Bhabhadisa, Umbhabhadiso

Igama elisetshenziswa embhalweni wesi Griki lisho ukuthi “gxambuza” noma “cwilisa.” Umbhabhadiso ngokucwiliswa emanzini yilowo onegunya yisimiso sokungeniswa sevangeli futhi sidingekile ukuze umuntu abe yilungu leBandla likaJesu Kristu labaNgcwele benziNsuku zokuGcina. Sandulelwa wukholo kuJesu Kristu nokuphenduka. Kufanele silandelwe wukwemukela isipho sikaMoya oNgcwele ukuze siphelele (2 Nefi 31:13–14). Umbhabhadiso ngamanzi futhi nangoMoya udingekile ngaphambi kokuba umuntu angene embusweni wesilestiyali. U-Adamu waba ngowokuqala ukuba abhabhadiswe (Mose 6:64–65). UJesu naye wabhabhadiswa ukuze agcwalise konke ukulunga futhi ukuze akhombise abantu bonke indlela (Math. 3:13–17; 2 Nefi 31:5–12).

Ngenxa yokuthi bonke emhlabeni abanalo ithuba lokwemukela ivangeli ngesikhathi sempilo yasemhlabeni, iNkosi isigunyaze imibhabhadiso yabafileyo eyenziwa ngokumelelwa. Ngakho-ke, labo abemukela ivangeli ezweni lemimoya bangafaneleka ukungena embusweni kaNkulunkulu.