mai tusitusiga paia ua fai ma sui o fesoasoani vaaia e mafai ona e faaalia, pe a mauaina, ao e aoao atu.
Mau Tauloto
O le 25 fuaitau o mau tauloto o loo maua i le Tusi Mamona ua faailogaina i talaaga i totonu o lesona i mea o loo iloa ai. E iai foi i nei lesona taitasi manatu faafaiaoga mo fuaitau taitasi nei. Ina ia fesoasoani ia te oe ia faauau ai le aoaoina o mau tauloto, o loo i ai gaoioiga o Iloiloga o Mau Tauloto o loo taape solo i totonu o le tusi lesona. Mo manatu faaopoopo o le aoaoina atu o mau tauloto, tagai i le faaopoopoga i le faaiuga o lenei tusi lesona.
Avanoa o le Koluma
E mafai ona faaaogaina le avanoa o le koluma mo sauniuniga o lesona, e aofia ai le tusitusia o faamatalaga , mataupu faavae, aafiaga, po o isi manatu, ao uunaia ai oe e le Agaga Paia.
Tala ma Faamatalaga o Talaaga
O loo i ai upusii ma faamalamalamaaga faaopoopo i le faaiuga o isi lesona e tuu atu ia te oe malamalamaaga faaopoopo i manatu faapitoa po o se fuaitau o mau. Faaaoga faamatalaga i lea vaega e tapenapena ai le taliina o fesili pe tuuina atu ai ni malamalamaaga faaopoopo ao e aoao atu.
Manatu Faaopoopo Faafaiaoga
O manatu faaopoopo faafaiaoga e maua i le faaiuga o isi lesona. Ua tuuina mai e nei mea fautuaga mo le aoaoina o aoaoga faavae ma mataupu faavae lea atonu e le o faailoaina pe le faamamafaina i le tino o le lesona. Atonu e maua ai foi fautuaga i le faaaogaina o faasalalauga vaaia, e pei o ata DVD.
Polokalama a le Seminare o Aso Taitasi (Seminare i Taimi o Aoga ma le Vaveao)
O lenei tusi lesona o loo maua ai vaega nei mo faiaoga seminare o aso taitasi: 160 lesona ā le faiaoga mo aso taitasi, fesoasoaniga faafaiaoga , ma punaoa mo le aoaoina atu o mau tauloto ma Mataupu Faavae Autu.
Lesona a le Faiaoga mo Aso Taitasi
Mamanu o Lesona
E taulai atu lesona taitasi o lenei tusi lesona i se poloka o mau nai lo se talaaga patino, aoaoga faavae, po o se mataupu faavae. O lenei mamanu o le a fesoasoani ia te oe ma au tamaiti aoga e faatulaga le suesueina o tusitusiga paia ma talanoaina aoaoga faavae ma mataupu faavae ao iloatino mai i tusiga o mau. Ao aoaoina e tamaiti aoga le talaaga o maua ai se aoaoga faavae po o se mataupu faavae, e mafai ona faalolotoina lo latou malamalamaaga o lena upumoni. Ma le isi, o le a sili atu le gafatia o tamaiti aoga e iloa ai ma malamalama i le loloto o savali na musuia le au tusitala o tusitusiga paia e tuuina mai. O le aoaoina atu o tusitusiga paia i lenei auala o le a fesoasoani foi i tamaiti aoga e aoao le auala e iloa ai ma faaaoga upumoni e faavavau i a latou suesuega o tusitusiga paia faaletagata lava ia.
