Umphrofethi

Ngumuntu obizwe futhi nokhulumela uNkulunkulu. Njengesithunywa sikaNkulunkulu, umphrofethi uthola imiyalelo, iziphrofetho, kanye nezambulo kuNkulunkulu. Umthwalo wakhe wukwazisa ngentando kanye nangesimilo okuyiso ngempela sikaNkulunkulu kubantu futhi nokubakhombisa incazelo yendlela abaphatha ngayo. Umphrofethi uyasigxeka isono futhi uyabikezela ngemiphumela yaso. Ungumshumayeli wokulunga. Kwesinye isikhathi, abaphrofethi bangashisekeliswa ukuba babikezele ngokuzayo ukuze kuzuze abantu. Kodwa, umthwalo wakhe osemqoka wukufakaza ngoKristu. UMongameli weBandla likaJesu Kristu labaNgcwele beziNsuku zokuGcina ungumphrofethi kaNkulunkulu emhlabeni namhlanje. Amalungu obuMongameli bokuQala kanye nabaPhostoli abaliShumi namBili basekelwa njengabaphrofethi, ababoni, kanye nabembuli.