Ukukhanya, Ukukhanya kukaKristu

Ngamandla kaNkulunkulu noma yithonya elivela kuNkulunukulu ngoKristu futhi lokhu kunika impilo kanye nokukhanya ezintweni zonke. Kungumthetho okubuswa ngawo zonke izinto ezulwini kanye nasemhlabeni (Mf&V 88:6–13). Kusiza abantu futhi ukuba bawaqonde amaqiniso evangeli futhi kubasiza ngokuba kubabeke endleleni yevangeli eholela ensindisweni (Joh. 3:19–21; 12:46; Alima 26:15; 32:35; Mf&V 93:28–29, 31–32, 40, 42).

Ukukhanya kukaKristu akufanele kudidaniswe noMoya oNgcwele. Ukukhanya kukaKristu akusiye umuntu. Kuyithonya elivela kuNkulunkulu futhi kulungiselela umuntu ukuba athole uMoya oNgcwele. Kuyithonya lokuba kube khona ubuhle ezimpilweni zabantu bonke (Joh. 1:9; Mf&V 84:46–47).

Isibonakaliso esisodwa sokukhanya kukaKristu ngunembeza, osiza umuntu ukuba akhethe phakathi kokulungileyo kanye nokungalungile (Moro. 7:16). Ngesikhathi abantu befunda kakhudlwana ngevangeli, onembeza babo baba nozwelo olukhudlwana (Moro. 7:12–19). Abantu abalalela ukukhanya kukaKristu baholelwa evangelini likaJesu Kristu (Mf&V 84:46–48).