Levi

UJakobe wambusisa uLevi kanye nozalo lwakhe (Gen. 49:5–7, 28). Abozalo lukaLevi babesiza ezindaweni ezingcwele zakwa-Israyeli (Num. 1:47–54). U-Aroni wayengumLevi, futhi abozalo lwakhe babengabaphristi (Eks. 6:16–20; 28:1–4; 29). AbakwaLevi babelekelela abaphristi, amadodana ka-Aroni (Num. 3:5–10; Ⅰ AmaKh. 8:4). Kwesinye isikhathi babesebenza njengabaculi (Ⅰ IziKr. 15:16; Neh. 11:22); babebulala iminikelo (Ⅱ IziKr. 29:34; Ezra 6:20); futhi ngokujwayelekile babelekelela ethempelini (Neh. 11:16). AbakwaLevi babenikelwe ekwenzeni umsebenzi weNkosi ukuze benzele abantwana bakwa-Israyeli izimiso. AbakwaLevi bona uqobo babenikelelwa abantwana bakwa-Israyeli (Num. 8:11–22); ngaleyondlela baba yimpahla kaNkulunkulu ekhethiweyo, enikwe Yena esikhundleni sezibulo (Num. 8:16). Babengangcweliswa kodwa babehlanzwa ukuze babe sesikhundleni sabo (Num. 8:7–16). Babengenalo ifa lezwe eKhanani (Num. 18:23–24), kodwa babemukela okweshumi (Num. 18:21), imizi engamashumi amane nesishiyagalombili (Num. 35:6), futhi benelungelo lokwemukela izipho zabantu ngezikhathi zedili (Dut. 12:18–19; 14:27–29).