UbuPhristi bukaMelkisedeki

UbuPhristi bukaMelkisedeki wubuphristii obuphakeme noma obukhulu; ubuPhristi buka-Aroni wubuphristii obuncane. UbuPhristi bukaMelkisedeki buhlanganisa nezikhiye zezibusiso zomoya zeBandla. Ngezimiso zobuphristi obuphakeme amandla obunkulunkulu ayabonakaliswa kubantu (Mf&V 84:18–25; 107:18–21).

UNkulunkulu wembula lobu buphristi obukhulu okokuqala ku-Adamu. Abaphatriyakhe kanye nabaphrofethi kuzo zonke izinhlelo zokwengamela babe naleligunya (Mf&V 84:6–17). Ekuqaleni babubizwa ngobuPhristi obuNgcwele, ngokoHlelo lweNdodana kaNkulunkulu. Kamuva baziwa ngokuthi wubuPhristi bukaMelkisedeki (Mf&V 107:2–4).

Ngesikhathi abantwana bakwa-Israyeli behluleka wukuphila ngokwamalungelo kanye nangokwezivumelwano zobuPhristi bukaMelkisedeki, iNkosi yawususa umthetho ophakeme futhi yabanika ubuphristii obuncane kanye nomthetho ophansi (Mf&V 84:23–26). Lokhu kwakubizwa ngokuthi wubuPhristi buka-Aroni kanye nomthetho kaMose. Ngesikhathi uJesu eza emhlabeni, wabubuyisela ubuPhristi bukaMelkisedeki kumaJuda futhi waqala ukwakha iBandla phakathi kwabo. Kodwa, ubuphristii kanye neBandla kwalahleka futhi ngokuhlubuka. Kwabuye kwabuyiselwa kamuva ngoJoseph Smith omNcane (Mf&V 27:12–13; 128:20; JS—uMl. 1:73).

Ngaphakathi kobuPhristi bukaMelkisedeki kukhona izikhundla zobugosa, umphristi omkhulu, umphatriyakhe, ngowamaShumi ayisiKhombisa, kanye nomPhostoli (Mf&V 107). UbuPhristi bukaMelkisedeki buyohlala njalo buyinxenye yombuso kaNkululunkulu emhlabeni.

UMongameli weBandla likaJesu Kristu labaNgcwele beziNsuku zokuGcina ungumongameli wobuPhristi obuphakeme noma ubuPhristi bukaMelkisedeki, futhi uphethe zonke izikhiye eziphathelene nombuso kaNkulunkulu emhlabeni. Ubizo lobuMongameli luphathwa yindoda eyodwa ngesikhathi, futhi yiyo kuphela engumuntu emhlabeni ogunyaziwe ukuba asebenzise zonke izikhiye zobuphristi (Mf&V 107:64–67; 132:7).