I lesona taitasi, e le o faamamafaina vaega uma o se poloka o mau. O nisi o vaega e le tele se manatu e maua ai aua e le tele so latou taua i le savali aoao ā le tusitala musuia po o le ona e le tele sona aoga i le autalavou. Ua ia te oe le tiutetauave e fetuunai ai nei anomea e tusa ai ma manaoga ma mea e fiafia i ai tamaiti aoga e te aoaoina. Atonu o lea e fetuunaia manatu o lesona i lenei tusi lesona e ala i le filifiliina e tuuina atu le faamamafa tele i se aoaoga faavae po o se mataupu faavae faapitoa nai lo lena o loo tuuina mai i anomea o le lesona po o le filifili e tuuina atu le itiiti o le faamamafa i se vaega o le poloka o mau o loo atiae i le loloto o le tusi lesona. Saili atu mo le taitaiga ā le Agaga Paia e fesoasoani ia te oe e faia nei fetuunaiga ao e sauniuni ma aoao atu.
Aoaoga Faavae ma Mataupu Faavae
I totonu o le tino o lesona taitasi, o lea e maua ai ni nai aoaoga faavae ma mataupu faavae autu o loo faailogaina faamatamatatetele. O nei aoaoga ma mataupu faavae o loo faailoaina i totonu o mataupu aoaoina aua (1) e atagia ai savali tutotonu o poloka o mau, (2) e faatatau faapitoa mo manaoga ma tulaga o tamaiti aoga, po o le (3) o upumoni autu e mafai ona fesoasoani i tamaiti aoga ia faalolotoina lo latou fesootaiga ma le Alii. Ia matauina o le Tusi a Mamona o loo aoao mai ai le anoanoai o upumoni e sili atu i lo na o loo faailoa mai mataupu aoaoina. Na aoao mai Peresitene Boyd K. Packer faapea o loo maua i tusitusiga paia “tuufaatasiga le iu o upumoni e fetaui ma manaoga o tagata taitoatasi i soo se tulaga” (“The Great Plan of Happiness” [CES Symposium on the Doctrine and Covenants/Church History, Aok. 10, 1993], 2, si.lds.org).
Ao e aoao atu, faatumau pea lou tuuina atu o avanoa i tamaiti aoga e faailoa ai aoaoga faavae ma mataupu faavae i totonu o tusitusiga paia. Ao faamatala mai e tamaiti aoga upumoni ua latou maua, atonu o le ā latou faaaogaina upu e ese mai i le faaupuina o aoaoga faavae ma mataupu faavae i lenei tusi lesona. Atonu foi o lea latou mauaina upumoni e le o faailoaina i le otootoga o le lesona. Ia faaeteete i le fautuaina atu e sese tali ā tamaiti aoga ona o upu o loo latou faaaogaina e ese mai i upu o loo faaaogaina i le tusi lesona po o le ona ua latou faailoa mai se upumoni e le o taua i le mataupu aoaoina. Peitai, afai o faamatalaga a tamaiti aoga e le sa’o e tusa ai ma aoaoga faavae, o lau matafaioi le fesoasoani lelei i le tamaitiiti aoga e faasa’o lana faamatalaga ao faatumau pea se siosiomaga o le alofa ma le faatuatuaina. O le faia o lea mea atonu o lea aumaia ai se aafiaga faaleaoaoga taua mo tamaiti aoga o lau vasega.
Saoasaoa
E 160 lesona o seminare o aso taitasi i totonu o le tusi lesona lenei, lea e mafai ona avanoa mo malologa a aoga a tamaiti aoga ma faatulagaga faalenuu ma maua ai foi se fuainumera o aso e iloilo ai anotusi o tusitusiga paia po o le galulue i mau tauloto. E mafai ona e fetuunaia lesona ma le saoasaoa e pei ona manaonia mo le umi o le taimi e te mauaina e aoao atu ai lenei kosi. (Tagai i le faaopoopoga i le faaiuga o le tusi lesona mo se taiala faataitai o le saoasaoa.)
