Eteru 4–12 (Iunite 30)

Sauniuniga o Anomea mo le Faiaoga o Suesuega e Faia i le Aiga

Aotelega o Lesona o Suesuega e Faia i le Aiga i Aso Taitasi

O aotelega o loo i lalo o aoaoga faavae ma mataupu faavae ua aoaoina e tamaiti aoga ao latou suesue i le Eteru 4–12 (iunite 30) e lei fuafuaina o se vaega e aoaoina o lau lesona. O le lesona ua e aoaoina ua na o ni nai aoaoga faavae ma mataupu faavae nei ua taulai i ai. Mulimuli i musumusuga a le Agaga Paia ao e mafaufau i manaoga o au tamaiti aoga.

Aso 1 (Eteru 4–5)

Na faamaufaailogaina e Moronae tusitusiga a le uso o Iareto ma aoao e uiga i tulaga e tatau ona tatou ausia ao le i mauaina e i tatou na faamaumauga. Mai i nei aoaoga, ua aoaoina e tamaiti aoga faapea pe a tatou faatinoina le faatuatua maoae i afioga a le Alii, o le a Ia faamanuia i tatou i faaaliga sili atu.

Aso 2 (Eteru 6)

Mai i le faataitaiga a sa Iareto i le faatinoina o le faatuatua i le Alii ao folau ai i “le moana tele” (Eteru 6:3) i o latou vaa, ua aoaoina e tamaiti aoga faapea ao tatou faatuatuaina le Alii ma faia Lona finagalo, o le a Ia taitaiina le ala o o tatou olaga. Na agia e le matagi ia vaa e agai atu i le laueleele o le folafolaga, ma ua aoaoina e tamaiti aoga pe afai tatou te faatuatuaina le Alii, o le a mafai ona fesoasoani ia puapuaga ma faigata ia tatou alualu ai i luma ma ausia faamanuiaga ua folafolaina.

Aso 3 (Eteru 7–11)

Ina ua le amanaia e sa Iareto le lapataiga a le uso o Iareto ma filifili ia i ai se tupu, ua iloa e tamaiti aoga o le teenaina o upu a perofeta e taitai atu lea i le faatagataotauaina. O Sule o se tupu na pulea i le amiotonu. Ao amata ona salamo lona nuu ma faafofoga i perofeta, na amata ona latou uluola. Ua aoaoina e tamaiti aoga pe a tatou salamo mai o tatou le atoatoa, e amata ona tatou uluola. Na iu lava na pauu atu sa Iareto i le amioleaga ma faaalia ai le upumoni lena e lagolagoina faapotopotoga faalilolilo e taitai atu i le faatamaia o sosaiete.

Aso 4 (Eteru 12)

Mai le perofeta o Eteru, ua aoaoina e tamaiti aoga pe a o tatou maua le faamoemoe ma le faatuatua ia Iesu Keriso, o le a tatou maua le malosi ia mausali ai ma faatumuina i galuega lelei. Na tusia e Moronae pe a tatou mananao i se molimau, ona tatau lea ona tatou faatinoina muamua le faatuatua ia Iesu Keriso. Mai i le tali a le Alii i popolega a Moronae e uiga i ona vaivaiga ma vaivaiga a isi tusitala o le Tusi a Mamona, ua iloa e tamaiti aoga pe afai tatou te faamaualalo i tatou lava ma faatino le faatuatua i le Alii, o le a Ia avea o tatou vaivaiga e avea ma mea malolosi.

Faatomuaga

Ua taulai atu lenei lesona i le Eteru 12:23–41. Na aoao e Moronae le mafuaaga ua i ai i tagata ia vaivaiga ma mea e tatau ona latou faia ia faatoilalo ai.

Fautuaga mo le Aoaoga

Eteru 4–11; 12:6

Ua uluola sa Iareto ma faamanuiaina pe a latou amiotonu

Filifili ni tamaiti aoga se toatolu e iloilo ma otooto mataupu o loo i lalo e ala i le faaaogaina o otootoga o mataupu: Eteru 4–5; Eteru 6; ma le Eteru 7–11. Fai atu i le isi tamaitiiti aoga e iloilo le Eteru 12:6. Fai atu ia i latou e faasoa mai i le vasega mataupu faavae se tasi pe lua na latou aoaoina.

Eteru 12:23–41

Ua tauina mai e Moronae popolega e uiga i le ala o le a tali ai Nuuese i le Tusi a Mamona

Tusi le upumalosi i le tasi itu o le laupapa mavaivaii le isi itu. Tuu atu se taimi i tamaiti aoga e mafaufau loloto ai i o latou lagona o malosiaga ma o latou lagona o ni nai vaivaiga ma le atoatoa. Faamalamalama atu i le Eteru 12, na aoao mai e Moronae le ala e avea ai o tatou vaivaiga ma malosiaga.

Valaaulia se tamaitiiti aoga e faitau leotele le Eteru 12:23–25, ma fai i le vasega e faailoa mai vaivaiga na lagonaina e Moronae ma isi tusitala o le Tusi a Mamona. Ona fai atu lea i tamaiti aoga fesili nei:

O a vaivaiga na taua e Moronae i nei fuaiupu?
O le a le mea na faapopoleina ai Moronae o le a tupu ona o le vaivaiga o i latou o e na tusia le Tusi a Mamona?

A maea ona tali mai tamaiti aoga, tuu atu ia i latou e faitau leleoa le tali a le Alii i popolega a Moronae i le Eteru 12:26–27 ma vaavaai mo mafuaaga ua auina mai ai e le Atua vaivaiga ia i tatou. Pe a lava le taimi e faitau ai e tamaiti aoga nei fuaiupu, faamanatu atu ia i latou o le Eteru 12:27 o se fuaitau o mau tauloto.

