Pawulu

NgumPhostoli eTestamenteni eliSha. Igama likaPawulu lesiHeberu lalinguSawulu, futhi wayaziwa ngaleligama kwaze kwaba wukuqala komsebenzi wakhe wokufundisa ivangeli kwabeZizwe. Ngokudlule wayekhathaze iBandla kodwa waguqulelwa kubuqiniso balo emva kokubona umbono kaJesu Kristu. UPawulu waba nohambo olukhulu lobufundisi kathathu futhi wabhala izincwadi eziningi kwabaNgcwele. Ezilishumi nane zalezi zincwadi zenza ingxenye yeTestamente eliSha namhlanje. Ekugcineni wabanjwa wathathwa njengesiboshwa eRoma futhi wabulawa, mhlawumbe ngentwasahlobo yangonyaka wama 65 emva kukaKristu.

Wavuma kukhandwe ngamatshe uStefanu, IzE. 7:57–8:1.
Wahlupha abangcwele, IzE. 8:3.
Wayehamba ebheke eDamaseku ngesikhathi uJesu evela kuye, IzE. 9:1–9.
Wabhabhadiswa ngu-Ananiya, IzE. 9:10–18.
Esephemule e-Arabiya, wabuyela eDamaseku ukuyoshumayela, IzE. 9:19–25 (Gal. 1:17).
Eminyakeni emithathu emuva kokuguquka kwakhe, wabuyela eJerusalema, IzE. 9:26–30 (Gal. 1:18–19).
Wahamba kathathu njengomfundisi, eshumayela ivangeli futhi ehlela amagatsha eBandla ezinxenyeni ezahlukeneyo zoMbuso waseRoma, IzE. 13:1–14:26; 15:36–18:22; 18:23–21:15.
Wabuyela eJerusalema emuva komsebenzi wakhe wokufundisa ivangeli wesithathu, waboshwa futhi wathunyelwa eKesariya, IzE. 21:7–23:35.
Wahlala eyisiboshwa eKesariya iminyaka emibili, IzE. 24:1–26:32.
Wathunyelwa eRoma ukuba ayoqula icala futhi wezwa ubuhlungu bokuphihlizeka nomkhumbi endleleni, IzE. 27:1–28:11.