Galuega Faaopoopo
O le Taiala mo le Suesueina o le Tusi a Mamona mo Tamaiti Aoga Seminare mo Suesuega e Faia i le Aiga e mafai ona faaaoga i polokalama o aso taitasi ā le seminare o se punaoa e maua ai galuega faaopoopo mo tamaiti aoga. O lesona o loo i totonu o le taiala o suesuega mo tamaiti aoga e faia i le aiga e tutusa ma lesona o loo tuuina atu i lenei tusi lesona. O tamaiti aoga ua tele naua tiai aoga e mafai ona tofia e faamaea le meaaoga i le taiala suesue lena e tutusa ma le anotusi ua latou misia i le vasega. E mafai ona lolomiina meaaoga mai i le uepisaite ā le S&I, lea e te le tau manaomia ai ona tuuina atu le tusi lesona atoa i tamaiti aoga o e e manaomia le faia o galuega faaopoopo. O faamatalaga faaopoopo e faatatau i le Taiala mo le Suesueina o le Tusi a Mamona mo Tamaiti Aoga Seminare mo Suesuega e Faia i le Aiga o loo maua i le vaega ua faaulutalaina “Polokalama a le Seminare mo Suesuega e Faia i le Aiga.”
Fesoasoaniga Faafaiaoga
O fesoasoaniga faafaiaoga o loo vaaia i laina i autafa o lenei tusi lesona. O nei fesoasoaniga o loo fesoasoani e faamalamalama ma faailoa ai pe faapefea e oe ma tamaiti aoga o loo e aoaoina ona faaaogaina Mataupu Autu o le Talalelei O le Aoaoina Atu ma le Aoaoina Mai i lau suesuega o le Tusi a Mamona. Ua latou fautuaina mai foi auala lelei e faaaogaina ai metotia faafaiaoga eseese, o tomai, ma auala e faafoe ai. Ao amata ona e malamalama i mataupu faavae o loo i totonu o fesoasoaniga faafaiaoga, vaavaai mo ni auala e faataitai ai ma faatumauina le faaaogaina i taimi o au aoaoga.
Mau Tauloto ma Aoaoga Faavae Autu
Ina ia fesoasoani i tamaiti e toloai upumoni e faavavau ma faateleina lo latou toafimalie i le aoaoina mai ma le aoaoina atu mai tusitusiga paia, ua filifilia e le Seminare ma Inisitituti o Aoaoga Faalelotu (S&I) ni fuaitau mai tusitusiga paia mo tamaiti aoga taitoatasi e tauloto i le aluga o kosi taitasi. Faaopoopo i ai, ua aofia ai ma se lisi o Aoaoga Faavae Autu e faailogai ai mataupu faavae autu e ao ona malamalama ai, talitonu, ma ola ai tamaiti aoga i le fa tausaga atoa o le seminare ma tausaga o totoe o lo latou soifua. Sa saunia tusi lesona mo kosi taitasi e faailoga ai Aoaoga Faavae Autu ao iloaina i le aluga o suesuega faatulagaina o tusitusiga paia ā le tamaitiiti aoga. O le tele o fuaitau o mau tauloto na filifilia ma le manatu i Mataupu Faavae Autu, ina ia, ao e aoao atu fuaitau o mau tauloto i tamaiti aoga, o lea e aoao atu foi ma Mataupu Faavae Autu.
A o faaputuputu e tagata taitoatasi ia upumoni e faavavau i o latou mafaufau ma loto, o le a aumaia e le Agaga Paia nei upumoni i lo latou manatuaga i taimi o puapuaga ma tuu atu ia i latou le lototele e galulue ai i le faatuatua (tagai Ioane 14:26). Sa aoao mai e Peresitene Howard W. Hunter:
“Ou te uunaia malosi outou ina ia faaaoga ia tusitusiga paia i a outou aoaoga ma faia mea uma i lo outou malosi e fesoasoani ai i tamaiti aoga e faaaoga ma maua le lagona mafanafana i tusitusiga paia. Ou te fia manao i o tatou tagata talavou ina ia i ai le talitonuga i tusitusiga paia. …
“… Muamua, matou te mananao i tamaiti aoga ina ia i ai le talitonuga i le malosiaga ma upumoni o tusitusiga paia, le talitonuga o loo fetalai moni mai pea lo latou Tama Faalelagi ia i latou e ala i tusitusiga paia, ma le talitonuga e mafai ona latou liliu atu i tusitusiga paia ma sue ni tali i o latou faafitauli ma a latou tatalo. …
“… Matou te faamoemoe e leai se tasi o au tamaiti aoga e tuua lou potuaoga ma le fefe pe maasiasi pe matamuli ona ua latou le mafai ona maua le fesoasoani latou te manaomiaina ona e le o lava lelei lo latou iloaina o tusitusiga paia e sue ai ia fuaitau talafeagai” (“Teugaoa e Faavavau” [address to CES religious educators, Fep. 10, 1989], 2) .si.lds.org).
