Mpostile

KwisiGrike, uMpostile uthetha “othunyelwe phambili”. Ibiligama uYesu awalinika abaLishumi elineSibini awabanyulayo Waza wabamisela babe ngabona bangabafundi Bakhe basondeleyo nabancedisi ngethuba lobufundisi Bakhe emhlabeni (Luka 6:13; Yoh. 15:16). Wabathumela phambili ukuze bammele baze bamfundisele emva koNyuko Lwakhe. Kunye mandulo nakwiKhoram yaBapostile abaLishumi elineSibini kwiBandla elibuyiselweyo namhlanje, uMpostile ligqina elikhethekileyo likaYesu Krestu kulo lonke ihlabathi ungqina ngobunyulu Bakhe nangovuko Lwakhe kwabafileyo (Izenzo 1:22; I&M 107:23).

Abo bangawanyamekeliyo amazwi abaprofeti naBapostile baya kusikwa, I&M 1:14 (3 Nif. 12:1).
Ubizo nomsebenzi wabaLishumi elineSibini watyhilwa, I&M 18:26–36.
UJoseph Smith wamiselwa abe nguMpostile, I&M 20:2; 21:1.
ABapostile ngamangqina akhethekileyo egama likaKrestu kwaye baphethe izitshixo zokulungiselela, I&M 27:12 (I&M 112:30–32).
ABapostile abaLishumi elineSibini benza ikhoram elingana negunya loBumongameli boKuqala, I&M 107:23–24.
AbaLishumi elineSibini baliQumrhu elijikelezayo eloNgameleyo eliKhulu, I&M 107:33.
ABapostile baphethe izitshixo zomsebenzi wobufundisi, I&M 107:35.
Eminye imisebenzi yaBapostile ichaziwe, I&M 107:58.
Ndithi kubo bonke abaLishumi elineSibini: ndilandeleni, nize nidlise izimvu zam, I&M 112:14–15.

Ukonyulwa kwaBapostile

ABapostile banyulwe yiNkosi (Yoh. 6:70; 15:16).