Umphristi omkhulu

Yisikhundla ebuphristini. Imibhalo engcwele ikhuluma ngo “mphristi omkhulu” ngemiqondo emibili: (1) yisikhundla ebuPhristini bukaMelkisedeki; kanye (2) nomphathi-sikhundla owengameleyo ebuPhristini buka-Aroni, ngaphansi komthetho kaMose.

Umqondo wokuqala uqondene noJesu Kristu njengomPhristi omKhulu. U-Adamu kanye nabo bonke abaphatriyakhe babengabaphristi abakhulu nabo. Namhlanje, abaphristi abakhulu abathathu abengameleyo benza ubuMongameli beBandla futhi bengamela bonke abanobuphristi kanye namalungu eBandla. Amanye amadoda afanele agcotshwa ukuba abe ngabaphristi abakhulu njengoba kufanele eBandleni lonke namhlanje. Abaphristi abakhulu bangabizwa, bahlukaniselwe ubizo, futhi bagcotshwe njengombhishobhi (Mf&V 68:19; 107:69–71).

Ngomqondo wesibili, ngaphansi komthetho kaMose, umphathi-sikhundla ophetheyo wobuPhristi buka-Aroni wayebizwa ngomphristi omkhulu. Isikhundla sasithathwa ekuzalweni futhi sasibakhona ngezibulo phakathi komndeni ka-Aroni, u-Aroni yena uqobo engumphristi omkhulu wokuqala ngokohlelo luka-Aroni (Eks. 28–29; Lev. 8; Mf&V 84:18).