Ina ia fesoasoani i tamaiti aoga ia sili atu ona latou malamalama i le upu vaivaigai nei fuaiupu, fai atu i se tamaitiiti aoga e faitau le faamatalaga lenei a Elder Neal A. Maxwell o le Korama a Aposetolo e Toasefululua:

“Pe a tatou faitau i tusitusiga paia i ‘vaivaiga,’ o tagata o lenei faaupuga e aofia ai le aotelega ae o vaivaiga tatau ua fanauina ai le aotelega o tulaga faaletagata lea ua i ai se sootaga o le tino faaletino i le agaga. … O vaivaiga e faapena ona aofia ai, peitai, o o tatou vaivaiga patino, ma faaletagata lava ia, lea e faamoemoe ia tatou faatoilaloina” (Lord, Increase Our Faith [1994], 84).

Atonu e manaomia ona e faamalamalama atu o tulaga lautele o tagata ua talanoa i ai Elder Maxwell ua faatatau lea i vaivaiga e oo mai i alii ma tamaitai e ala i le Pau o Atamu. Ona o le Pau, ua aafia uma i tatou i faaosoosoga ma le atoatoa faaletagata e faaopoopo i lo tatou lava le atoatoa patino.

Valaaulia tamaiti aoga e faailoa mai se mataupu faavae na aoaoina i le Eteru 12:27. (Afai e faamaualaloina i tatou lava ma faatinoina le faatuatua i le Alii, o le a Ia faia mea vaivai ma mea malolosi ia i tatou.)

Ina ia fautuaina le faaaogaina o lenei mataupu faavae na aoaoina i le Eteru 12:27, tusi mea nei i le laupapa:

1. Iloaina o o’u vaivaiga 2. Faamaualaloina o a’u lava 3. Faatinoina o le faatuatua ia Keriso

Valaaulia tamaiti aoga e tusi nei fasifuaitau i le pito i luga o se fasi pepa. I lalo o le autu, fai atu i tamaiti aoga e mafaufau loloto ma tusi, i le taimi nei po o i se taimi mulimuli ane, (1) se vaivaiga ua latou lagona ua latou mauaina, (2) pe mafai faapefea ona latou faamaualaloina i latou lava e tusa ai ma lena vaivaiga, ma (3) pe mafai faapefea ona latou faatinoina le faatuatua ia Keriso ina ia mafai ona latou maua Lana fesoasoani, po o le alofa tunoa, e faatoilalo ai vaivaiga ua latou lisiina.

Pe a maea ona latou faia, fautuaina tamaiti aoga e tuu le pepa i a latou api o talaaga po o i se isi nofoaga o le a o latou iloa soo ai ma ia faamanatuina taumafaiga ua latou mananao e faia. Molimau atu i tamaiti aoga ao latou taumafai e faamaualalo e faatoilaloina o latou vaivaiga, o le a fesoasoani le Alii e “faia lea o mea vaivai ia avea ma mea malolosi ia te i latou” (Eteru 12:27).

Valaaulia tamaiti aoga e faitau le Eteru 12:26, 28 ia iloa ai pe na faapefea ona sili atu ona tali le Alii i popolega a Moronae e uiga i o latou tusitusiga. Atonu e te manao e fai atu fesili nei:

I le Eteru 12:26, na taua ai e Moronae le agamalu, lea e tatau ona agalelei, faamaualalo, ma gauai atu i finagalo paia. Aisea e te manatu ai e moomia le agamalu ia le amanaia ai vaivaiga o isi?
E mafai faapefea ona fesoasoani le alofa tunoa o le Alii (Lona fesoasoani po o le mana gafatia paia) e fesoasoani ia i tatou e aua nei faaaogaina vaivaiga o isi mo lo tatou manuia?

Faamamafa atu ao tatou atiina ae le faatuatua, faamoemoe, ma le alofa mama, o le a fesoasoani le alofa tunoa ia i tatou pe a tatou feagai ma vaivaiga o isi.Otooto le Eteru 12:29–32 e ala i le faamalamalamaina na iloiloina e Moronae le taua o le faatinoina o le faatuatua ma le molimau ma vavega ua aumaia. Fai atu i tamaiti aoga e faitau le Eteru 12:33–35 ma faailoa mea na tusia e Moronae e uiga i le taua o le faatinoina o le alofa mama.

Fesili: Aisea e taua ai ona maua le alofa mama pe a tatou feagai ma vaivaiga o isi?

Valaaulia tamaiti aoga e faasoa ma se tamaitiiti aoga mea ua latou faia e saili ai ia maua atoa le alofa tunoa o Iesu Keriso i o latou olaga. I le taimi faatagaina, atonu e te manao e valaaulia ni nai tamaiti aoga e faasoa i le vasega pe faapefea e le saili atu ina ia latalata ia Iesu Keriso ona uunaia o latou olaga.

Iunite e Sosoo (Eteru 13–Moronae 7)

Ao sauniuni tamaiti aoga e suesue le iunite e sosoo ai, fautuaina i latou e mafaufau i mea nei: E faapefea pe afai ua fasiotia uma au uo ma aiga ma ua na o oe sa faasaoina o le sa faamaoni i le talalelei a Iesu Keriso? Na aafia uma ai ia Eteru ma Moronae i lenei ituaiga tuuatoatasi. E mafai faapefea ona e tumau i soo se tofotofoga ma maua le ola e faavavau? Ua faamalamalamaina e Moronae 7 le auala ua avea ai le faatuatua, faamoemoe, ma le alofa mama i le mauaina o nei meaalofa.