Tagai i le faaopoopoga i le faaiuga o lenei tusi lesona mo nisi faamatalaga e uiga i mau tauloto ma Aoaoga Faavae Autu.
Faaaogaina o Lesona mo Suesuega e Faia i le Aiga
Aotelega o Lesona Tamaiti Aoga
O le a fesoasoani le aotelega e te faamasani ai i le talaaga ma aoaoga faavae ma mataupu faavae o le a aoaoina e tamaiti aoga I le vaiaso I totonu o le Taiala mo suesuega ā le tamaititi aoga.
Faatomuaga o Lesona
O le faatomuaga I le lesona o lea fesoasoani ia te oe e iloa ai poo ā vaega o le poloka o tusitusiga paia o lea faamamafaina I le lesona.
Tino o le Lesona
O le tino o le lesona na te saunia le taiala mo oe ao e suesue ma aoao atu. E fautuaina mai aitia e aoao atu ai, e aofia ai fesili, gaioiga, upusii, ata, ma siata.
Kulupuina o Fuaiupu ma le aotelega o Talaaga
Ua faakulupuina fuaiupu e faatatau i mea na iai ni suiga na tutupu i le talaaga ma le anotusi i le gasologa o poloka o mau. O faasino upu mo le faakulupuina o fuaiupu taitasi e sosoo ai ma se aotelega puupuu o mea na tutupu po o aoaoga mai totonu o na kulupu o fuaiupu.
Aoaoga Faavae ma Mataupu Faavae
Ao alia’e aoaoga faavae ma mataupu faavae mai i le suesueina o le tusiga o mau, ua faailogaina faamatamatatetele ia fesoasoani ia te oe e faailoa ma faamamafaina i latou i au talanoaga ma tamaiti aoga.
Faatomuaga i le Iunite e Soosoo
O le palakalafa mulimuli o lesona taitasi na te aumaia sina faaataataga i le iunite e sosoo mai. Faasoa atu le palakalafa lea ma lau vasega i le faaiuga o lesona taitasi e fesoasoani ai ia te i latou ia taulai e aoaoina tusitusiga paia i le vaiaso a sau.
Polokalama a le Seminare mo Suesuega e Faia i le Aiga
O le polokalama mo suesuega e faia i le aiga e mafai ai e tamaiti aoga ona maua togi mo le seminare e ala i le faataunuuina o lesona taitasi i le aiga nai lo le auai i le seminare i aso taitasi. O nei lesona o loo maua i seisi tusi lesona e ta’u o le Taiala mo le Suesueina o le Tusi a Mamona mo Tamaiti Aoga Seminare mo Suesuega e Faia i le Aiga. E faatasi i le vaiaso ona feiloai le tamaitiiti aoga ma le faiaoga seminare e tuuina mai ā latou galuega ma auai i se lesona i le potuaoga. O le taiala mo suesuega ā le tamaitiiti aoga ma lesona o le vaiaso mo totonu o le potuaoga o loo faamalamalamaina atili i lalo.
