Ukufa komoya

Wukwehlukana noNkulunkulu nezimfundiso Zakhe; wukufa ngokuphathelene nezinto zokulunga. ULusifa kanye nengxenye yesithathu yamabandla asezulwini bezwa ubuhlungu bokufa komoya ngesikhathi bephonswa ngaphandle kwasezulwini (Mf&V 29:36–37).

Ukufa komoya kwalethwa emhlabeni ngokuWa kuka-Adamu (Mose 6:48). Abantu basemhlabeni abanemicabango, amagama, kanye nemisebenzi emibi bafile ngokomoya ngesikhathi besaphila emhlabeni (Ⅰ Thim. 5:6). NgeNhlawulo kaJesu Kristu futhi nangokuhlonipha imigomo kanye nezimiso zevangeli, abesilisa nabesifazane bangahlanzwa esonweni futhi bakunqobe ukufa komoya.

Ukufa komoya kuyenzeka futhi emuva kokufa komzimba. Abantu abavuke ekufeni kanye nodeveli nezingelosi zakhe bazokwehlulelwa. Labo abahlubuke ekukhanyeni naseqinisweni levangeli ngamabomu bazozwa ubuhlungu bokufa komoya. Lokhu kufa imvamisa kubizwa ngokuthi wukufa kwesibili (Alima 12:16; Hel. 14:16–19; Mf&V 76:36–38).

Abantu bakhululekile ukuba bakhethe inkululeko kanye nokuphila okuphakade noma ukuba bakhethe ukuthunjwa kanye nokufa, 2 Nefi 2:27 (2 Nefi 10:23; Alima 29:5; Hel. 14:30–31).
UNkulunkulu usesilungisele indlela yokubalekela ukufa kanye nesihogo, 2 Nefi 9:10.
Zikhululeni ebuhlungwini besihogo ukuze ningezwa ubuhlungu bokufa kwesibili, Jakobe 3:11.
Umuntu wemvelo uyisitha kuNkulunkulu, Mosiya 3:19.
Sengathi iNkosi ingakupha ukuphenduka ukuze ungezwa ubuhlungu bokufa kwesibili, Alima 13:30.
U-Alima wayezungezwe ngamaketanga okufa, Alima 36:18.
Abakhohlakeleyo bayafa ngokuphathelene nokulunga, Alima 40:26 (Alima 12:16).
UkuWa kwaletha kubo bonke abantu ukufa ngokomoya, Alima 42:9 (Hel. 14:16–18).