Wukuxhumana kukaNkulunkulu nabantwana Bakhe emhlabeni. Isambulo singeza ngokuKhanya kukaKristu kanye nangoMoya oNgcwele ngendlela yentshisekelo, imibono, amaphupho, noma ngokuhanjelwa yizingelosi. Isambulo sinika ukuholwa okungaholela abathembekileyo ensindisweni yaphakade embusweni wesilestiyali.
INkosi yambula umsebenzi Wayo kubaphrofethi Bayo futhi iqinise kwabakholwayo ukuthi izambulo kubaphrofethi ziliqiniso (Amose 3:7). Ngesambulo, iNkosi inika ukuholwa ngakunye kuwo wonke umuntu okufunayo futhi onokholo, ophendukayo, futhi othobela ivangeli likaJesu Kristu. “UMoya oNgcwele ungumambuli,” kwasho uJoseph Smith, futhi “akukho muntu ongathola uMoya oNgcwele ngaphandle kokuthola izambulo.”
EBandleni leNkosi, ubuMongameli bokuQala kanye nomGwamanda wabaPhostoli abaliShumi namBili bangabaphrofethi, ababoni, kanye nabambuli eBandleni kanye nasemhlabeni. UMongameli weBandla nguye kuphela iNkosi emgunyazile ukuba atholele iBandla isambulo (Mf&V 28:2–7). Wonke umuntu angathola isambulo sakhe uqobo ukuze kuzuze yena.