Taiala mo Suesuega mo Tamaiti Aoga e Faia i le Aiga
O le Taiala mo le Suesueina o le Tusi a Mamona mo Tamaiti Aoga Seminare mo Suesuega e Faia i le Aiga ua mamanuina e fesoasoani i tamaiti suesue i le aiga ina ia maua se aafiaga i le suesueina o le Tusi a Mamona e faapei o tamaiti seminare o loo auai i vasega o aso taitasi. O le mea lea, o le saoasaoa o le tusi taiala mo suesuega a tamaiti aoga faapea aoaoga faavae ma mataupu faavae o loo faamamafaina le ogatasi ma anomea i lenei tusi lesona. O le tusi taiala ā le tamaitiiti aoga o loo aofia ai foi faatonuga o mau tauloto. O fuaitau o mau tauloto o loo faailoaina atu i talaaga ao vaaia ai i tusiga o mau. Ua tuuina atu gaoioiga faaopoopo i le faaiuga o lesona lea o loo aotele fuaitau.
O vaiaso taitasi, e tatau i tamaiti seminare e faia suesuega i le aiga ona faamaea lesona e fa mai le taiala mo suesuega ā tamaiti aoga ma auai i se lesona faalevaiaso o lea tuuina atu e le latou faiaoga seminare. E faataunuu e tamaiti aoga tofitofiga faanumeraina mai le taiala mo suesuega i totonu o latou api talaaga mo le suesueina o tusitusiga paia. E tatau ona lua api talaaga mo le suesueina o tusitusiga paia a tamaiti aoga ina ia tuu le tasi i le faiaoga ae faaauau ona galue i le isi. Ao feiloai tamaiti aoga ma le faiaoga i vaiaso taitasi, e aveina le isi api talaaga i le faiaoga mo suesuega e faia i le aiga ao le isi e toe tuuina atu i le tamaitiiti aoga ina ia faaaogaina i lesona o le vaiaso o loo sosoo ai. (Mo se faataitaiga, i le aluga o le vaiaso e tasi, e faamaea e tamaiti aoga tofitofiga o le api talaaga 1. Ona aumaia lea e le tamaitiiti aoga lenei api talaaga ma avatu i le faiaoga. I le aluga o le vaiaso e sosoo ai, e faamaea ai e le tamaitiiti aoga tofitofiga i le api talaaga 2. Ā faafoi mai e le tamaitiiti aoga le api talaaga 2, o lea faafoi atu e le faiaoga le api talaaga 1. Ona faaaoga lea e le tamaitiiti aoga le api talaaga 1e faataunuu ai tofitofiga o le vaiaso e sosoo ai.)
O loo fautuaina tamaiti aoga seminare uma e suesue i aso uma ia tusitusiga paia ma faitau tusiga mo le kosi, ae o tamaiti aoga suesue i le aiga e tatau ona malamalama o loo faamoemoeina i latou e faaaluina se 30 i le 40 minute faaopoopo i lesona e fa taitasi o lesona suesue e faia i le aiga i iunite taitasi ma auai i lesona suesue e faia i le aiga faalevaiaso .
Lesona mo Suesuega e Faia i le Aiga a le Faiaoga
O iunite uma i le Taiala mo le Suesueina o le Tusi a Mamona mo Tamaiti Aoga Seminare mo Suesuega e Faia i le Aiga e fesootai ma lesona e lima i le tusi lesona ā le faiaoga mo aso taitasi. I le faaiuga o lesona e lima taitasi i lenei tusi lesona, o lea e mauaina le lesona o le vaiaso e tasi mo le faiaoga o le au suesue i le aiga. O lesona mo suesuega e faia i le aiga o le ā fesoasoani i tamaiti aoga e iloilo ai, faalolotoina lo latou malamalamaaga o, ma faaaoga aoaoga faavae ma mataupu faavae na latou aoaoina ao latou faamaeaina lesona i le taiala mo le suesueina ā le tamaitiiti aoga i le aluga o le vaiaso. O nei lesona e mafai ai foi ona iloa nisi upumoni faaopoopo e lei talanoaina i le taiala mo suesuega a tamaiti aoga. (Mo le fesoasoani i le fuafuaina o le faatulagaina o lau lesona, tagai i le taiala mo le saoasaoa mo faiaoga mo suesuega e faia i le aiga o loo i le faaopoopoga i le faaiuga o lenei tusi lesona.)
I le avea ai o se faiaoga mo suesuega e faia i le aiga, e tatau ona i ai sou malamalamaaga auiliili i mea o loo suesueina e au tamaiti aoga i le fale i vaiaso taitasi ina ia mafai ona e taliina fesili ma fatuina ni talanoaga anoa pe ā feiloai ma i latou. Fai atu i tamaiti aoga e aumai ā latou tusitusiga paia, api talaaga mo le suesueina o tusitusiga paia, ma taiala mo suesuega ā tamaiti aoga mo le vasega o le vaiaso ina ia mafai ona toe tagai i ai i le aluga o le lesona. Fetuunai lesona e tusa ai ma manaoga o tamaiti aoga o loo e aoaoina ma e tusa ai ma le taitaiga ā le Agaga Paia. Atonu foi e te manao e toe tagai i lesona ā le faiaoga o aso taitasi i lenei tusi lesona ao e tapenapena ma aoao atu. E mafai ona fesoasoani le suesue i fesoasoaniga faafaiaoga ma metotia o loo faaaogaina i lesona o aso taitasi e faamauoaina lau aoaoga o le vaiaso. Lagolagoina soo se manaoga faapitoa o tamaiti aoga o loo e aoaoina. Mo se faataitaiga, afai o se tamaitiiti aoga e faafaigata ona tusitusi, faatagaina o ia na te faaaogaina se laau pue leo po o le faaleo atu o latou lagona i se tasi o latou aiga po o se uo o le e mafai ona tusiaina i lalo a latou tali.
I le faaiuga o lesona taitasi o le vaiaso, ia aoina mai api talaaga ā tamaiti aoga mo le suesueina o tusitusiga paia ma faamalosiau ia te i latou i le faaauauina o suesuega. Ia tuuina atu api talaaga mo le suesueina o tusitusiga paia mo galuega o le vaiaso e sosoo ai. Ona o taimi faatapulaaina, e te le manaomia ona faaopoopo le faamamafa i mau tauloto i au lesona o le vaiaso. Ao faasolo lau faitau i galuega i totonu o api talaaga ā tamaiti aoga mo le suesueina o tusitusiga paia, ia tali atu i lea taimi i lea taimi i ā latou galuega e ala i le tusiina o se tamai faamatalaga po o le talanoa i ai pe ā lua toe feiloai. Atonu foi e te manao e saili nisi auala e tuuina atu ai le lagolago ma fautuaga faagaeetia loto. O le a fesoasoani lea e iloa ai e tamaiti aoga e te popole mo latou galuega ma o le ā fesoasoani e uunaia i latou ia malamalama lelei ia latou tali.
Isi Punaoa
E mafai ona asiasi faiaoga i le uepisaite ā le Seminare ma le Inisituti o Aoaoga Faalelotu (si.lds.org) mo se fesoasoani i le tapenaina o lesona ma maua mai ai nisi manatu faafaiaoga. O punaoa ia o loo avanoa i le tafailagi, ala i lou pule, faletusi o le Ekalesia i le lotoifale, ma le faleoloa ā le Ekalesia i le tafailagi (store.lds.org):
-
AtaFaavaa o le DVD
Punaoa Ata ā le Seminare DVDs
-
Atafaavaa o tusi
Tusi Ata o le Talalelei
-
Atafaavaa o api talaaga
Api talaaga mo le suesueina o tusitusiga paia
-
Atafaailoga tusi
O faailoga tusi a le Seminare (e aofia ai faasologa o taimi ma lisi o tusi o mau tauloto ma upu autu)
-
Atakata faataitai
Kata o mau tauloto
-
Atafaavaa o le tusi
Faamaoni i le Faatuatua: O Se Tusitaiala o le Talalelei
-
Atafaavaa o le tamaitusi
Mo Le Malosi o le Autalavou
-
Atafaavaa o le pepa lautele o loo i ai le savali
Pepa lautele o loo i ai le savali o faasologa o taimi